شينجياڭنىڭ اناعۇرلىم جاقسى، اناعۇرلىم تەز دامۋىن بۇلجىماي ىلگەرىلەتۋمەن بىرگە، دامۋدى حالىق تۇرمىسىن جاقسارتۋدا تياناقتاندىرۋ، جەرگىلىكتى ورىنعا تيىمدىلىك جاساۋدا تياناقتاندىرۋ، ىنتىماقتى كۇشەيتۋدە تياناقتاندىرۋ، ءار ۇلت بۇقاراسىنا پارتيانىڭ قامقورلىعى مەن وتان ۇلى شاڭىراعىنىڭ جىلۋىن سەزىندىرۋ كەرەك.
− شي جينپيڭ
5 - ايدا ساراتان زاۋزا وتكەننەن كەيىن، ءبيداي ءدان الىپ، تۇت جەمىسى پىسىپ، ورىك سارعايىپ، تيانشاننىڭ تۇستىگى مەن تەرىستىگىندە بار تىرشىلىك جاندانىپ، قۇلپىرا ءتۇستى. اتىز باسىندا، زاۆود سەحتارىندا، بارلىق جەردە ادامداردىڭ قاربالاس جۇرگەنىن كەزىكتىرەسىز.
5 - ايدىڭ 20 - كۇنى ءتىلشى كەلپىن اۋدانىنداعى اقسۋ شيڭكى كيىم - كەشەك شەكتى سەرىكتەستىگىنىڭ ءوندىرىس سەحىنا كىرگەندە، تىگىن ماشيناسىنىڭ الدىندا قىزمەتكەر امانگۇل مامەت ەرەكشە مۇقياتتىلىقپەن جۇمىس ىستەپ وتىر ەكەن. ”مەن وسى ارادا تىگىنشىلىك تەحنيكاسىن ۇيرەنەمىن، جۇبايىم وسى ماڭايداعى جانار ماي قۇيۋ پۋنكتىندە قىزمەت ىستەيدى، ەكەۋىمىز ايىنا 4000 يۋاننان ارتىق اقشا تابامىز. پارتيانىڭ حالىققا تيىمدىلىك جاساۋ ساياساتى جاقسى، تۇرمىسىمىز بارعان سايىن جاقسارىپ كەلەدى!“، - دەدى امانگۇل كۇلىمسىرەپ.
ورتالىقتىڭ شينجياڭ قىزمەتى جونىندەگى 2 - رەتكى اڭگىمە ماجىلىسىنەن بەرى، اۆتونوميالى رايوندىق پارتكوم مەن ۇكىمەت حالىقتى وزەك ەتكەن دامۋ يدەياسىن ءتۇرلى قىزمەتتەرمەن ساباقتاستىرۋعا تاباندى بولىپ، دامۋ بارىسىندا حالىق تۇرمىسىن قامتاماسىز ەتۋگە جانە جاقسارتۋعا كۇش سالىپ، وقۋ جاسىنا دەيىنگى تاربيەدەن، ءبىلىم الۋدان، ەڭبەكاقىدان، ەمدەلۋدەن، قارتتار كۇتىمدەلۋدەن، تۇرعىن ۇيدەن، زارۋلەردى كومەكتەن يگىلىكتەندىرۋ جاقتارىندا كورنەكتى تابىسقا قول جەتكىزدى، ءار ۇلت بۇقاراسىنىڭ تابىس سەزىمى، باقىت سەزىمى، حاۋىپسىزدىك سەزىمى ءۇرتىس كۇشەيىپ، تيانشاننىڭ تۇستىگى مەن تەرىستىگىندە تىنىش ءومىر، شات - شادىمان تىرشىلىكتىڭ بەرەكەلى لەبى ەستى.
