7 - ايدىڭ 10 - كۇنىنەن 12 - كۇنىنە دەيىن مەملەكەتتىك ساياسي كەڭەستىڭ ورىنباسار ءتوراعاسى، مەملەكەتتىك قاتىناس - تاسىمال مينيسترلىگى پارتيا باسشىلىق گرۋپپاسىنىڭ شۋجيى ياڭ چۋانتاڭ ءۇرىمجى قالاسىنا، قاشقار ايماعىنا، قىزىلسۋ قىرعىز اۆتونوميالى وبلىسىنا بارىپ، اۋىر كەدەي وڭىرلەردىڭ قاتىناس ارقىلى كەدەيلەردى سۇيەمەلدەۋ قىزمەتى، اسىرەسە، ”ەكىنى جەتكىزۋ“ (اكىمشىلىك قىستاقتارعا اسفالت جول جەتكىزۋ، جولاۋشىلار اۆتوبۋزىن جەتكىزۋ) نىساناسىنىڭ ورىندالۋ جاعدايى سياقتىلار جونىندە تەكسەرۋ - زەرتتەۋ جۇرگىزدى ءارى ۇرىمجىدە ”3 رايون، 3 وبلىس“تا قاتىناس ارقىلى كەدەيلەردى سۇيەمەلدەۋ جونىندەگى جۇمىس باسى ءماجىلىسىن باسقارىپ اشتى.
ياڭ چۋانتاڭ ۇلۇقشات اۋدانى ەركەشتام شەكارا وتكەلىندە قاتىناس قۇرىلىسى ارقىلى شەكارا وتكەلىنىڭ دامۋىن جەبەۋ، ”ءبىر بەلدەۋ، ءبىر جول“ قۇرىلىسىندا قول جەتكەن ناتيجەلەر جونىندە تەكسەرۋ - زەرتتەۋ جۇرگىزىپ، ۇلۇقشات اۋدانىنىڭ جولاۋشى تاسىمال بەكەتى قۇرىلىسىنىڭ جاعدايىن ۇعىستى؛ كونەشار اۋدانى توققۇزاق قالاشىعىنىڭ اياققى ماڭگەن قىستاعىندا اۋىل - قىستاق تاس جول قۇرىلىسىنىڭ جاعدايىن تەكسەرىپ - زەرتتەدى ءارى از ۇلت بۇقاراسىنىڭ وتباسىلارىنا بارىپ جاعداي ۇعىستى؛ شينجياڭ ءوندىرىس - قۇرىلىس بيڭتۋانى 3 - شىسىنىڭ 41 - تۋانىندا جولاۋشى تاسىمال بەكەتى مەن اۋىل - قىستاق تاس جول قۇرىلىسىنىڭ جاعدايىن تەكسەرىپ - زەرتتەدى؛ يوپۇرعا اۋدانى تەرىم اۋىلىنىڭ ماشاڭزى قىستاعىندا اۆتونوميالى رايوندىق قاتىناس - تاسىمال مەڭگەرمەسىنىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىن، سونداي - اق قاتىناس ارقىلى كەدەيلەردى سۇيەمەلدەۋ، اۋىل - قىستاق تاس جول قۇرىلىسىنىڭ جاعدايىن ۇعىستى ءارى قىستاقتا تۇراتىن قىزمەت اترەتىندەگىلەرگە امانداسىپ، ولاردان حال سۇرادى.
ياڭ چۋانتاڭ تەكسەرۋ - زەرتتەۋدە بىلاي دەپ باسا دارىپتەدى: شي جينپيڭنىڭ جاڭا ءداۋىر جۇڭگوشا سوتسياليزم يدەياسىن جەتەكشى ەتىپ، باس شۋجي شي جينپيڭنىڭ كەدەيلەردى سۇيەمەلدەۋ قىزمەتى جونىندەگى ماڭىزدى بايىمداۋىن ىشكەرىلەي ۇيرەنىپ، دايەكتىلەندىرىپ، يدەيالىق تانىمدى شىن مانىندە ءوسىرىپ، ”اۋەلگى ماقساتتى ۇمىتپاۋ، بورىشتى ەستە بەرىك ساقتاۋ“ نەگىزگى تاقىرىپتىق تاربيەسىمەن ۇشتاستىرىپ، پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرى مەن ورنالاستىرۋلارىن قاز - قالپىندا دايەكتىلەندىرىپ، تياناقتاندىرىپ، پارىقتى تاۋىپ، تياناقتاندىرۋدى يگەرىپ، ءار جاقتىڭ بىرىككەن كۇشىن ۇيىستىرىپ، اۋىر كەدەي وڭىرلەردىڭ كەدەيلىكتەن ارىلتۋدان قامال الۋ شايقاسىنىڭ جەڭىسىنە باتىل قول جەتكىزۋ كەرەك.
