«قىزمەت اترەتى + ىسكەر» كىرىستى ارتتىرۋعا جەتەكتەدى

日期:2019年01月11日
来源:天山网
【字体:

  حابارىن جازىپ، سۋرەتىن تۇسىرگەن ليۋ شىحى

  1 - ايدىڭ 2 - كۇنى، جاڭ جۇي (سولدا) ۋاڭ گاڭعا مالدىڭ باعىلۋ جاعدايىن تانىستىرۋدا.

  1 - ايدىڭ 2 - كۇنى، باعىمشىلىق كاسىبىن دامىتىپ بايىعان قىستاق تۇرعىنى قانيا نۇعىمار جاڭا ۇيگە كوشىپ كىردى.

  قوم - قاناس ەت تاعامدارى شەكتى جاۋاپكەرشىلىك سەرىكتەستىگى باعىمشىلىك بازاسىنىڭ قىزمەتكەرى مالعا جەم - ءشوپ بەرۋدە. (1 - ايدىڭ 2 - كۇنى تۇسىرىلگەن)

  بۋىرشىن اۋدانى قوستىق قالاشىعى قارا ءدوڭ قىستاعى ەگىن شارۋاشىلىعىن نەگىز ەتكەن، ەگىن شارۋاشىلىعى مەن مال شارۋاشىلىعىن ۇشتاستىرعان قىستاق. قسىتاق تۇرعىندارىنىڭ كىرىسىن ارتتىرۋىنا دەم بەرۋ ءۇشىن، بۋىرشىن اۋداندىق پارتكوم ۇيىمداستىرۋ ءبولىمىنىڭ «ۇعىسۋ، تيىمدىلىك جاساۋ، توعىستىرۋ» قيمىلى بويىنشا وسى قىستاقتا تۇراتىن قىزمەت اترەتى التاي ايماعىنىڭ تۇتاس وڭىرلىك ساياحاتتى دامىتۋ ورايىن مىقتاپ يگەرىپ، قىستاقتاعى ءىرى كاسىپتىك باعىمشى جاڭ جۇيدى جاسىل، ورگانيكالى ازىق - تۇلىك وڭدەۋ كاسىبىن دامىتىپ، بۇكىل قىستاقتى باعىمشىلىق كاسىبىن دامىتۋعا جەتەكتەپ، قىستاق تۇرعىندارىنىڭ جۇمىسقا ورنالاسۋ ارناسىن كەڭەيتۋگە جۇمىلدىردى.

  قىزمەت اترەتى سەرىكتەستىكتى تىركەۋگە الدىرۋ، قارجىعا ءوتىنىش بەرۋ، كاسىپورىندى باسقارۋ، عىلىم - تەحنيكادا جاڭالىق اشۋ، ساتۋ ارناسىن كەڭەيتۋ، ماركادا جاڭالىق اشۋ قاتارلى جاقتاردا جان - جاقتىلى سۇيەمەلدەدى. 3 جىلدىق قۇلشىنىستىڭ ارقاسىندا، بۋىرشىن اۋدانى قوم - قاناس ەت تاعامدار شەكتى جاۋاپكەرشىلىك سەرىكتەستىگىنىڭ جەتەكتەۋىندە، جەرگىلىكتى ورىندا سەلبەستىك كووپەراتيۆى كولەمدى باعۋ، كاسىپورىن مانەرلەۋ، ساتۋ ءبىر تۇلعالانعان ءوندىرۋ - ساتۋ جۇيەسى قالىپتاستى. كەزەكتە، بۇل سەرىكتەستىك سۇرىلەنگەن قازى، تابيعي كەپتىرىلگەن قوي - سيىر ەتى، جاس ورگانيكالى ەت سياقتى 3 ۇلكەن ءتۇر بويىنشا 19 ءونىم ءوندىرىپ، جىلىنا جاسىل ورگانيكالى جەم - ءشوپ جەگەن قوي - سيىردان 20 مىڭ ساتىپ، جىلدىق ءونىم قۇنىن 10 ميلليون يۋاننان اسىردى، بەيجيڭدە، شاڭحايدا، شي - اندا جانە گۋاڭجوۋدا تىكە ساتۋ ورنىن اشىپ، 70تەن استام قىستاق تۇرعىنىن ورنىقتى جۇمىسقا ورنالاسۋعا تىكەلەي باستاپ، وسى قىستاقتاعى جانە ماڭايداعى 230دان استام قىستاق تۇرعىنىنىڭ جىلدىق ورتاشا كىرىسىنىڭ 3000 يۋانعا جەتۋىنە جانامالاي جەتەكشىلىك ەتتى.

  بۋىرشىن اۋدانى قوم - قاناس ەت تاعامدارى شەكتى جاۋاپكەرشىلىك سەرىكتەستىگىنىڭ جاۋاپتىسى جاڭ جۇي تەبىرەنە: مەن قىزمەت اترەتىنىڭ سۇيەمەلدەۋىنىڭ ارقاسىندا اۋقاتتانۋدىڭ باستاۋشىسىنا اينالدىم، جاڭا ءبىر جىلدا، مەن كاسىپورىننىڭ كولەمىن ونان ارى كەڭەيتىپ، اناعۇرلىم كوپ ادامنىڭ جۇمىسقا ورنالاسىپ، كىرىسىن ارتتىرۋىنا جەتەكشىلىك ەتەمىن، - دەدى.

  بۇل كۇندەرى، اۋقاتتانۋ جولىنا تۇسكەن قىستاق تۇرعىندارىنىڭ شارۋاشىلىق قۇرۋ بەلسەندىلىگى تاسقىنداي ءتۇستى، ولار قىستاق مادەنيەت قيمىل ۇيىنە، كىتاپحاناسىنا كىرىپ ۇيرەنىپ، وزدەرىن الۋەتتەندىردى، كەيبىر قىستاق تۇرعىندارى مالىن جارنا قوسۋ ۇلگىسىندە سەلبەستىك كووپەراتيۆىنىڭ باعۋىنا بەرىپ، بوس ۋاقىتتارىندا سانجى، شىحىزى سياقتى جەرلەرگە بارىپ وزىق باعىمشىلىق تەحنيكالارىن ۇيرەندى.

   قىزمەت اترەتىنىڭ باستىعى، قىستاقتىڭ ءبىرىنشى شۋجيى ۋاڭ گاڭ: 2019 - جىلى، ءبىز ىسكەرلەردىڭ اۋقاتتانۋعا جەتەكشىلىك ەتۋ رولىن ۇزدىكسىز ساۋلەلەندىرىپ، وتباسىن نەگىز، كاسىپتىك سەلبەستىك كووپەراتيۆىن بىرلىك، وڭدەۋ كاسىپورىندارىن باستاماشى ەتىپ، جاسىل ورگانيكالى ازىق - تۇلىك ءوندىرۋ، وڭدەۋ، شىعارۋ بازاسىن قۇرىپ، ءتىپتى كوپ بۇقارانىڭ كەدەيلىكتەن ارىلىپ بايۋىنا جەتەكشىلىك ەتەمىز، - دەدى.