10 - ايدىڭ 9 - كۇنى، سالقىن سامال، كۇزگى لەپ، اقتاۋ اۋدانىنىڭ كۇنلۇنجيايۋان الەۋمەتتىك اۋماعى دىر - دۋمانعا بولەندى. بالالار الەۋمەتتىك اۋماقتاعى الاڭدا اسىر سالىپ ويناپ ءجۇر، قارتتار ەكىدەن، ۇشتەن بىرگە وتىرىپ، ەركىن اڭگىمە دۇكەنىن قۇرۋدا.
ساعات 11دە، تاڭەرتەڭگى اسىن ىشكەننەن كەيىن، 70 جاستاعى تۇردىحان يمان كاريا ۇيىنەن شىعىپ، الەۋمەتتىك اۋماقتاعى الاڭعا بارىپ، قارتتاردىڭ ”قاتارى“نا قوسىلدى.
”بۇل ارادا تۇرمىس توتەنشە قولايلى! بۇرىندارى ءوزىمنىڭ مۇنداي جاقسى تۇرمىس كەشىرە الاتىندىعىمدى ويلاماعان ەكەنمىن“. تۇردىحان تەرەڭ سەزىممەن تۇرمىسىنداعى وراسان وزگەرىستەردى تىلگە تيەك ەتتى.
تۇردىحان اقتاۋ اۋدانى شارلۇڭ اۋىلى تويلابۇلۇڭ قىستاعىنىڭ تۇرعىنى، 8 - ايدىڭ 31 - كۇنى ءبىر ءۇيلى جان اۋىلداعى ەڭ سوڭعى ءبىر توپتاعى ارحيۆ تۇرعىزىلىپ، كارتچكالاندىرىلعان كەدەي وتباسىلارىمەن بىرگە، تاۋدان ءتۇسىپ كۇنلۇنجيايۋان الەۋمەتتىك اۋماعىنا كوشىپ كىردى.
تۇردىحان وتباسىنىڭ بۇرىنعى تۇراعى تويلابۇلۇڭ قىستاعى اقتاۋ اۋدان قالاشىعىنان 230 كيلومەتر قاشىقتىقتا، تەڭىز دەڭگەيىنەن 3000 مەتردەن استام بيىكتىكتەگى تاۋلى وڭىردە ەدى. ەكولوگيالىق ورتاسى ناشار، سۋ جەتكىزۋدىڭ، ەلەكتر جەتكىزۋدىڭ، تاس جول سالۋدىڭ، تۇرعىن ءۇي سالۋدىڭ وزىندىك قۇنى جوعارى بولعاندىقتان ەكونوميكانى دامىتۋدىڭ اياسى تار بولاتىن، سونىمەن بىرگە قىستاقتىڭ نەگىزدىك قۇرىلعىلارى مەن نەگىزگى الەۋمەتتىك قىزمەت وتەۋىنىڭ دامۋى اۋىر دارەجەدە كەنجە قالعان.
كەدەيلىك جاعدايىن وزگەرتۋ ءۇشىن، سوڭعى جىلداردان بەرى، اقتاۋ اۋدانى اۋداننىڭ مال شارۋاشىلىق رايوندارىنداعى اۋىل - قالاشىقتاردىڭ ەرەكشە كەدەيلىك جاعدايىنا نەگىزدەلىپ، قونىس جاڭالاپ كەدەيلەردى سۇيەمەلدەۋ سىندى كەدەيلىكتەن ارىلتۋ دامۋ وي جەلىسىن بەلگىلەيدى. ”2016 - جىلى 6 - ايدا ءبىز كۇنلۇنجيايۋان جانە سىلۋجيايۋان سىندى 2 قونىس جاڭالاپ كەدەيلەردى سۇيەمەلدەۋ ءتۇيىنىن ءتۇيىندى تۇردە قۇرا باستادىق. 2017 - جىلى 10 - ايدا قونىس جاڭالاۋ جوسپارى بويىنشا، شارلۇڭ اۋىلىنىڭ اۋىر كەدەي قىستاقتارىنداعى كەدەي وتباسىلارىن توپقا ءبولىپ، قونىس جاڭالاتتىق، سول ايدىڭ سوڭىندا ارحيۆ تۇرعىزىلىپ، كارتچكالاندىرىلعان تۇڭعىش توپتاعى 428 كەدەي وتباسىنداعى 1758 ادام كۇنلۇنجيايۋانعا ءساتتى كوشىپ كىردى“، - دەدى اقتاۋ اۋداندىق كەدەيلەردى سۇيەمەلدەۋ كەڭسەسىنىڭ مەڭگەرۋشىسى ۋاڭ چيڭيۇڭ.