7 - ايدىڭ 12 - كۇنى ياڭ چۋانتاڭ ۇرىمجىدە ”3 رايون، 3 وبلىس“تا قاتىناس ارقىلى كەدەيلەردى سۇيەمەلدەۋدىڭ جۇمىس باسى ءماجىلىسىن اشىپ، سىچۋان، يۇننان، گانسۋ، چيڭحاي، شيزاڭنىڭ جانە اۆتونوميالى رايوننىڭ، بيڭتۋاننىڭ قاتىناس - تاسىمال مەڭگەرمەلەرىنىڭ (مەكەمە) قاتىناس ارقىلى كەدەيلەردى سۇيەمەلدەۋ قىزمەتىنىڭ جاعدايى جونىندەگى مالىمەتتى تىڭدادى. ول بىلاي دەپ اتاپ كورسەتتى: ءار دارەجەلى پارتكوم مەن ۇكىمەت پارتيا ورتالىق كوميتەتىنىڭ كەدەيلىكتەن ارىلتۋدان قامال الۋ جونىندەگى شەشىمدەرى مەن ورنالاستىرۋلارىن ىشكەرىلەي دايەكتىلەندىرىپ، تياناقتاندىرىپ، باس شۋجي شي جينپيڭنىڭ كەدەيلىكتەن ارىلتۋدان قامال الۋ قىزمەتى جونىندەگى ماڭىزدى نۇسقاۋىنىڭ رۋحىن ىشكەرىلەي دايەكتىلەندىرىپ، تياناقتاندىرىپ، تۇلعالىق جاۋاپكەرشىلىكتى شىن مانىندە تياناقتاندىرىپ، كەدەيلىكتەن ارىلتۋدان قامال الۋدا كورنەكتى ناتيجەگە قول جەتكىزدى، كەدەي جان سانى زور دارەجەدە ازايىپ، كەدەيلىكتىڭ تۋىلۋ مولشەرى كورنەكتى تۇردە تومەندەدى، قاتىناس ارقىلى كەدەيلەردى سۇيەمەلدەۋدىڭ نىسانا - مىندەتتەرى ءتارتىپتى تۇردە ىلگەرىلەتىلدى، ءىشىنارا وڭىرلەر اكىمشىلىك قىستاقتارعا اسفالت ول جەتكىزۋ، جولاۋشى اۆتوبۋزىن جەتكىزۋ سىندى ”ەكىنى جەتكىزۋ“ نىساناسىن الدىن الا جۇزەگە اسىردى.
ياڭ چۋانتاڭ بىلاي دەپ باسا دارىپتەدى: كەدەيلىكتەن ارىلتۋدان قامال الۋ − قيان - كەسكى شايقاس، ال اۋىر كەدەي وڭىرلەردە كەدەيلىكتەن ارىلتۋدان قامال الۋ − قيان - كەسكى شايقاستىڭ ىشىندەگى قيان - كەسكى شايقاس. اۋىر كەدەي وڭىرلەردە كەدەيلىكتەن ارىلتۋدان قامال الۋ شايقاسى جونىندەگى يدەيالىق تانىمدى شىن مانىندە ءوسىرىپ، ساياسي جاۋاپكەرشىلىكتى اناعۇرلىم تياناقتاندىرىپ، ساياسي جاۋاپكەرشىلىكتى كۇشەيتىپ، ءار ءتۇرلى ساياسات - شارانىڭ تەرەڭ تامىر تارتىپ، ءونىمى كورىنۋىن تىڭعىلىقتى ىلگەرىلەتۋ كەرەك. قاتىناس ارقىلى كەدەيلەردى سۇيەمەلدەۋدەگى ”ەكىنى جەتكىزۋ“ سىندى تومەنگى شەكتەن تۇسىرمەۋ نىساناسىن دەر كەزىندە ساپاعا كەپىلدىك ەتە وتىرىپ ورىنداپ، ”13 - بەسجىلدىق“تاعى قاتىناس ارقىلى كەدەيلەردى سۇيەمەلدەۋ جوباسىندا بەلگىلەنگەن نىسانا - مىندەتتەردى تىڭعىلىقتى ورىنداپ، ”ەكىدەن تارىقتىرماۋ، ءۇشتى قامتاماسىز ەتۋ“دى شەشۋگە قاتىناس - تاسىمال جاعىنان پارمەندى كەپىلدىك ازىرلەۋ كەرەك. ۇزاق بولاشاقتىق نىسانا مەن جاقىنعى نىسانانى ۇشتاستىرۋعا ءمان بەرىپ، كەدەيلىكتەن ارىلتۋدان قامال الۋ مەن اۋىل - قىستاقتى گۇلدەندىرۋگە قىزمەت وتەۋ ستراتەگياسىنىڭ ۇشتاسۋىن ءبىر تۇتاس جوسپارلاپ جاقسى ىستەپ، كەدەيلىكتەن ارىلتىپ اۋقاتتانۋدىڭ ۇشتاسۋىن كۇش جالعاپ جاقسى ىستەۋ كەرەك. جاۋاپكەرشىلىكتىڭ تياناقتانۋىن مىقتاپ يگەرىپ، مينيسترلىك، ولكە، وبلىس، اۋداندار زەيىن - زەردە، كۇش - قۋاتتى بىرىكتىرىپ اۋىر كەدەيلىكتەن قامال الىپ، شارلاۋدا اڭىس ەتىلگەن ماسەلەلەردى رەتتەۋ - تۇزەتۋدى بۇلجىماستان ويداعىداي يگەرىپ، كەدەيلەردى سۇيەمەلدەۋ سالاسىنداعى شىرىكتەسۋ جانە ستيل ماسەلەلەرىن ارناۋلى جونگە سالۋدى ۇزدىكسىز كۇشەيتۋ كەرەك.
اۆتونوميالى رايوننىڭ، سونداي - اق بيڭتۋاننىڭ باسشىلارىنان جاۋ چۇڭجيۋ، جۇڭ بو قاتىستى تەكسەرۋ - زەرتتەۋگە جانە اڭگىمەگە قاتىناستى.
شينجياڭداعى كەزىندە، ياڭ چۋانتاڭ قاتىناس - تاسىمال مينيسترلىگىنەن ۋاقىتتىق مىندەتپەن كەلگەن كادرلارعا دا امانداسىپ، ولاردان حال سۇرادى.