شەگە قاعۋ رۋحىمەن حالىق تۇرمىسىن جاقسارتۋدى ىلگەرىلەتتى
5 جىلدان بەرى، اۆتونوميالى رايوندىق پارتكوم مەن ۇكىمەت باس شۋجي شي جينپيڭنىڭ ىقىلاستى تاپسىرماسىن ەستە بەرىك ساقتاپ، شي جينپيڭ جولداستى ۇيتقى ەتكەن پارتيا ورتالىق كوميتەتىنىڭ شينجياڭدى جونگە سالۋ جالپى جوباسىن تاباندىلىقپەن دايەكتىلەندىرىپ، تياناقتاندىرىپ، حالىق بۇقاراسى ەڭ ارماندايتىن، ەڭ كوڭىل بولەتىن جۇمىستانۋ، وقۋ - اعارتۋ، ەمدەۋ، قوعامدىق قامسىزداندىرۋ، قونىستانۋ سياقتى ماسەلەلەردەن باستاپ ىسكە كىرىسىپ، حالىققا ءتيىمدى 9 ءىرى ينجەنەريانى ءۇرتىس ىلگەرىلەتىپ، ءتۇرلى حالىق تۇرمىسى ىستەرىن جەدەل دامىتىپ، بۇقاراعا وزگەرىستەردى كورسەتىپ، پايدا جەتكىزىپ، پارتيانىڭ قامقورلىعى مەن مەيىرىن شىنايى سەزىندىردى −
جۇمىستانۋ ورنىقتىلىق بارىسىندا جاقساردى. 5 جىلدان بەرى، رايونىمىز باستان - اياق جۇمىستانۋدى ماڭداي الدى ورىنعا قويىپ، اۋىل - قىستاقتارداعى ارتىق ەڭبەككۇشتەر، جوعارى مەكتەپ تاۋىسقان وقۋشىلار، جۇمىستانۋ قيىنشىلىعى بارلار سياقتى ءتۇيىندى توپتىڭ جۇمىستانۋىن كورنەكتى تۇردە ويداعىداي يگەرىپ، ءار جىلى اۋىل - قىستاقتاعى ارتىق ەڭبەككۇشتەردى 2 ميلليون 650 مىڭ ادام - رەتتەن ارتىق باسقا سالاعا ويىستىرىپ جۇمىستاندىردى، بىردە - ءبىر ادامى جۇمىستانباعان وتباسىلارىنان 24 ساعات ىشىندە كەم دەگەندە ءبىر ادامدى جۇمىستاندىردى. بۇقارانىڭ تۇرمىسى بارعان سايىن قامتاماسىز ەتىلىپ، ەڭبەكشىلەردىڭ ومىرىندە تابىسقا جەتۋ ورايى بارعان سايىن كوبەيدى.
وقۋ - اعارتۋ اناعۇرلىم ءادىل بولدى. 5 جىلدان بەرى رايونىمىز ”حالىق رازى بولاتىن وقۋ - اعارتۋ جۇرگىزۋدى“ نىسانا ەتىپ، مەملەكەتتە ءبىر تۇتاس قولدانىلاتىن ءتىل - جازۋ تاربيەسىن زور كۇشپەن دامىتتى. وقۋعا دەيىنگى تاربيە جالپىعا ءتيىمدى بولىپ دامىدى، وقۋ الدىنداعى 3 جىلدا بالاباقشاعا كىرۋ جالپى مولشەرى %95.95كە، باستاۋىش مەكتەپكە كىرۋ جاسىنداعى بالالاردىڭ ناق وقۋعا ءتۇسۋ مولشەرى %99.94كە جەتتى.
قامتاماسىز ەتۋ ساپاسى جوعارىلاپ، كولەمى كەڭەيدى. 5 جىلدان بەرى، رايونىمىز كوپ قاتپارلى، اناعۇرلىم ءادىل دە باياندى قوعامدىق قامتاماسىز ەتۋ جۇيەسىن ۇزدىكسىز ورناتىپ، جالپى حالىقتىڭ قامسىزداندىرۋعا قاتىناسۋىنان بارلىق ادامنىڭ يگىلىكتەنۋىن، نەگىزگى زەينەتاقى ورەسىن جىلدان - جىلعا ءوسىرۋدى، قالا مەن اۋىلداعى ەڭ تومەنگى تۇرمىستى قامتاماسىزداندىرۋ ولشەمى مەن كومەك ورەسىن جاپپاي جوعارىلاتۋدى جۇزەگە اسىردى... قوعامدىق قامتاماسىزداندىرۋدىڭ حاۋىپسىز تورى بارعان سايىن جيىلەپ، بارعان سايىن بەكەمدەلدى.
