10 - ايدىڭ 12 - كۇنى 6 - كەزەكتى شينجياڭ ەرەكشە جەمىس - جيدەك ونىمدەرى (اقسۋ) جارمەڭكەسى جانە 2019 - جىلى مەملەكەتتىك اۋىل شارۋاشىلىعى ونىمدەرىن ءوندىرۋدى جانە ساتۋدى ۇشتاستىرىپ، كەدەيلەردى سۇيەمەلدەۋ قيمىلى (اقسۋ بەكەتى) اقسۋ قالاسىندا شىمىلدىعىن اشتى. اۆتونوميالى رايوندىق پارتكومنىڭ تۇراقتى مۇشەسى، اۆتونوميالى رايوننىڭ ورىنباسار ءتوراعاسى ەركىن تۇنياز قاتىناستى.
بۇل رەتكى قيمىل 2019 - جىلعى مەملەكەتتىك اۋىل شارۋاشىلىعى ونىمدەرىن ءوندىرۋدى جانە ساتۋدى ۇشتاستىرىپ، كەدەيلەردى سۇيەمەلدەۋ (شينجياڭ) قيمىلىنىڭ 2 - بەكەتى. شينجياڭنىڭ ءىشى - سىرتىنان كەلگەن 200دەن ارتىق ساتىپ الۋ ساۋداگەرلەرى جارمەڭكەگە قاتىناستى، 370 كاسىپورىن كورمەگە قاتىناستى.
لوپ اۋدانى كۇنلۇنشۋە بيولوگيالىق عىلىم - تەحنيكا شەكتى سەرىكتەستىگىنىڭ كورمە ورنىنداعى كەپتىرىلگەن اعاش ساڭىراۋقۇلاعى جانە شاعىن قوراپتاعى ساڭىراۋقۇلاق قوسىمشا تاعامدارى كوپتەگەن ساتىپ الۋشى ساۋداگەرلەردى باۋرادى. بۇل سەرىكتەستىك حوتان ايماعىندا 1500 مۋدان ارتىق ساڭىراۋقۇلاق ەگۋ بازاسىن قۇردى، قازىر جىلدىق ءونىمى 1500 تونناعا جەتتى، جەرگىلىكتى ورىنداعى 50 مىڭعا جۋىق ادام مۇنىڭ يگىلىگىن كوردى، ولاردىڭ باسىم كوبى كەدەي بۇقارا. ”بۇرىن سەرىكتەستىكتىڭ تيجاراتى باتىس سولتۇستىك بازارىنا شوعىرلانعان، ال بۇگىن گۋاڭدۇڭ، جياڭسۋ، جىجياڭ سياقتى جەرلەردەگى ساۋداگەرلەردىڭ دە ءبىزدىڭ ونىمدەرىمىزدى ۇناتاتىندىعىن ويلاماعان ەكەنبىز. وسى ورايدان پايدالانىپ، ونىمدەرىمىزدى ءتىپتى دە الىس جەرلەرگە ساتۋدى ءۇمىت ەتەمىز“، - دەدى سەرىكتەستىكتىڭ تيجارات - ساتۋ باس باقىلاۋشىسى ليۋ دومين.
ساۋدا ىستەرى مينيسترلىگىنىڭ بازار جۇيەسى قۇرىلىسى مەكەمەسىنىڭ ورىنباسار باستىعى لي گاڭ مىنالاردى ءبىلدىردى: وسى رەتكى قيمىلدى وراي ەتىپ، اقسۋدىڭ اۋىل شارۋاشىلىعى ەرەكشە ونىمدەرىنىڭ تۇتاس مەملەكەتتەگى ءارقايسى ءىرى اۋىل شارۋاشىلىعى ونىمدەرى ساۋداگەرلەرىمەن ورنىقتى ءوندىرۋ جانە ساتۋدى ءتۇيىلىستىرۋ بايلانىسىن ورناتىپ، اقسۋدىڭ اۋىل شارۋاشىلىعى ءوندىرىس كاسىبىنىڭ ورنىقتى جوعارىلاۋىن جانە شارۋالاردىڭ كىرىسىنىڭ ورنىقتى ارتۋىن جەبەپ، كەدەيلىكتەن ارىلتۋدان قامال الۋعا جانە اۋىل - قىستاقتى گۇلدەندىرۋگە دەم بەرۋىن ءۇمىت ەتەمىن.
