ماناس اۋدانى شىندىقوزى اۋىلى جاسىل تاۋ، تۇنىق سۋ − باعالى بايلىق ۇستانىمىنا تاباندى بولىپ، ”شينجياڭ جاعراپيالىق سۋرەت ءدالىزى“ اتاعىنا يە S101 تاس جولىن ارقاۋ ەتە وتىرىپ، اۋىل - قىستاق سەيىل - سەرۋەن سارا حالىقتىق تۇسەلحانا ينجەنەرياسىن كۇش سالا اتقارىپ، ەكولوگيالىق ساياحات ءىسىن ويداعىداي ىستەپ، اۋىل - قىستاقتى گۇلدەندىرۋگە دەم بەردى.
5 - ايدىڭ 28 - كۇنى شىحىزىلىق ساياحاتشى سۇڭ يۇيپيڭ ءۇي ىشىمەن، دوستارىمەن بىرگە كەڭسۋات كورىنىس وڭىرىنە ساياحاتتاي كەلىپ، جادىراڭقى كوڭىل - كۇيمەن ماناس اۋدانىنىڭ وڭتۇستىك بولىگىندەگى تاۋلى رايوننىڭ ساۋلەتىن سەزىندى.
5 - ايداعى وڭتۇستىك بولىك تاۋلى رايونى جاسىل جەلەك جامىلىپ، قاۋلاعان ومىرشەڭدىك تىنىس بايقاتتى، ساۋلەتتى دانشيالىق جەر بەدەرى جانە جايلىم، قالىڭ ورمان، كولبەگەن قارلى تاۋدىڭ اراسىنداعى كەڭسۋات كولىندە ۋاق - ۋاق ساعىم ويناپ، كوگىلجىم تارتقان كول بەتى ەرەن سۇلۋلىق اڭعارتىپ تۇر. وسىنداعى كوز بايلار سۇلۋلىق حۋناندىق ينتەرنەت جۇلدىزى ماۋ چىڭدى وزىنە باۋرادى، ول ينتەرنەتتەگى تىكە تاراتىلىم ارقىلى جانكۇيەرلەرىنە ماناس اۋدانىنىڭ وڭتۇستىك بولىگىندەگى تاۋلى رايوننىڭ كوركەم كورىنىسىن تانىستىردى.
ماۋ چىڭ بىلاي دەدى: ”شينجياڭعا كەلگەن ءبىرىنشى كۇنى - اق ۋداۋيا كورىنىس وڭىرىندە تىكە تاراتىلىم جاسادىم، تۇستەن كەيىنگى ساعات 5تەن اسا بەرە باستاعاننان ساعات 9 جارىمعا دەيىن جالعاستىردىم، شينجياڭدى توتەنشە جاقسى كورەمىن، مەن ەكرانىم ارقىلى ءتىپتى دە كوپتەگەن ادامداردى شينجياڭنىڭ جاراتىلىستىق كورىنىسىن، ەل مەن جەردىڭ جاعدايىن تۇسىنۋگە باۋراسام دەيمىن، مەن دە شينجياڭنىڭ جەر - جەرىنە ءتىپتى دە ىشكەرىلەي بارىپ كورىنىس الىپ، كەسكىنگە ءتۇسىرىپ، ءبىزدىڭ كورىكتى شينجياڭدى ۇگىتتەيتىن بولامىن“.
ولكە جولى 101 تاس جولى شىعىستا ۇرىمجىدەن باستالىپ، باتىسقا قاراي مايتاۋ − كۇشار تاس جولىنا دەيىن جالعاسادى، جالپى ۇزىندىعى 301.6 كيلومەتر، تيانشاننىڭ ەكولوگيالىق بەت - بەينەسىن ارقاۋ ەتە وتىرىپ، مادەنيەت پەن ساياحاتتى توعىستىرعان تاس جول سانالادى. جاقىنعى جىلداردان بەرى، شىندىقوزى اۋىلى كەڭسۋات قىستاعى وزگەشە وڭىرلىك ورىن ابزالدىلىعىنا سۇيەنىپ، تۇتاس قىستاقتى وزگەشەلەنۋ، تاقىرىپتانۋ، ماركالانۋ، دارالانۋعا بەيىمدەلگەن جۇلدىزدى ساياحات حالىقتىق تۇسەلحاناسى ەتىپ تۇلعالاپ، 52 تۇرعىن ءۇيدى حالىقتىق تۇسەلحانا ەتىپ قۇردى، ونىڭ ىشىندە 30ى قىستاق تۇرعىندارى جارنا قوسۋ فورماسىندا ساياحات باسقارۋ سەرىكتەستىگىنىڭ اشۋ، اينالىمعا سالۋىنا تاپسىرىلىپ، قىستاق تۇرعىندارى جىلىنا 10 مىڭ يۋان پايداسىن كورە الادى. كەمەلدى نەگىزدىك قۇرىلعى، كوز تارتار باۋ - باقشا، اۋىل ۇيلەرى شينجياڭنىڭ ءىشى - سىرتىنداعى كوپتەگەن ساياحاتشىلاردى حالىقتىق تۇسەلحاناعا تۇسۋگە، ءدامدى - قۇجىردان اۋىز تيۋگە، كوركەم كورىنىستى تاماشالاۋعا باۋرادى.
شىندىقوزى اۋىلى كەڭسۋات قىستاعى حۇيتايپۋسۋ قوناق ءۇيىنىڭ جاۋاپتىسى لي شياڭ بىلاي دەيدى: ”حالىقتىق تۇسەلحانا 100 ادامدى قابىلداي الادى، ساياحاتتىڭ قاۋىرت مەزگىلىندە ساياحاتتىڭ كۇندىك قابىلدايتىن ادامى مولشەرمەن 300دەن اسادى، كۇندىك تيجارات سوماسى 30 مىڭ يۋانعا جاقىندايدى“.
كەلەسى قادامدا شىندىقوزى اۋىلى ”ەرەكشە ساياحات اۋىل - قىستاعىن تۇلعالاپ، اۋىل - قىستاقتى گۇلدەندىرۋگە دەم بەرۋ“ سىندى وي جەلىسىنە تاباندى بولىپ، اۋىل - قىستاقتىڭ قورشاعان ورتا كەلبەتىن جاقسارتۋ، اۋىل - قىستاق كاسىپ سالاسىن وركەندەتۋ جانە قىستاق تۇرعىندارىنىڭ كىرىسىن ارتتىرۋدى قامال الۋ ءتۇيىنى ەتىپ، كەشەندى شارا قولدانۋ ارقىلى ورتانى جاقسارتۋ مەن ءوندىرىس، تۇرمىس، ەكولوگيا سايكەستى جوعارىلايتىن شىت - جاڭا جاعدايدى قۇلشىنا قالىپتاستىرىپ، قونىسقا جايلى، ساياحاتتاۋعا لايىق جاڭاشا ەرەكشە ساياحات اۋىل - قىستاق قۇرىلىسىن ۇزدىكسىز ىلگەرىلەتىپ، اۋىل - قىستاق كورىكتى، قىستاق تۇرعىندارى اۋقاتتى بولۋدى جۇزەگە اسىرادى. (ماناس اۋداندىق توعىسپالى مەديا ورتالىعىنىڭ تىلشىلەرى ۋارىسجان، ما حۇڭشيا، ەرىكتى ءتىلشى ياڭ جىنيۇي)