ەمدەۋ اناعۇرلىم قامتاماسىز ەتىلدى. 5 جىلدان بەرى، رايونىمىز ەمدەۋ، ءدارى - دارمەك، دەنساۋلىق ساقتاۋ ءتۇزىلىس رەفورماسىن تەرەڭدەتىپ، دارەجەگە ايىرىپ دياگنوز قويۋ، ەمدەۋ ءتۇزىمى العاشقى ادىمدا ورناتىلدى، نەگىزگى ساتىنىڭ الەۋمەتتىك دەنساۋلىق ساقتاۋعا قىزمەت وتەۋ قابىلەتى مەن نەگىزگى ەمدەۋدەن قىزمەت وتەۋ ساپاسى اناعۇرلىم جوعارىلادى. 2016 - جىلى جالپى حالىقتىڭ سالاماتتىعىن تەكسەرۋ ينجەنەرياسى باستالعاننان بەرى، ءار ۇلت بۇقاراسىنىڭ شىن جۇرەكتەن قولداۋىنا يە بولدى.
قونىستانۋ شارت - جاعدايى ۇزدىكسىز جاقساردى. 5 جىلدان بەرى رايونىمىزدىڭ بەيقۇت ءۇي ينجەنەرياسى ورنىقتى قاداممەن ىلگەرىلەتىلىپ، اۋىل - قىستاقتاعى بۇقارا حاۋىپسىز دە جانعا جايلى بەيقۇت ۇيگە، قالا - قالاشىقتاعى لاشىقتى اۋماقتارداعى بۇقارا رەتتى دە جارىق عيماراتتارعا كوشىپ كىرىپ، ”لاشىقتان شىعىپ عيماراتقا كىرۋ“ ارمانىن جۇزەگە اسىردى.
حالىق تۇرمىسىن قامتاماسىز ەتۋ جانە جاقسارتۋ ماڭگى توقتامايدى. اۆتونوميالى رايوندىق پارتكوم مەن ۇكىمەت شەگە قاعۋ رۋحىمەن پارتيا ورتالىق كوميتەتىنىڭ حالىق تۇرمىسى قىزمەتى جونىندەگى ستراتەگيالىق ورنالاستىرۋلارىن ويداعىداي تياناقتاندىرىپ، ءاربىر ۋاقىت كەستەسى بويىنشا العا ىلگەرىلەتىپ، ءاربىر نىسانا بويىنشا جۇزەگە اسىرىپ، كىشكەنە جەڭىستەردەن كەسەك جەڭىستەرگە قول جەتكىزىپ، ءار ۇلت بۇقاراسى ”باياندى باقىت“قا كەنەلدى.
ءار ۇلت بۇقاراسىن الاڭداتىپ وتىرعان ماسەلەلەردى شەشتى
حالىق تۇرمىسىندا كىشكەنە ءىس بولمايدى، بارلىق ىستە سۇيىسپەنشىلىكتى ايگىلەۋ كەرەك. باس شۋجي شي جينپيڭنىڭ شينجياڭداعى ءار ۇلت بۇقاراسىنىڭ تۇرمىسىنا، قۇت - ىرىسىنا شىن مانىندە قامقورلىق جاساۋى مەن ىقىلاستى تاپسىرماسى رايونىمىزدىڭ حالىق تۇرمىسىن جاقسارتۋدى ۇزدىكسىز ىلگەرىلەتۋىندەگى ءىس جۇزىندىك ارەكەتىنە اينالدى. ءار دارەجەلى پارتكومدار مەن ۇكىمەتتەر تۇرمىسىندا ءالى دە قيىنشىلىعى بار بۇقارانى قاي - قاشان دا جادىنان شىعارماي، بارلىق كۇشىن سالىپ ولاردىڭ قيىنشىلىعىن شەشۋىنە كومەكتەسىپ، ولاردى حالىققا تيىمدىلىك جاساۋ ساياساتىنىڭ شۇعىلاسىنا بولەدى.
”بىلتىر مەنىڭ قاقتاما دۇكەنىمنەن 30 مىڭ يۋاننىڭ ۇستىندە كىرىس كىردى، بيىل ساۋدامىز ونان دا كۇسەت بولادى“، - دەدى 5 - ايدىڭ 18 - كۇنى شايار اۋدانى تويبولدى قالاشىعى تويبولدى قىستاعىنىڭ تۇرعىنى الىم سامەت قۋانا.
