”قىستاق كادرلارىمەن بىرگە ارالاۋ ارقىلى مەن قىستاق تۇرعىندارىنىڭ كەدەيلىكتەن ارىلىپ، اۋقاتتانۋ جولىنا ءتۇسۋ ارمان - تىلەكتەرىنىڭ وتە كۇشتى ەكەنىن سەزىندىم، سونىمەن مەن قىستاقتان ءبىر ۇن زاۆودىن قۇرىپ، قىستاق تۇرعىندارىن زاۆودتا جۇمىس ىستەۋگە باۋراۋ بەكىمىنە كەلدىم، وسىلاي ىستەگەندە قىستاق تۇرعىندارىنىڭ كىرىسىن ارتتىرۋىنا كومەكتەسۋگە ءارى ولاردىڭ ءۇيىنىڭ ماڭىنان جۇمىستانۋىنا مۇمكىندىك جاساۋعا بولادى“، - دەدى 6 - ايدىڭ 2 - كۇنى اقتاۋ اۋدانى بارىن اۋىلى قۇم قىستاعىندا جياڭشي ولكەسىنەن كەلگەن اكىماۋ ساۋدا شەكتى سەرىكتەستىگىنىڭ جاۋاپتىسى جاڭ جيڭ.
2018 - جىلى 7 - ايدا قۇم قىستاعىنىڭ ”قۇرمەتتى قىستاق مەڭگەرۋشىسى“ بولىپ سايلانعاننان كەيىن، جاڭ جيڭ قۇم قىستاعىنان ۇن زاۆودىن قۇرىپ، قىستاق تۇرعىندارىنا 10 نەشە جۇمىس ورنىن ازىرلەدى، سونىمەن قاتار، ول تاعى جەرگىلىكتى بىرنەشە كاسىپورىنمەن جانە قۇم قىستاعىنداعى نان جاباتىن سەلبەستىك كووپەراتيۆىمەن ۇزاق ۋاقىت زاتپەن قامداۋ توقتامىنا قول قويدى. مۇنان سىرت، جياڭشي ولكەسى اكىماۋ ساۋدا شەكتى سەرىكتەستىگىنىڭ ارقاسىندا اقتاۋ اۋدانىنىڭ اۋىل شارۋاشىلىق قوسىمشا ونىمدەرى ىشكى ولكەنىڭ كوپتەگەن جەرىنە ساتىلدى.
جياڭشي ولكەسىنىڭ جالپىلىق مەنشىككە جاتپايتىن شارۋاشىلىق قايراتكەرلەرىن اقتاۋ اۋدانىنىڭ كەدەي قىستاقتارىنا كەلىپ ”قۇرمەتتى قىستاق مەڭگەرۋشىسى“ بولۋعا جەبەپ، كەدەي قىستاقتاردىڭ ەكونوميكاسىنىڭ دامۋىنا ءجون سىلتەۋ، جەرگىلىكتى قىستاق تۇرعىنداردىڭ كەدەيلىكتەن ارىلۋىنا كومەكتەسۋ − جياڭشي ولكەسىنىڭ شينجياڭعا باعىتتامالى كومەكتەسۋ قىزمەتىنىڭ الدىڭعى شەپ قولباسشىلىق شتابىنىڭ باعىتتامالى كومەكتەسۋ مەحانيزمىندە جاڭالىق اشۋ شاراسى سانالادى.
2018 - جىلدان بەرى جاڭ جيڭ سياقتى ”قۇرمەتتى قىستاق مەڭگەرۋشىسى“نىڭ سانى اقتاۋ اۋدانىندا 20عا جەتتى. جياڭشي ولكەسىنىڭ شينجياڭعا باعىتتامالى كومەكتەسۋ قىزمەتىنىڭ الدىڭعى شەپ قولباسشىلىق شتابى ”قۇرمەتتى قىستاق مەڭگەرۋشىسى“ن تاڭداپ ۇسىنىس ەتكەن كەزدە، ”قۇرمەتتى قىستاق مەڭگەرۋشىسى“نىڭ وزىندىك ەرەكشەلىگىنە نەگىزدەلىپ، قىزمەتتىڭ نەگىزگى ءتۇيىنىن اقتاۋ اۋدانىنداعى 20 كەدەي قىستاقتىڭ كەدەيلىكتەن ارىلۋىنا شوعىرلاندىرىپ، قىستاقتاردىڭ كەدەيلىكتەن ارىلتۋدان قامال الۋداعى دارىندى تاپشى بولۋى، ينفورماتسيانىڭ ىركىلىسسىز بولماۋى، قاراجات جەتىسپەۋ، كاسىپ سالاسى دامۋىنىڭ تەبىندى بولماۋى سياقتى ماسەلەنى شەشۋىنە سايكەستى.
اقتاۋ اۋدانى شينشياڭرۇي كيىم تىگۋ شەكتى سەرىكتەستىگىنىڭ جاۋاپتىسى لياۋ سۇڭ دا جياڭشي ولكەسىنىڭ جالپىلىق مەنشىككە جاتپايتىن شارۋاشىلىق مايتالمانى، ول اقتاۋ اۋدانى ۇجمە قىستاعىنىڭ جانە بارىن اۋىلى چيەكى قىستاعىنىڭ ”قۇرمەتتى قىستاق مەڭگەرۋشىسى“ بولىپ تاعايىندالدى. ونىڭ ۇجمە قىستاعىنان قۇرعان زاۆودى جيىنى 98 جەرگىلىكتى جۇمىسشى قابىلدادى؛ چيەكى قىستاعىنان قۇرعان شينجياڭ جينگاڭشان حۇڭفۋشى شەكتى سەرىكتەستىگىندە جۇمىس ىستەيتىن 125 ايەل جۇمىسشى تۇگەلدەي جەرگىلىكتى قىستاق تۇرعىنى.
زاۆودتى قىستاقتان قۇرۋ، جۇمىس ورنىن قىستاق تۇرعىندارىنىڭ ەسىگى الدىنان قۇرۋ − جياڭشي ولكەسىنىڭ ”قۇرمەتتى قىستاق مەڭگەرۋشىلەرى“نىڭ اقتاۋ اۋدانىنداعى كوپتەگەن كەدەي وتباسىلارىنىڭ كەدەيلىكتەن ارىلىپ، اۋقاتتانۋ جولىنا تۇسۋىنە ارناپ اشقان قاقپاسى. ساناققا نەگىزدەلگەندە، 2018 - جىلدان بەرى جياڭشي ولكەسىنەن كەلگەن 20 ”قۇرمەتتى قىستاق مەڭگەرۋشىسى“نىڭ اقتاۋ اۋدانىنان كەستەشىلىك، كيىم - كەشەك، كەڭسە بۇيىمدارى، اۋىل شارۋاشىلىق ونىمدەرىن مانەرلەۋ سياقتى جاقتاردا قۇرعان 15 زاۆودى جيىنى جەرگىلىكتى 1310 قىستاق تۇرعىنىنىڭ جۇمىسقا ورنالاسۋ ماسەلەسىن شەشتى، ولاردىڭ اراسىندا ارحيۆ تۇرعىزىلىپ، كارتچكالاندىرىلعان 610 كەدەي تۇرعىن بار.
