ۋاكىل پاڭ زىجيان:
اۋىل - قىستاقتى گۇلدەندىرۋ سىندى ۇلكەن ءىستى تىندىرىمدى ىستەيمىن
□ انار بۇلت \ شينجياڭ گازەتىنىڭ ءتىلشىسى لياڭ ليحۋا
بيىل ياركەن اۋدانى باقاۋات اۋىلدىق پارتكومنىڭ شۋجيى، ”90 - جىلداردىڭ تۇلەگى“ پاڭ زىجيان 14 - كەزەكتى مەملەكەتتىك حالىق قۇرىلتايىنىڭ ۋاكىلى بولىپ سايلاندى. وسىدان بۇرىن ول اۆتونوميالى رايوندىق 13 - كەزەكتى حالىق قۇرىلتايىنىڭ ۋاكىلى بولاتىن، سالاۋاتىنداعى وزگەرىس وعان جاۋاپكەرشىلىگىنىڭ اۋىر ەكەندىگىن تەرەڭ سەزىندىرىپ: ”مەملەكەتتىك حالىق قۇرىلتايى ۋاكىلى ءۇشىن جەكەلىك ساپا، مىندەت وتەۋ قابىلەتى جاعىنداعى تالاپ اناعۇرلىم جوعارى بولادى، مەن ۋاقىتتى مىقتى يگەرىپ، ءوزىمدى تولىستىرىپ، قابىلەتىمدى ءوسىرىپ، حالىق ءۇشىن ءتىپتى دە ويداعىداي ءسوز سويلەيمىن“، - دەدى.
2014 - جىلى پاڭ زىجيان داشۋەدەن وقۋ تاۋىسقاننان كەيىن، مەملەكەتتىڭ ۇندەۋىنە ءۇن قوسىپ، قاشقار ايماعىنداعى نەگىزگى ساتىعا بارىپ قىزمەت ىستەدى، سونان بەرى كوزدى اشىپ - جۇمعانشا 10 جىل وتە شىقتى. ” بۇكىل ەل بويىنشا جۇمىس ورىندارىندا لەي فىڭنان ۇيرەنۋ ۇلگىسى“، ”مەملەكەتتىك 1 - مامىر ەڭبەك مەدالى“، ”شينجياڭ جاستار 4 - مامىر مەدالى“، اۆتونوميالى رايوننىڭ ”ۇعىسۋ، تيىمدىلىك جاساۋ، توعىستىرۋ“ بويىنشا قىستاقتا تۇرۋ قىزمەتىندەگى ۇزدىك جەكە، 4 - كەزەكتى اۆتونوميالى رايوندىق ”حالىق رازى مەملەكەت قىزمەتكەرى“... وسى داڭقتاردىڭ استارىندا ونىڭ نەگىزگى ساتىعا تامىر تارتىپ، مىزعىماي العا تارتقان بەرىك قادامى جاتىر.
”پارتيا 20 - قۇرىلتايىنىڭ بايانداماسىندا باستان - اياق حالىقتى وزەك ەتۋ يدەياسى بەينەلەنگەن، مۇنىڭ ءبارى بۇقارانىڭ جاقسى تۇرمىس وتكىزۋى ءۇشىن“. بۇقارامەن بىرگە قورالانا وتىرىپ، پارتيانىڭ ابزال ساياساتتارىن جەتكىزۋ پاڭ زىجياننىڭ مىندەت وتەۋىندەگى ۇنەمىلىك جاعداي. ول بىلاي دەدى: اۋىلداستاردىڭ تۇرمىسىنىڭ كۇن سايىن جاقسارعاندىعىن كورىپ، پارتيا ورتالىق كوميتەتىنىڭ شينجياڭداعى ءار ۇلت بۇقاراسىنا دەگەن قامقورلىعىن، سۇيىسپەنشىلىگىن تەرەڭ سەزىندىم. مەن اۋىلداستاردىڭ كەدەيلىكتەن ارىلىپ، بايىعاندىعى جونىندەگى حيكايالارىن جانە باس شۋجي شي جينپيڭگە، پارتيا ورتالىق كوميتەتىنە دەگەن تەرەڭ سۇيىسپەنشىلىگىن بەيجيڭگە الا بارامىن.
