رايونىمىزدا 88 مىڭنان استام كەدەي مۇگەدەك كەدەيلىكتەن ارىلدى

日期:2019年06月20日
来源:新疆日报
【字体:

 اۆتونوميالى رايوننىڭ كەدەي مۇگەدەكتەردى كەدەيلىكتەن ارىلتۋدان قامال الۋ قىزمەتى جونىندەگى اقپار جاريالاۋ ماجىلىسىنەن مىنانى ۇعىستى: قازىر رايونىمىزداعى ارحيۆ تۇرعىزىلىپ، كارتچكالاندىرىلعان 121 مىڭ 243 كەدەي مۇگەدەكتىڭ 88 مىڭ 438ى كەدەيلىكتەن ارىلىپ، يەلەيتىن سالىستىرماسى %72.94 بولعان، قالعان كەدەي مۇگەدەكتەر دە بيىل، كەلەر جىلى 2 جىلدا بۇكىلدەي ءدال ۋاعىندا كەدەيلىكتەن ارىلادى ەكەن.

تاياۋ جىلداردان بەرى اۆتونوميالى رايوندىق پارتكوم مەن ۇكىمەت كەدەي مۇگەدەكتەردى كەدەيلىكتەن ارىلتۋدان قامال الۋدى كەدەيلىكتەن ارىلتۋدان قامال الۋدىڭ جالپى تۇلعالىق ورنالاستىرۋىنا ەنگىزدى ءارى ءتۇيىندى قىزمەت رەتىندە ورنالاستىرۋ جاسادى، ءتۇزىم جوبالاۋ، ساياسات ورنالاستىرۋ، نىسانداردى اتقارۋ، تياناقتاندىرۋدى قۋزاۋ سياقتى جاقتاردا سەرپىندى ۇزدىكسىز كۇشەيتىپ، ءۇرتىس ىلگەرىلەتتى.

اۆتونوميالى رايوندىق مۇگەدەكتەر بىرلەستىگى پارتيا باسشىلىق گرۋپپاسىنىڭ مۇشەسى، ورىنباسار القا باستىعى چىن حۇڭبو مىنانى ءبىلدىردى: 2016 - جىلدان باستاپ اۆتونوميالى رايوندىق مۇگەدەكتەر بىرلەستىگى اۆتونوميالى رايوندىق كەدەيلەردى سۇيەمەلدەۋ، وركەندەتۋ كەڭسەسىمەن بەلسەنە ۇشتاسىپ، ينفورماتسيانى دەر كەزىندە سالىستىرىپ، كەدەي مۇگەدەكتەردىڭ ينفورماتسيالارىن دالمە - ءدال يگەردى. اسىرەسە، بيىل اۆتونوميالى رايوندىق مۇگەدەكتەر بىرلەستىگى كەدەيلەردى سۇيەمەلدەۋ، حالىق ىستەرى، ادام كۇشى بايلىعى جانە قوعامدىق قامتاماسىزداندىرۋ، ەمدەۋ قامسىزداندىرۋى، تۇرعىن ءۇي جانە قالا، اۋىل قۇرىلىسى، وقۋ - اعارتۋ سياقتى تاراۋلارمەن ءدال كەزىندەگى ينفورماتسيالاردان تەڭ يگىلىكتەنۋ مەحانيزمىن ورناتىپ، كەدەي مۇگەدەكتەردى سۇيەمەلدەۋدىڭ نەگىزگى ينفورماتسياسىن جان - جاقتى يگەرىپ، كەدەيلەردى سۇيەمەلدەۋ وبيەكتىلەرىنە دالمە - ءدال قىزمەت وتەپ، كەدەي مۇگەدەكتەردىڭ كەدەيلىكتەن ارىلۋىن ءونىمدى ءبىر جايلى ەتۋ ءۇشىن شەشىم جاساۋ نەگىزىن ازىرلەدى.

