قاۋىمداسىپ كەپتەر باعىپ كىرىستەرىن ارتتىردى

5 - ايدىڭ 4 - كۇنى باعىمشىلىق تەحنيگى مامەتتۇرسىن اپەزگە (سولدا) كەپتەر باعۋ شەبەرلىگىن ۇيرەتۋدە.

5 - ايدىڭ 4 - كۇنى تاڭەرتەڭ، ءۇيى لوپنۇر اۋدانى اقسوپى اۋىلى جاڭاباق قىستاعىندا تۇراتىن ارحيۆ تۇرعىزىپ، كارتچكالاندىرعان كەدەي وسىمان ازەز كەپتەر قوراسىن تازالادى.

2018 - جىلى 4 - ايدا جاڭاباق قىستاعى شۇنيۋان باعىمشىلىق شارۋالار كاسىپتىك سەلبەستىك كووپەراتيۆىن قۇردى ءارى قىستاقتاعى ءاربىر كەدەي وتباسىنا 50دەن 100گە دەيىن سويىس كەپتەردى تەگىن تاراتتى. وسىمانعا سوندا 70 سويىس كەپتەر تيگەن بولاتىن، ءبىر جىلدان بەرى سەلبەستىك كووپەراتيۆى تەحنيكتەرىنىڭ جەتەكشىلىگىندە، بۇل 70 سويىس كەپتەردىڭ سانى 200گە تاياپ، كەپتەر باعىمشىلىق كىرىسى 4000 يۋاننان استى. ”قازىر ءار 35 كۇندە ءبىر توپ سويىس كەپتەردى سەلبەستىك كووپەراتيۆىنە ساتامىن، بۇل مەنىڭ كەدەيلىكتەن ارىلۋىما كومەگى زور بولدى“، - دەدى وسىمان.

جاڭاباق قىستاعىندا جۇرسەڭىز، كوپتەگەن شارۋا ۇيلەرىنىڭ توبەسىنە سالىنعان كەپتەر قاپاسىن، اۋلالاردان ۇلكەندى - كىشىلى كەپتەر قورالارىن كورەسىز. شۇنيۋان باعىمشىلىق شارۋالار كاسىپتىك سەلبەستىك كووپەراتيۆىندە كووپەراتيۆ مۇشەلەرىنىڭ سويىس كەپتەرلەردى اۆتوموبيلگە تيەپ، اۋىلداعى بىرلەسكەن كووپەراتيۆكە جەتكىزۋگە دايىندالىپ جاتقاندىعىن بايقايسىز.

بيىل 1 - ايدا اقسوپى اۋىلى كەدەي وتباسىلارىنىڭ كەدەيلىكتەن ارىلۋ جولىن كەڭەيتۋ ءۇشىن، 4 قىستاقتىڭ سويىس كەپتەر باعىمشىلىق سەلبەستىك كووپەراتيۆتەرىن بىرلەستىرىپ، بايىنعولين وبلىسى جۇڭشياڭ مال - قۇس باعىمشىلىق شارۋالار سەلبەستىك بىرلەسكەن كووپەراتيۆىن قۇرىپ، 100 مىڭ اسىل تۇقىمدى كەپتەر باعۋ بازاسىن قۇردى.

”بىرلەسكەن سەلبەستىك كووپەراتيۆىندە 2 كەپتەر قوراسىن قارايمىن، ايىنا 2500 يۋان ەڭبەكاقى الامىن، جىل اياعىندا تاعى پايدا بولىسىنەن ۇلەس الامىز“، - دەدى كەدەي مامەتتۇرسىن اپەز كەپتەرگە جەم بەرە ءجۇرىپ.

”بىرلەسكەن سەلبەستىك كووپەراتيۆى 30 كەدەيدى ورنىقتى جۇمىستاندىرۋمەن بىرگە، تاعى ’بىرلەسكەن كووپەراتيۆ + سەلبەستىك كووپەراتيۆى + شارۋا‘ سىندى تيجارات ۇلگىسى ارقىلى بىتىراندى باعىمشىلىقپەن اينالىساتىن 400 شارۋا وتباسىمەن ساتۋدى كوتەرمەگە الۋ كەلىسىمىن جاساستى، بىرلەسكەن كووپەراتيۆ جىلىنا بازارعا 200 مىڭ سويىس كەپتەرىن شىعارادى، قازىر قاشقار، ءۇرىمجى، گۋاڭجوۋ سياقتى جەرلەردەگى كاسىپورىندارمەن سەلبەستىك كەلىسىمىن جاسادى“، - دەدى اقسوپى اۋىلدىق پارتكومنىڭ شۋجيى جوۋ يۇيشياڭ سويىس كەپتەر باعىمشىلىعىنىڭ دامۋىنا دەگەن نىق سەنىممەن.

5 - ايدىڭ 4 - كۇنى جاڭاباق قىستاعىنداعى ەلەكتروندىق ساۋدا قىزمەتكەرى پاتىگۇل حالىق (وڭدا) ينتەرنەتتە تىكە تاراتۋ ارقىلى قىستاق تۇرعىندارىنىڭ سويىس كەپتەر ساتۋىنا كومەكتەستى.

5 - ايدىڭ 4 - كۇنى جاڭاباق قىستاعى شۇنيۋان باعىمشىلىق شارۋالار كاسىپتىك سەلبەستىك كووپەراتيۆىنىڭ مۇشەلەرى ساتۋعا دايىندالعان سويىس كەپتەرلەردى تيەۋدە.