كەدەي وڭىرلەردەگى، اسىرەسە، وڭتۇستىك شينجياڭداعى اۋىر كەدەي وڭىرلەردەگى بۇقارا ءۇشىن ايتقاندا، تۇرمىستا ءدوپ كەلگەن سىن - سايىس كوز الداعى تىعىرىق قانا ەمەس، بولاشاققا بەتپە - بەت كەلگەندەگى شاراسىزدىق تا بولىپ تابىلادى. كەدەيلىكتەن ارىلتۋدان قامال الۋدا كەدەي بۇقارانىڭ قازىر ىستەيتىن جۇمىسى، تاباتىن اقشاسى بولۋىنا مۇمكىندىك جاساۋدان سىرت، ولاردىڭ جۇرەكتەرىن دە ”جىلىتىپ“، ءوز رازىلىعىمەن تەحنيكا ۇيرەنىپ، قابىلەتتەرىن ءوسىرىپ، سول ارقىلى بولاشاققا دەگەن ءۇمىتىن كۇشەيتىپ، سەنىمدەرىن بەكەمدەۋ كەرەك.
قۋانارلىعى، ينتەرنەتتىڭ دەم بەرۋىندە، كەدەيلەردى سۇيەمەلدەۋ قىزمەتىندە جاڭا ءتاسىل مەن ارنا جارىققا شىقتى ءارى كەدەي بۇقارانىڭ وي جەلىسى مەن كوز اياسىن كەڭەيتۋىنە اناعۇرلىم كەڭ كەڭىستىك ازىرلەدى. قامىسارىق قىستاعىندا ەلەكتروندىق ساۋدا ارقىلى اۋىل شارۋاشىلىعى ونىمدەرى مەن قولونەر بۇيىمدارىن ساتاتىن ءداستۇرلى شارۋالار بولسىن، الدە تەز جەتكىزەتىن زات تاسىمالىن دامىتۋعا سۇيەنىپ كەدەيلىكتەن ارىلىپ، كىرىستەرىن ارتتىرعان جاستار بولسىن نەمەسە توردا ساتىپ الۋدىڭ زاتى ساپالى، باعاسى ارزان بولۋداي ارتىقشىلىعىن كورگەن قىستاق تۇرعىندارى بولسىن ولاردىڭ ەكونوميكالىق مۇددەنىڭ دەم بەرۋىندە جاساعان ىرىقتى تاڭداۋى عانا ”كەدەيلەردى سۇيەمەلدەۋ ءۇشىن، ءسوز جوق، اقىل - پاراسات جاعىنان سۇيەمەلدەۋدىڭ“ شىنايى بەينەسى بولماق.
وڭتۇستىك شينجياڭداعى كوپتەگەن سالىستىرمالى مەشەۋ جەرلەر جونىنەن العاندا، ەلەكتروندىق ساۋدانىڭ دامۋى ەندى عانا باستالعانىمەن، كەدەيلىكتەن ارىلتۋدان قامال الۋ قىزمەتىنە وراسان زور ىقپال تۋدىردى. نەگىزدىك قۇرىلعىنىڭ ۇزدىكسىز كەمەلدەنۋىنە، ەلەكتروندىق ساۋدانىڭ پايدالانىلۋ سالاسىنىڭ ۇزدىكسىز كەڭەيۋىنە، بۇقارانىڭ قابىلداۋ دارەجەسىنىڭ ۇزدىكسىز جوعارىلاۋىنا ىلەسە، ەلەكتروندىق ساۋدا كاسىبىن دامىتۋعا ات سالىساتىنداردىڭ بارعان سايىن كوبەيىپ، كەدەيلىكتەن ارىلتۋدان قامال الۋعا دەم بەرەتىن ماڭىزدى كۇشكە اينالاتىندىعىن مەجەلەۋگە بولادى.