”كىمنىڭ ۇيىندە ناۋقاس ادام بار ەكەندىگىن، قايسى بالانىڭ داشۋەگە وتكەندىگىن قانىق بىلەمىن“. پاڭ زىجيان كۇندەلىكتى قىزمەتى مەن ۋاكىلدىك مىندەتىن وتەۋدى ءوزارا بايلانىستىرىپ، بۇقارامەن ۇنەمى اڭگىمەلەسىپ، ولاردىڭ ”ۋايىمداعان ىستەرىن“ دەن قويا تىڭدادى، بۇقارانىڭ پىكىرلەرىن، ۇسىنىستارىن ءبىر - بىردەن داپتەرگە جازدى. ول بىلاي دەدى: ۋاكىلدىڭ ۇسىنىسىندا حالىقتىڭ ءۇنى جەتكىزىلگەن، حالىقتىڭ ارمانى جاتىر، ”حالىقتى ۇستاز تۇتىپ، ۇسىنىستاردا حالىق جاعدايى، ەل رايى اڭىس ەتىلۋ، ءىس جۇزىندىك ماسەلەلەردى شىنايى شەشۋ كەرەك“.
اۋىل شارۋاشىلىعى، اۋىل - قىستاق، شارۋالار قىزمەتىن تىڭعىلىقتى ىلگەرىلەتتى، عىلىم - تەحنيكامەن جەتەكشىلىك ەتۋدى كۇشەيتتى، وسى زامانعى ەگىن، مال شارۋاشىلىعىنىڭ دامۋ دەڭگەيىن ءوسىردى؛ جۇمىستاندىرۋدى كەڭەيتۋ، كىرىستى ارتتىرۋدى جەبەۋ، حالىق تۇرمىسىنا تيىمدىلىك جاساۋ قىزمەتتەرىن مۇمكىندىگىنشە ويداعىداي ىستەپ، كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ءونىمدى ۇشتاستىردى... وتكەن ءبىر جىلدا پاڭ زىجيان اۋىل - قىستاقتى جاپپاي گۇلدەندىرۋدى ارقاۋ ەتىپ، اۋىل شارۋاشىلىعىنىڭ ساپاسىن ءوسىرىپ، ونىمدىلىگىن ارتتىرۋدى، بۇقارانىڭ كىرىسىن ارتتىرىپ بايىتۋدى تىڭعىلىقتى ىلگەرىلەتتى.
2022 - جىلى باقاۋات اۋىلى ”جيڭماي 189“ ءبيداي جاڭا سورتىن سىناق رەتىندە ەكتى، ناقتى ءتۇسىم بويىنشا ءونىمدى مولشەرلەگەندە مۋ باسىندىق ءونىم مولشەرى 8. 690 كيلوگرامعا جەتىپ، سالىستىرىلعان سورتتان ءونىم مولشەرى 30 پايىزدان ارتىق جوعارى بولدى. تۇتاس اۋىل تاعى دا ”ساپالى تۇقىم + ساپالى ءتاسىل“ سايكەستى تەحنيكاسىنان پايدالانىپ، ماقتا ەگىلەتىن جەر اۋدانىن، سورتىن ساپالىلاندىرىپ، ماقتانىڭ ساپاسىنا ءونىمدى تۇردە كەپىلدىك ەتتى.
”مەملەكەتتىك حالىق قۇرىلتايى ۋاكىلى رەتىندە، مەن نەگىزگى ساتىداعى قىزمەت ابزالدىلىعىمنان بەلسەنە ويداعىداي پايدالانىپ، اۋىل - قىستاقتى گۇلدەندىرۋدەگى باستاماشىلدىق ەتۋ جانە جەتەكتەۋ رولىمدى ساۋلەلەندىرىپ، اۋىل - قىستاقتى گۇلدەندىرۋ سىندى وسى ۇلكەن شارۋانى تىندىرىمدى ىستەپ، اۋىل شارۋاشىلىعىن اناعۇرلىم كۇشەيتۋدى، اۋىل - قىستاقتى اناعۇرلىم كوركەيتۋدى، شارۋالاردى اناعۇرلىم بايىتۋدى قۇلشىنا جۇزەگە اسىرامىن“، - دەدى پاڭ زىجيان.