2 جىلدىق قۇلشىنىس ارقىلى 8 - ايدىڭ 31 - كۇنى تويلابۇلۇڭ قىستاعىنداعى ەڭ سوڭعى ءبىر توپتاعى 74 كەدەي وتباسى تاۋدان كوشىپ ءتۇستى. سونىمەن شارلۇڭ اۋىلىنداعى ارحيۆ تۇرعىزىلىپ، كارتچكالاندىرىلعان 983 كەدەي وتباسىنداعى 4057 ادام تۇگەلدەي قونىس جاڭالاپ، جەكە - جەكە كۇنلۇنجيايۋان الەۋمەتتىك اۋماعىنا جانە سىلۋجيايۋان الەۋمەتتىك اۋماعىنا كوشىپ كىردى.
شەت شالعايداعى مەشەۋ كەدەي قىستاقتاردان قۇرىلعىلارى كەمەلدى، تۇرمىسقا قولايلى وسىزاماندانعان الەۋمەتتىك اۋماققا كوشىپ كىرگەن مالشىلاردىڭ قالاعا كىرۋ ارمانى ورىندالدى. وسى وسىزاماندانعان الەۋمەتتىك اۋماقتا تۇرعىن ءۇي رەتتى، تارتىپپەن سالىنعان، سۋ، ەلەكتر، جول، گاز سياقتى نەگىزدىك قۇرىلعىلار كەمەلدى، مەكتەپ، شيپاحانا، ەرەن بازار سياقتىلاردىڭ بارلىعى بار.
”جاسىمدا تاۋدا مال باقتىم، قارتايعاندا قالاعا كوشىپ كىرەتىندىگىمدى ويلاماعان ەكەنمىن. پارتيانىڭ ابزال ساياساتى تۇرمىسىمدى وزگەرتتى، تاۋدان ءتۇسىپ، سىرتقى دۇنيەنى كورۋىمە مۇمكىندىك جاسادى“، - دەدى تۇردىحان تەبىرەنگەن سەزىمىن باسا الماي.
جاڭا ءۇيىن جيناستىرىپ بولعان كۇننىڭ ەرتەسى، تۇردىحان كاريا ۇلىنىڭ ءوزىن قالا ورتالىعىن ارالاتۋىن تاعاتسىزدانا كۇتتى، جۋىنىپ - شايىنىپ تازالانىپ، رەتتى كيىنىپ، الەۋمەتتىك اۆتوكولىككە وتىرىپ، كاريا كوزدەگەن جەرىنە قاراي بەت الدى...
قونىس جاڭالاعاننان كەيىن، قارتتار وتىرىقتانعان جايلى تۇرمىستىڭ ءلاززاتىنا شومدى، جاستار كىرىستى ارتتىرۋدىڭ جاڭا جولىن قاراستىرا باستادى.
2017 - جىلى 10 - ايدا قىستاق تۇرعىنى سارا قۇربان وتباسى قونىس جاڭالاعاننان كەيىن اسحانا اشتى. ول قىستاق تۇرعىندار كوميتەتىنە جانە اۋىلدىق ۇكىمەتكە اسحانا اشىپ، شارۋاشىلىق قۇرۋ ءوتىنىشىن تاپسىرىپ ەدى، ءوتىنىشى تەز ارادا بەكىتىلدى ءارى قونىس جاڭالاۋ تۇيىنىنەن 56 شارشى مەترلىك دۇكەنگە يە بولدى. تيجارات كۋالىگىن الىپ، اسحاناسىن اشەكەيلەپ، ءبىر ايعا جەتپەيتىن ۋاقىتتا جۇمىس باستايدى. قازىر حالىققا ءتيىمدى ساياساتتارىنىڭ ارقاسىندا، سارانىڭ اسحاناسىنان ايىنا، از دەگەندە، 10 مىڭ يۋان تازا كىرىس كىرىپ، ءبىر ءۇيلى جان شاتتىققا شومدى.
سارا ءوزى اقشا تابۋمەن بىرگە، 6 كەدەي تۇرعىندى اسحاناسىندا جۇمىستاندىردى ءارى ولارعا ايىنا 1500 يۋاننان 4000 يۋانعا دەيىن ەڭبەكاقى بەردى.
قازىر، وتىرىقتانعاننان كەيىنگى مالشىلار سىرتقا ەڭبەككۇش شىعارۋ، شارۋالار سەلبەستىك كووپەراتيۆىن قۇرۋ، ەگىنشىلىكتى، باعىمشىلىقتى دامىتۋ سياقتى ارنالار ارقىلى كىرىستى ارتتىرىپ، اۋقاتتاۋدىڭ سارا جولىن تاپتى.”مال شارۋاشىلىق رايون“نان ”قالا رايونى“نا، ”مالشى“دان ”تۇرعىن“عا دەيىن، قونىس جاڭالاعان كەدەي وتباسىلارى پارتيا مەن ۇكىمەتتىڭ قولداۋىندا ءوز باسىمدىعىن بەلسەنە ساۋلەلەندىرىپ، ”كوشىپ شىعا الۋدى، تۇراقتاپ تۇرا الۋدى، اۋقاتتانا الۋدى“ شىنايى جۇزەگە اسىردى. بولاشاقتا ولار ۇزدىكسىز ارمانداعان جاڭا تۇرمىسقا تىنباي قۇلشىنا قادام تاستايدى.