قازىر رايونىمىزداعى كەدەي مۇگەدەكتەر وتباسىلارى اۆتونوميالى رايوننىڭ ”التىدا دالمە - ءدال بولۋ“، ”جەتى ءبىر توپ“ جانە ”ۇشتە سەرپىندى ارتتىرۋ“ سىندى كەدەيلىكتەن ارىلتۋدان قامال الۋداعى ماڭىزدى شارالارىنان پايدالانىپ، كەدەيلەردى سۇيەمەلدەۋدىڭ تۇرلىشە ساياساتتارىنان جاپپاي يگىلىكتەندى − جەر - جەردەگى كەدەي مۇگەدەكتەر اي سايىن نەمەسە ماۋسىم سايىن ەڭ تومەنگى تۇرمىستى قامتاماسىز ەتۋ قارجىسىنان يگىلىكتەندى، مۇگەدەكتەرگە بەرىلەتىن ”ەكى ءتۇرلى قوسىمشا قاراجات“ تا تولىعىمەن ۋاعىندا تاراتىلىپ، بارلىعىن قامتۋدى نەگىزىنەن ىسكە اسىردى؛ نەگىزگى زەينەتكەرلىك قامسىزداندىرۋىن ۇكىمەت تاپسىرۋ جۇزەگە اسىرىلىپ، نەگىزگى ەمدەۋ قامسىزداندىرۋ قوسىمشا قاراجات ساياساتى تياناقتاندىرىلدى. اۋلا شارۋاشىلىعى، كەدەيلەردى سۇيەمەلدەۋ جانۋارلارىن تاراتۋ، قورا قۇرىلىسى، جەمىس - جيدەك شارۋاشىلىعىنىڭ ساپاسىن جوعارىلاتىپ، ونىمدىلىگىن ارتتىرۋ، ەرەكشە ەگىنشىلىك، باعىمشىلىق، جەردى اداقتاپ قايتا بولىسكە سالۋ، قىستاق قۇرعان زاۆودتا جانە كەدەيلەردى سۇيەمەلدەۋ سەحىندا جۇمىستاندىرۋ، باسقا كاسىپكە ويىستىرىپ جۇمىستانۋعا شابىتتاندىرۋ ساياساتى، جۇمىستانۋ شەبەرلىگىنە باۋلۋ، بەيقۇت ءۇي قۇرىلىسى، قونىس جاڭالاۋ سياقتى جاقتاردا دا كەدەي مۇگەدەكتەردىڭ وتباسىلارىنا قارايلاستى. جەر - جەر كەدەيلەردى سۇيەمەلدەۋ ساياساتىن، كەدەيلەردى سۇيەمەلدەۋ نىسانىن جانە كەدەيلەردى سۇيەمەلدەۋ قارجىسىن، سونداي - اق قۇتقارۋدى، كومەك بەرۋدى تياناقتاندىرۋ سياقتى جاقتاردا قىرۋار تىڭعىلىقتى دا ءونىمدى قىزمەت ىستەپ، كورنەكتى تابىستارعا قول جەتكىزدى.

”كەلەسى قادامدا، اۆتونوميالى رايوندىق مۇگەدەكتەر بىرلەستىگى’ ەكىدەن تارىقتىرماۋ، ءۇشتى قامتاماسىز ەتۋ، بىرگە جاقىنداۋ‘ مىندەت - نىسانالارىن مىقتاپ ارقاۋ ەتىپ، ارحيۆ تۇرعىزىپ، كارتچكالاندىرىلعان مۇگەدەكتەر وتباسىلارىنىڭ نەگىزگى تۇرمىسىن قامتاماسىز ەتۋ، ەمدەۋ قامسىزداندىرۋى، مۇگەدەك بالالار مەن ورەندەردىڭ مىندەتتى وقۋ - اعارتۋى، تۇرعىن ءۇي حاۋىپسىزدىگى سياقتى جاقتاردا ساقتالعان ولقىلىقتارعا قاداعالاي نازار اۋدارىپ، قاتىستى ساياساتتاردى ءبىر - بىردەن، ءاربىر ادامعا تياناقتاندىرادى. سونىمەن بىرگە، كەدەي مۇگەدەكتەردىڭ ەرەكشە قيىنشىلىعىنا ءتۇيىندى تۇردە نازار اۋدارىپ، كەدەي، اۋىر مۇگەدەكتەرگە قارايلاسۋ قىزمەتىن ىلگەرىلەتىپ، مۇگەدەكتەردىڭ ساۋىعۋ ەرەكشە سۇرانىسىنا نازاردى اناعۇرلىم شوعىرلاندىرىپ، كەدەي مۇگەدەكتەردىڭ كەدەيلىكتەن ارىلىپ، قيىنشىلىعىن شەشۋى ءۇشىن ءتيىمدى شارت - جاعداي ازىرلەپ، كەدەي مۇگەدەكتەردىڭ كەدەيلىكتەن ارىلۋ ساپاسىنا شىنايى كەپىلدىك ەتەمىز“، - دەدى چىن حۇڭبو.