2023 ـ جىلعى اۆتونوميالى رايوننىڭ سەنىمدى اۋىل شارۋاشىلىعى ماتەريالدارىن اۋىل ـ قىستاقتارعا جەتكىزۋدى ۇگىتتەۋ اپتالىعى قيمىلى باستالدى

日期:2023年03月27日
来源:新疆日报
【字体:

  انار بۇلت \ شينجياڭ گازەتىنىڭ حابارى (ءتىلشى ليۋ ي حابارلايدى). ءتىلشىنىڭ 3 - ايدىڭ 20 - كۇنى اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسىنەن ۇعىسۋىنشا، 3 - ايدىڭ 19 - كۇنى 2023 - جىلعى اۆتونوميالى رايوننىڭ سەنىمدى اۋىل شارۋاشىلىعى ماتەريالدارىن اۋىل - قىستاقتارعا جەتكىزۋدى ۇگىتتەۋ اپتالىعى قيمىلى شاۋەشەك قالاسىندا باستالعان. رايونىمىزدىڭ اۋىل شارۋاشىلىعى، اۋىل ـ قىستاق تاراۋلارى قوعام حاۋىپسىزدىگى، بازاردى باقىلاۋ ـ باسقارۋ، قامداۋ ـ ساتۋ كووپەراتيۆى سياقتى تاراۋلارمەن سەلبەسە وتىرىپ، اۋىل شارۋاشىلىعى ماتەريالدارى بازارىن باقىلاۋ ـ باسقارۋدى كۇشەيتىپ، جالعان اۋىل شارۋاشىلىق ماتەريالدارىمەن ”شارۋالاردى قان قاقساتۋ، شارۋالارعا زيان جەتكىزۋ“ ارەكەتىنە قاتاڭ سوققى بەرىپ، جاسىل، ساپالى اۋىل شارۋاشىلىعى ماتەريالدارىمەن قامداۋدىڭ نەگىزگى ارناسىن ىركىلىسسىزدەندىرىپ، تاماشا اۋىل شارۋاشىلىعى ماتەريالدارىنىڭ اۋىل ـ قىستاقتارعا، اتىزدارعا، وتباسىلارىنا جەتكىزىلۋىنە شىنايى كەپىلدىك ەتىپ، كوكتەمگى ەگىس ٴوندىرىسىنىڭ ٴساتتى ورىستەتىلۋىن قامتاماسىزداندىرادى.

  تانىستىرۋعا قاراعاندا، بيىلعى سەنىمدى اۋىل شارۋاشىلىعى ماتەريالدارىن اۋىل ـ قىستاقتارعا جەتكىزۋدى ۇگىتتەۋ اپتالىعى قيمىلى ”سەنىمدى اۋىل شارۋاشىلىعى ماتەريالدارىن اۋىل ـ قىستاققا جەتكىزىپ، استىقتى ورنىقتىرىپ، كىرىستى ارتتىرىپ، شارۋالارعا تيىمدىلىك جاساۋدى“ نەگىزگى تاقىرىپ ەتىپ، ”سەنىمدى اۋىل شارۋاشىلىعى ماتەريالدارىن اۋىل ـ قىستاققا جەتكىزۋ“ جانە ”كوكتەمگى جالعان اۋىل شارۋاشىلىعى ماتەريالدارىنا سوققى بەرۋ“ سىندى 2 ٴتۇرلى قىزمەتتى ورىستەتۋدى نەگىز ەتەدى ەكەن. اۋىل شارۋاشىلىق تەحنيكتەرى اۋىل ـ قىستاقتاعى شارۋا وتباسىلارىنا، اتىز باسىنا بارىپ، اۋىل شارۋاشىلىعى ماتەريالدارى جونىندەگى زاڭ ـ ەرەجەلەردى جانە جالعان، جارامسىز ماتەريالداردى پارىقتاۋ بىلىمدەرىن جالپىلاستىرىپ، شارۋالاردى اۋىل شارۋاشىلىعى ماتەريالدارىن ۇيلەسىمدى ساتىپ الۋعا، عىلمي پايدالانۋعا جەتەكتەپ، ەگىنشى قاۋىمنىڭ جالعان ـ جارامسىز زاتتاردى پارىقتاۋ قابىلەتىن جوعارىلاتىپ، اۋىل شارۋاشىلىعى ماتەريالدارى كاسىپورىندارىنىڭ ادال دا سەنىمدى تيجارات جۇرگىزۋىن جەبەيدى. سونىمەن بىرگە ، رايونىمىزداعى ءار دارەجەلى اۋىل شارۋاشىلىعى، اۋىل - قىستاق تاراۋلارى قاتىستى تاراۋلارمەن بىرگە كوكتەمگى ەگىسكە قاجەتتى اۋىل شارۋاشىلىعى ماتەريالدارىنا تور جايۋ ۇلگىسىندە ءبىر - بىرلەپ تەكسەرۋ ورىستەتىپ، ينتەرنەت ەلەكتروندى ساۋدا تۇعىرلارىنىڭ جانە كەزبە ساۋداگەرلەردىڭ تيىم سالىنعان، شەكتەلگەن ەگىس دارىلەرىن، سونداي - اق جالعان، جارامسىز اۋىل شارۋاشىلىعى ماتەريالدارىن ساۋدالاۋ ارەكەتىنە سوققى بەرۋ تەبىنىن ارتتىرىپ، اۋىل شارۋاشىلىعى ماتەريالدارى بازارىنىڭ ءتارتىبىن قورعايدى.