الىمنىڭ وتباسى ارحيۆ تۇرعىزىپ، كارتچكالاندىرىلعان كەدەي وتباسى. بىلتىر قالاشىقتا كەدەيلەردى سۇيەمەلدەپ شارۋاشىلىق قۇرۋ باقشاسى قۇرىلىپ، قاتىستى تاراۋلاردىڭ كومەكتەسۋىندە، سۇيەمەلدەۋىندە ول ايەلىمەن قاقتاما دۇكەنىن اشىپ، ساۋداسى كۇسەت بولدى. ”ءبىز بەيقۇت ۇيگە كوشىپ كىرىپ، تۇرمىسىمىز بارعان سايىن جاقساردى، مۇنىڭ ءۇشىن پارتيانىڭ جاقسى ساياساتىنا شەكسىز العىس ايتۋىمىز كەرەك“، - دەدى الىمنىڭ ايەلى گۇلپيام ياسىن.
دوڭگەلەك داۋلەتكە جەتۋ جولىندا بىردە - بىرەۋى قاعىس قالسا بولمايدى. 2018 - جىلى رايونىمىز وڭتۇستىك شينجياڭداعى 22 اۋىر كەدەي اۋداندا 3 جىل ىشىندە 100 مىڭ ادامدى جۇمىستاندىرىپ سۇيەمەلدەۋ جوسپارىن اتقاردى، سول جىلى ارحيۆ تۇرعىزىپ، كارتچكالاندىرىلعان كەدەي وتباسىلارىنداعى ەڭبەككۇشتەردەن 75 مىڭ ادامدى باسقا سالاعا ويىستىرۋدى جۇزەگە اسىرىپ، ورنىقتى جۇمىستاندىرۋ مولشەرىن %92كە جەتكىزدى. الىم سياقتى وڭتۇستىك شينجياڭنىڭ كەدەي وتباسىلارىنداعى اناعۇرلىم كوپ ەڭبەككۇشتەر ساياساتتىق سۇيەمەلدەۋدىڭ ارقاسىندا جۇمىسقا ورنالاسىپ، شارۋاشىلىق قۇرىپ، تۇراقتى قىزمەتكە جانە كىرىسكە يە بولدى.
حالىق بۇقاراسىنىڭ تابىس سەزىمى حالىق تۇرمىسىنداعى ءاربىر ”كىشكەنە“ كوورديناتالاردا بەينەلەنىپ جاتتى. اۆتونوميالى رايوندىق پارتكوم مەن ۇكىمەت بۇقارا ەڭ كوڭىل بولەتىن، ەڭ تىكە، ەڭ رەال ماسەلەلەردى مىقتى يگەرىپ، دامۋ بارىسىندا حالىق تۇرمىسىنداعى ولقىلىقتاردى تولىقتادى.
كەدەي جان سانىنىڭ ”قامسىزداندىرۋعا تيىستىلەرىن تۇگەلدەي قامسىزداندىرۋ“ نەگىزىنەن جۇزەگە اسىرىلدى. اۆتونوميالى رايون كەدەي جان سانىن جالپى حالىقتى قامسىزداندىرۋعا قاتىناستىرۋ جوسپارىنىڭ، ءسوزسىز، قامسىزداندىرىلاتىن ادامدار توبىنا ەنگىزدى، 2018 - جىلدىڭ اياعىنا دەيىن بۇكىل رايونداعى ارحيۆ تۇرعىزىلىپ، كارتچكالاندىرىلعان كەدەي جان سانىنىڭ نەگىزگى قارتتار قامسىزداندىرۋىنا قاتىناسۋ مولشەرى% 98.47كە جەتتى. رايونىمىزداعى قامسىزداندىرۋعا قاتىناسۋ شارتىنا تولاتىن كەدەيلەردىڭ اراسىندا 833 مىڭ 900 ادام ۇكىمەت ۋاكىلاتان تاپسىراتىن قارتتار قامسىزداندىرۋى ساياساتىنان يگىلىكتەنىپ، 533 مىڭ 700 ادام قارتتاردى قامسىزداندىرۋ مامىلەسىنەن يگىلىكتەندى.
