نەگىزگى تاقىرىپتىق تاربيەنى ورىستەتۋدى وراي، قوزعاۋشى كۇش ەتىپ، كەدەيلىكتەن ورنىقتى ارىلتۋ، جۇرت تىلەگىن ۇيىستىرۋ قىزمەتتەرىن تىڭعىلىقتى، ويداعىداي ىستەيىك

لي پىڭشين تۇرپان قالاسىندا تەكسەرۋ - زەرتتەۋ جۇرگىزدى

نەگىزگى تاقىرىپتىق تاربيەنى ورىستەتۋدى وراي، قوزعاۋشى كۇش ەتىپ، كەدەيلىكتەن ورنىقتى ارىلتۋ، جۇرت تىلەگىن ۇيىستىرۋ قىزمەتتەرىن تىڭعىلىقتى، ويداعىداي ىستەيىك

 9 - ايدىڭ 24 - ، 25 - كۇندەرى، اۆتونوميالى رايوندىق پارتكومنىڭ ورىنباسار شۋجيى، اۆتونوميالى رايوننىڭ كەدەيلەردى سۇيەمەلدەۋ - وركەندەتۋ باسشىلىق گرۋپپاسىنىڭ ورىنباسار باستىعى لي پىڭشين تۇرپان قالاسىنىڭ ءپىشان اۋدانىنا، گاۋچاڭ رايونىنا، توقسۇن اۋدانىنا بارىپ، كەدەيلىكتەن ارىلتۋدان قامال الۋ، اۋىل - قىستاق قونىستانۋ ورتاسىن رەتتەۋ - وڭاۋ، وقىتۋشىلار قوسىنى قۇرىلىسى، نەگىزدىك وقۋ - اعارتۋ سياقتى قىزمەتتەردى تەكسەرىپ - زەرتتەدى. ول بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىن ىشكەرىلەي ورىستەتىپ، جاڭا داۋىردەگى پارتيانىڭ شينجياڭدى جونگە سالۋ جالپى جوباسىن جاپپاي دايەكتىلەندىرىپ، كەدەيلىكتەن ورنىقتى ارىلتۋ، جۇرت تىلەگىن ۇيىستىرۋ سياقتى قىزمەتتەردى تىڭعىلىقتى، ويداعىداي ىستەپ، شينجياڭنىڭ قوعام ورنىقتىلىعى مەن باياندى تىنىشتىق باس نىساناسىن جۇزەگە اسىرۋعا اناعۇرلىم بەرىك نەگىز قالاۋ كەرەك.

لي پىڭشين ءپىشان اۋدانى ءپىشان قالاشىعى شوقتام قىستاعىنا، كىشى ھوڭ قىستاعىنا، گاۋچاڭ رايونى سىڭگىم اۋىلى سىڭگىم قىستاعىنا، مۇرتوق قىستاعىنا، ايدىنكول قالاشىعى شوڭكول قىستاعىنا، توقسۇن اۋدانى عولبويى اۋىلى يۇقىرقى قارا اش قىستاعىنا بارىپ، شينجياڭ تۇرپان جەمىس شارۋاشىلىعى شەكتى سەرىكتەستىگى، توقسۇن اۋدانى توقىماشىلىق كاسىپ باقشا رايونى سياقتى كەدەيلىكتەن ارىلتۋدان قامال الۋدىڭ ءبىرىنشى شەبىنە جانە كەدەي بۇقارا وتباسىلارىنا بارىپ، كەدەي بۇقارانى باسقا سالاعا ويىستىرىپ جۇمىستاندىرۋ، وزگە جەرگە كوشىرۋ، ەرەكشە جەمىس ورمان شارۋاشىلىعىمەن كىرىستى ارتتىرۋعا جەبەۋ سياقتى جاعدايلاردى تەكسەرىپ، كەدەي بۇقارامەن جانە نەگىزگى ساتىداعى كادرلارمەن پىكىر اۋىستىرىپ، پارتيانىڭ حالىققا تيىمدىلىك جاساۋ ساياساتتارىنىڭ تياناقتاندىرىلۋ جاعدايىن ۇعىستى، كەدەي بۇقارانى سەنىمدى بەكەمدەپ، قاجىرلىلىقپەن ەڭبەكتەنىپ، شوگەلدىكپەن ىستەپ، قوس قولىمەن اناعۇرلىم كوركەم بولاشاق جاراتۋعا شابىتتاندىردى.

