انار بۇلت / شينجياڭ گازەتىنىڭ حابارى (ءتىلشى شى شيىن حابارلايدى) ءتىلشىنىڭ اۆتونوميالى رايوندىق دامۋ جانە رەفورما كوميتەتىنەن ۇعىسۋىنا قاراعاندا، تاياۋدا مەملەكەتتىك دامۋ جانە رەفورما كوميتەتى اۋىل ـ قىستاقتى گۇلدەندىرۋ ارناۋلى اۋىل ـ قىستاق قونىس ورتاسىن رەتتەۋ ـ جونگە سالۋ 2023 ـ جىلى ورتالىقتىڭ مەجە ەسەبى ىشىندە 120 ميلليون يۋان قارجى قوسىپ، رايونىمىزدىڭ قونىستانۋعا جايلى، كاسىپكە قولايلى جانە كورىكتى اۋىل ـ قىستاق قۇرۋىنا دەم بەرەدى ەكەن.
10 مىڭ مۋلىق قىشى اتىزىنىڭ ورتاسىنا ورنالاسقان موڭعۇلكۇرە اۋدانى موڭعۇلكۇرە قالاشىعى باقىت الەۋمەتتىك اۋماعى. ماتەريال سۋرەت
بۇل قارجى ٴتۇيىندى تۇردە شينجياڭنىڭ قورعاس اۋدانى، ٴدوربىلجىن اۋدانى، موري قازاق اۆتونوميالى اۋدانى، باركول قازاق اۆتونوميالى اۋدانى، اۋات اۋدانى، ۇلۇقشات اۋدانى سياقتى 6 اۋداننىڭ اۋىل ـ قىستاق تۇرمىستىق لاس سۋ، تۇرمىستىق قوقىر ـ قوقسىقتاردى جونگە سالۋ سياقتى اۋىل ـ قىستاق قونىس ورتاسىنىڭ نەگىزدىك قۇرىلعى قۇرىلىسىنا جۇمسالادى.
120 ميلليون يۋان قارجىنىڭ 20 ميلليونى سيلاۋ قارجىسى. ” 14 ـ بەسجىلدىقتان“ بەرى، رايونىمىز نىسانداردى باسقارۋ، اتقارۋ قىزمەتىن باعالاۋدا ۇزدىك بولىپ باعالانعاندىقتان، ٴۇرتىس 3 جىل مەملەكەتتىك سيلىققا يە بولدى.
اۆتونوميالى رايوندىق دامۋ جانە رەفورما كوميتەتى ىرىقتىلىقپەن ىسكە كىرىسىپ، باقىلاۋدى كۇشەيتىپ، نىسان اياق الىسىن مىقتى يگەرىپ، كورىكتى اۋىل ـ قىستاق قۇرىلىسىن تىڭعىلىقتى ىلگەرىلەتىپ، اۋىل ـ قىستاقتى جاپپاي گۇلدەندىرۋدى جەدەلدەتۋگە تاماشا نەگىز قالادى.