وتباسىندا قيىنشىلىعى بار وقۋشىلاردىڭ ”كومەكتەسۋگە تيىستىلەرىنە تۇگەلدەي كومەك كورسەتىلدى“. رايونىمىز كەشىرىم ەتۋ، سيلىق، كومەكتەسۋ، قارىز اقشا بەرۋ، قوسىمشا قاراجات بەرۋ كوپ ءتۇر ءبىر تۇلعالانعان وقۋشىلارعا قارجىلاي كومەكتەسۋ ساياساتى جۇيەسىن ورناتىپ، 2018 - جىلى بوساتىلعان وقۋشىلارعا كومەككە بەرىلگەن قارجى 5 ميلليارد 854 ميلليون يۋانعا جەتىپ، وقۋشىلاردان 4 ميلليون 521 مىڭ ادام - رەت يگىلىكتەندى.
اۋىل - قىستاقتارداعى كەدەي جان سانىنىڭ اۋىر ناۋقاسقا، سوزىلمالى ناۋقاسقا شالدىققاندارىنىڭ ”ەمدەلۋگە تيىستىلەرىن تۇگەلدەي ەمدەدى“. 2018 - جىلى رايونىمىز اۋىل - قىستاقتارداعى كەدەي جان سانىنىڭ 15 ءتۇرلى اۋىر ناۋقاسقا شالدىققاندارىن شوعىرلى قۇتقارۋ - ەمدەۋمەن جانە سوزىلمالى ناۋقاسقا شالدىققاندارىنا كەلىسىمدى قىزمەت وتەۋمەن بۇكىلدەي قامتىپ، اۋىل - قىستاق نوپوسىنداعى ناۋقاستار ايماق، وبلىس، قالا كولەمىندە ”الدىمەن ەمدەلىپ، ارتىنان اقى تولەيتىن“ جانە ”ءبىر پۋنكتتىك“ ەسەپ جاباتىن بولىپ، كەدەي ناۋقاستاردىڭ اۋرۋ كورسەتۋىنە، اۋرۋىن ويداعىداي ەمدەتۋىنە قولايلىلىق تۋدىردى.
تۇرمىس بارعان سايىن قامتاماسىز ەتىلىپ، ”ولقىلىق“تار تولىقتانىپ، ”تومەنگى شەك“ جوعارىلاپ، حالىق تۇرمىسىنىڭ جىلى شۋاعى سان مىڭداعان وتباسىن نۇرلاندىردى.
ءار ۇلت بۇقاراسىن رەفورمانىڭ، دامۋدىڭ تابىستارىنان تەڭ يگىلىكتەندىردى
”نەشە كۇننىڭ الدىندا قىزىمنىڭ قوعامدىق قامسىزداندىرۋ قاراجاتىن تاپسىرعانىمدا، قول تەلەفونىم ارقىلى ۋيچات شاعىن باعدارلاماسىنا تىركەلىپ جۇمىس ءبىتىردىم، وتە قولايلى ەكەن“، - دەدى 5 - ايدىڭ 25 - كۇنى ءۇرىمجى قالاسى شۇيموگوۋ رايونىنىڭ ورتا تازالىعى جۇمىسشىسى ابدىرەيىم كەرىم تىلشىگە.
قوعامدىق قامسىزداندىرۋ كارتچكاسىن قايتا جاساتۋ، كارتچكانى اۋىستىرۋ دەرەۋ بىتەدى، قالا، اۋىل تۇرعىندارىنىڭ قوعامدىق قامسىزداندىرۋ قاراجاتىن تاپسىرۋدا كارتچكا سۇيكەپ اقشا تولەۋى مەن اقىسىن تاراتۋىندا تۇگەلدەي ەلەكتروندانۋدى جۇزەگە اسىرىپ، ەلەكتروندى قوعامدىق قامسىزداندىرۋ كارتچكاسى ارقىلى ءدارىحانالاردا ەكى ولشەمدى كودتى سكانەرلەۋ ارقىلى ءدارى - دارمەك ساتىپ الۋعا بولاتىن بولدى... اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ينفورماتسيا ورتالىعىنىڭ قاتىستى جاۋاپتىسى ۋاڭ گوچيڭنىڭ تانىستىرۋىنشا، رايونىمىز ”تەرەزەلىك ءىس ءبىتىرۋ، جەلىدە ءىس ءبىتىرۋ، نەگىزگى ساتى تۇعىرى، ۇزدىك قىزمەت وتەۋ، تەلەفوندا كەڭەس سۇراۋ، جىلجىمالى قىزمەت وتەۋ“ سىندى التى ءتۇردى ءبىر تۇلعالاندىرعان زەردەلى ادام كۇشى بايلىعى جانە قوعامدىق قامتاماسىزداندىرۋ قىزمەت وتەۋ تۇعىرى قۇرىلىسىن ىلگەرىلەتىپ، جۇمىسقا ورنالاسۋ، شارۋاشىلىق قۇرۋ، قوعامدىق قامتاماسىزداندىرۋ سياقتى نەشە جۇزدەگەن قىزمەت وتەۋ تۇرلەرىن قامتىپ، بۇكىل رايونىمىزدىڭ قالا - قالاشىقتارىنداعى جۇمىسشى - قىزمەتكەرلەر، زەينەتكە شىققاندار، سىرتتان كەلگەن جۇمىسكەرلەر سياقتى ءار ءتۇرلى ادامدار شوعىرىن اناعۇرلىم قولايلى قوعامدىق قامسىزداندىرۋ جۇمىسىن ءبىتىرۋ قىزمەت وتەۋىمەن قامدادى.