لي پىڭشين بىلاي دەپ باسا دارىپتەدى: كەدەيلىكتەن ارىلتۋدان قامال الۋ اسا سالماقتى ساياسي جاۋاپكەرشىلىك، اۋەلگى ماقساتتى، بورىشتى ەڭ ايگىلەي الادى. ءسوزسىز، ”ءتورت تانىم“دى كۇشەيتىپ، ”ءتورت سەنىم“دى بەكەمدەپ، ”ەكىنى قورعاۋ“دى ورىنداپ، قايراتتانا ءتۇسىپ، قايسارلىقپەن شايقاس جۇرگىزىپ، بەكەمدەۋگە، كۇشەيتۋگە بارىنشا كۇش سالىپ، ءىس جۇزىندىك ارەكەتپەن پارتياعا شارتسىز ادال بولۋدى امالياتتا ايگىلەۋ كەرەك.

لي پىڭشين مىنالاردى تالاپ ەتتى: نازاردى ”ەكىدەن تارىقتىرماۋ، ءۇشتى قامتاماسىز ەتۋ“گە شوعىرلاندىرىپ، دالمە - ءدال شارا قولدانۋدى كۇشەيتىپ، ”جەتى ءبىر توپ“تى، ”ۇشتە سەرپىندى ارتتىرۋ“دى ىلگەرىلەتىپ، ”توعىزدى ايقىنداۋ“دى تياناقتاندىرىپ، كەدەيلىكتەن ارىلتۋدان قامال الۋ شايقاسىندا جوعارى ساپامەن جەڭىسكە جەتۋ كەرەك. كاسىپتى دامىتۋدى كەدەيلىكتى جونگە سالۋداعى تۇبىرىنەن وڭاۋ شاراسى ەتىپ، ”كەستە تىگۋ“ ونەرىنە مىقتاپ جەتىلىپ، كەدەيلەردى جەتەكتەۋ، كەدەيلەرگە تيىمدىلىك جەتكىزۋ مەحانيزمىن اقاۋسىزداندىرىپ، كەمەلدەندىرىپ، ۇزاق ۋاقىت، ورنىقتى تۇردە كەدەيلىكتەن ارىلتۋعا شىنايى كەپىلدىك ەتۋ كەرەك. وزگە جەرگە كوشىرگەننەن كەيىنگى كومەكتەسۋدى، سۇيەمەلدەۋدى ۇزدىكسىز كۇشەيتىپ، كوشىرۋگە، ورنىقتىرۋعا، ىستەيتىن جۇمىس بولۋعا، اۋقاتتانۋعا شىنايى كەپىلدىك ەتۋ كەرەك. بۇقارانىڭ تىلەگىنە قۇرمەت ەتۋ، اۋىل - قىستاق قونىس ورتاسىن رەتتەۋ - وڭاۋدى ورىستەتۋگە عىلمي، ءتارتىپتى جەتەكتەپ، جەر جاعدايىنا قاراي، شىندىقتى ءىس جۇزىنەن ىزدەي وتىرىپ دارەتحانانى وزگەرتۋ قىزمەتىن ىلگەرىلەتۋ كەرەك. بۇقارانىڭ ”ساتۋى قيىن بولۋ“ ماسەلەسىن كۇش سالا شەشىپ، اۋىل شارۋاشىلىق ونىمدەرىن ساتىپ الۋ - ساتىپ بەرۋ جۇيەسىن كەمەلدەندىرۋگە كۇش سالىپ، اۋلانى ءار ۇلت بۇقاراسىنىڭ كىرىسىن ارتتىرۋداعى ”قۇتتى اۋلا“عا اينالدىرۋ كەرەك.

لي پىڭشين ءپىشان اۋداندىق چيحاڭ بالاباقشاسىنا، توقسۇن اۋداندىق 1 - ورتا مەكتەپكە دە بارىپ، مەكتەپتىڭ وقىتۋشىلار كۇشى، نەگىزدىك قۇرىلعىلار قۇرىلىسى، مەكتەپتىڭ الەۋمەتتىك حاۋىپسىزدىگى، وقۋ - اعارتۋ، وقىتۋ سياقتى جاعدايلارىن تەكسەردى، زەرتتەدى. ول بىلاي دەپ باسا دارىپتەدى: نەگىزگى تاقىرىپتىق تاربيەنى ورىستەتۋدى قوزعاۋشى كۇش ەتىپ، پارتيا ءۇشىن ادام تاربيەلەۋ، مەملەكەت ءۇشىن دارىندى باۋلۋ بورىشىن ەستە بەرىك ساقتاپ، حالىق رازى بولاتىن وقۋ - اعارتۋدى دەن قويا، سۇيىسپەنشىلىكپەن، كۇش سالا ويداعىداي جۇرگىزۋ كەرەك. مەكتەپتىڭ حاۋىپسىزدىك، ورنىقتىلىق جاۋاپكەرشىلىگىن قاتاڭداستىرىپ، ناقتىلاندىرىپ، جاڭا جۇڭگو قۇرىلعاندىعىنىڭ 70 جىلدىعىن جاراسىمدى، ورنىقتى ورتامەن قۇتتىقتاۋ كەرەك.