”كاۋاپ، نان، سالقىن كەسپە، قۇيعان وكپە، كوپشىلىك اۋىز تيڭىزدەر“. 5 - ايدىڭ 24 - كۇنى ىمىرت ۇيىرىلگەندە، لوپنۇر اۋدانى قارشىعا اۋىلىنىڭ كەشكى بازارىندا ادامدار قايشالىسىپ، دىر - دۋمانعا بولەنىپ، رومكا قاعىسقان داۋىستار تولاستامادى، شىراقتارى جايناعان كەشكى بازار قىستاق تۇرعىندارىن ۇيدەن شىعىپ، كەشكى تۇرمىستان ٴلاززاتتانۋعا باۋرادى.
كەشكى بازارعا بارساڭىز، ءار تۇرلى جەڭىل تاعامدار كوزدىڭ جاۋىن الادى. كوپشىلىك سامالداي وتىرىپ ٴدامدى تاعامداردان اۋىز ءتيىپ، ٴبىر كۇنگى شارشاۋىن ٴاپ - ساتتە تارقاتادى. ”وتتىقتى قازان“ جايماسىنىڭ الدىندا كەلگەن قوناقتاردىڭ اياعى ۇزىلمەدى، جايماشى اۋاگۇل تۇردى قاربالاستىقتان مۇرنىنا سۋ جەتپەدى. ”بيىل مەن قىسقا كەسكىن ارقىلى جەڭىل تاعامدارمەن تانىسىپ، قىزعىندىلىعىم ارتتى. قايتا ـ قايتا ۇيرەنۋ ارقىلى ونداعى شەبەرلىكتەردى يگەرىپ الدىم، كەشكى بازارداعى كوپشىلىكتىڭ جاقسى باعاسى مەنى قاتتى قۋانىتتى“، ـ دەدى. جۇزىنە قۋانىش ۇيىرىلگەن اۋاگۇل بىلاي دەپ تانىستىردى: ءار كۇنى كەشتە 200 تاباقتان ارتىق ساتىلادى، وزىندىك قۇندى شىعارىپ تاستاعاندا 1000 يۋاننان استام كىرىس كىرگىزەمىن.
بۇقارانىڭ كىرىسىنىڭ ارتۋىنا ساي، قارشىعا اۋىلى كەزەكتەگى اۋىل ـ قىستاقتىڭ تيجارات جاعدايى مەن تۇتىنۋشى قاۋىمنىڭ قاجەتىن تابان تىرەر تياناق ەتىپ، كەشكى بازاردىڭ دەڭگەيىن جوعارىلاتۋدى بيىلعى پارتيا قۇرىلىسىن يگەرۋ، اۋىل ـ قىستاقتى گۇلدەندىرۋ ماڭىزدى قىزمەتىنە ەنگىزىپ، ٴارقايسى قىستاقتىڭ قازىرگى بايلىق قاينارىنا نەگىزدەلىپ، جىل باسىندا ٴارقايسى قىستاقتىڭ كەشكى بازارىن جاڭالاۋ جوسپارىن جاساپ، جەرلەردى تەگىستەپ، توڭىرەككە گۇل ـ ٴشوپ ەگىپ، كەشكى بازاردىڭ اشىلۋىنا دەم بەردى.
قىستاق تۇرعىنى داۋىت اسەن ٴبىر كۇندىك قىزمەتتەن كەيىن، كەشكى بازارعا كەلىپ ٴبي بيلەپ، وتباسىنداعىلارمەن بىرگە كەشكى تاماق جەدى، ول بىلاي دەدى: ” كەشكى بازاردا ادەبيەت ـ كوركەمونەر شاعىن بولىمشە اترەتىنىڭ نومىرلەرىن كورە الامىز، كەيدە ٴبىز دە مۋزيكا ىرعاعىمەن بىرگە بۇرالا بيگە باسامىز، بۇنداي كەشكى تۇرمىس وتە تاماشا“.
ۇعىسۋعا قاراعاندا، بيىل قارشىعا اۋىلىندا جاڭادان 2 كەشكى بازار قوسىلعان، اۋىلدىق پارتكومنىڭ شۋجيى ۋاڭ لەي مىنالاردى ٴبىلدىردى: ”كەشكى بازاردىڭ تيجاراتى جەرگىلىكتى بۇقارانىڭ سول جەردىڭ وزىندە جۇمىستانۋىن ٴونىمدى تۇردە جەبەدى. سونىمەن بىرگە، ٴبىز قىستاقتاعى پارتيا مۇشەلەرىن ’كەشكى بازارعا قىزمەت وتەۋ اترەتىن‘ قۇرۋعا ۇيىمداستىرىپ، ٴوندىرىس حاۋىپسىزدىگىن قامتاماسىز ەتۋ سياقتى قىزمەت وتەۋدى ويداعىداي ىستەپ، بۇقارانىڭ الاڭسىز تاماقتانۋىنا، كوڭىلدى ويناۋىنا مۇمكىندىك جاسادىق“.