ەمدەۋ، سالاماتتىق ينتەرنەتپەن تىعىز توعىسقان جاڭا ۇلگىدەگى ەمدەۋ، سالاماتتىققا قىزمەت وتەۋ ۇلگىسى ادامداردىڭ ەمدەلۋىن بىرتىندەپ وزگەرتتى. بيىل اۆتونوميالى رايون ”ينتەرنەت + ەمدەۋ، سالاماتتىق“تى تىڭعىلىقتى ىلگەرىلەتىپ، ”ينتەرنەتتە كەلىسەتىن سەسترا“ سىناق ءتۇيىنىن اشىپ، 2019 - جىلى شارت - جاعدايى بار اۋدان، قالالاردا وتباسى شيپاگەرى كەلىسىمدى قىزمەت وتەۋىمەن بۇكىلدەي قامتىدى. ”بۇدان كەيىن قول تەلەفون ارقىلى وتباسى شيپاگەرىمەن كەلىسىپ، جەلىدە تەكسەرىلەتىن بولدىق، اۋرۋ كورسەتۋدە بارعان سايىن الاڭسىز بولدىق، قىزمەت وتەۋ بارعان سايىن جايلى بولدى“، - دەدى ءۇرىمجى قالاسىنىڭ تۇرعىنى جاڭ سۇڭ ماداقتاپ.
زەردەلى مەكتەپ اۋلاسى، الىس ارالىقتان ساباق ءوتۋ، كلاستاردى جالعاستىرۋ، تىكە تاراتۋ ساباقحاناسى... وقۋ - اعارتۋدى ينفورماتسيالاندىرۋ سىندى وسى توراپ قالا، اۋىلدار ساباقحاناسىن بايلانىستىردى. بۇگىنگى كۇندە الىس ارالىقتى وقىتۋ جۇيەسى بۇكىل شينجياڭعا تارالىپ، ارا قاشىقتىعى نەشە مىڭ كيلومەتر جەردەگى مۇعالىمدار تىعىز اۋىس - ءتۇيىس جاساپ، باسقا جەردەگى وقۋشىلار ءبىر ەكرانمەن ساباق وقيتىن بولدى. وسىزاماندانعان ينتەرنەتتە وقىتۋ اۋىل - قىستاقتارعا وزىق ساپاداعى وقۋ - اعارتۋ بايلىعىن الا كەلدى، ءبىز شەت شالعايدا بولساق تا، ءبىراق بالالارىمىزدىڭ مارە سىزىعى تىم ارتتا ەمەس، ءادىل ءارى ساپالى وقۋ - اعارتۋدان يگىلىكتەندى“، - دەدى كەلپىن اۋدانى حۋجوۋ باستاۋىش مەكتەبى پارتيا باس ياچەيكاسىنىڭ شۋجيى گو شيۋيىڭ.
بار كۇشىن سالىپ، شاماسىنا قاراي ىستەپ، ءبىر ءىستىڭ ارتىنان تاعى ءبىر ءىستى ءبىتىرىپ، جىلدى جىلعا جالعاستىرىپ ىستەدى. حالىق تۇرمىسى شارالارىن ءبىر - بىرلەپ تىڭعىلىقتى ىلگەرىلەتىپ، بۇقارانىڭ تاماشا ارماندارىن بىرتىندەپ امالياتقا اينالدىردى.