  3 - ايدىڭ 19 - كۇنى 2023 - جىلعى اۆتونوميالى رايوننىڭ سەنىمدى اۋىل شارۋاشىلىعى ماتەريالدارىن اۋىل-قىستاقتارعا جەتكىزۋدى ۇگىتتەۋ اپتالىعى قيمىلى باستالۋىنىڭ ناق مايدانى. سۋرەتتى گۇڭ جيڭتيڭ تۇسىرگەن

  ”اۋىل شارۋاشىلىعى ماتەريالدارىنىڭ ساپاسى اۋىل شارۋاشىلىعى وندىرىسىنە سايادى، شارۋالاردىڭ ٴتول مۇددەسىنە سايادى“. اۆتونوميالى رايوندىق اۋىل شارۋاشىلىعى، اۋىل - قىستاق مەڭگەرمەسى اۋىل شارۋاشىلىعى ونىمدەرىنىڭ ساپا حاۋىپسىزدىگىن باقىلاۋ - باسقارۋ باسقارماسىنىڭ باستىعى چىن جۇن تانىستىرىپ بىلاي دەدى: بيىل بۇكىل رايونىمىز اۋىل شارۋاشىلىعى ماتەريالدارى بازارىن باقىلاۋ - باسقارۋدى كۇشەيتۋ بارىسىندا، تۇتاس قوعام بىرگە جونگە سالۋ مەحانيزمىن اقاۋسىزداندىرۋعا باسا ٴمان بەرىپ، باقىلاۋ - باسقارۋ دەڭگەيى مەن قابىلەتىن جوعارىلاتادى. اۆتونوميالى رايوننىڭ جالعان اۋىل شارۋاشىلىعى ماتەريالدارىنا سوققى بەرۋ، ارىزدانۋ، اشكەرەلەۋ تەلەفونى 7500129-0991، ٴار دارەجەلى ارىزدانۋ، اشكەرەلەۋ تەلەفوندارى دا اۆتونوميالى رايوندىق اۋىل شارۋاشىلىعى، اۋىل-قىستاق مەڭگەرمەسىنىڭ رەسمي تورىندا جاريالاندى، بۇقارانىڭ ”12316“ اۋىل شارۋاشىلىعىنا، اۋىل - قىستاققا، شارۋالارعا قىزمەت وتەۋ لەنياسى ارقىلى دا باقىلاۋ - اشكەرەلەۋىنە دە بولادى.