شينجياڭ ەكونوميكاسىنداعى جارقىن تۇيىندەرگە نازار | 2022 - جىلى رايونىمىزدىڭ مال شارۋاشىلىعى ورنىقتى ارتۋدى ساقتادى

日期:2023年01月31日
来源:新疆日报
【字体:

  انار بۇلت \ شينجياڭ گازەتىنىڭ حابارى (ٴتىلشى گاۋ فىڭ حابارلايدى) ٴتىلشىنىڭ 1 - ايدىڭ 20 - كۇنى اۆتونوميالى رايوندىق حالىق ۇكىمەتىنىڭ اقپارات كەڭسەسى وتكىزگەن اۆتونوميالى رايوننىڭ 2022 - جىلعى حالىق شارۋاشىلىعىنىڭ اينالىم جاعدايى جونىندەگى اقپار جاريالاۋ ماجىلىسىنەن ۇعىسۋىنشا، 2022 - جىلى رايونىمىزدىڭ مال شارۋاشىلىعى %6.5 ارتىپ، ارتۋ قارقىنى ورنىقتى بولعان، تۇتاس رايوندا شوشقا، سيىر، قوي، ءۇي قۇستارىنىڭ ەت ٴونىم مولشەرى ٴبىر ميلليون 909 مىڭ 400 توننا بولىپ، الدىڭعى جىلداعىدان %4.3 ارتقان؛ شيكى سيىر ٴسۇتىنىڭ ٴونىم مولشەرى 2 ميلليون 225 مىڭ 800 توننا بولىپ، %5.2 ارتقان.


    2022 ـ جىلى 12 ـ ايدىڭ 14 ـ كۇنى التاي قالاسى قىزىلتاس قالاشىعى دولاتى قىستاعىنداعى باعىمشى وتباسى سيىرلارعا جەم بەرۋدە. جەرگىلىكتى ورىن قورا ـ قالتقى باعىمشىلىعى مەن ٴۇي قۇستارى باعىمشىلىعىن بەلسەنە دامىتىپ، ەگىنشى ـ مالشىلاردىڭ مال شارۋاشىلىعى جانە ٴۇي قۇستارى باعىمشىلىعى ارقىلى كىرىستەرىن ارتتىرۋىنا دەم بەرىپ، اۋىل ـ قىستاقتى گۇلدەندىرۋدى جاپپاي ىلگەرىلەتتى. سۋرەتتى ارداق بەيىسقان تۇسىرگەن    

  2022 - جىلدىڭ سوڭىندا، تۇتاس رايون بويىنشا قوراداعى شوشقا، سيىر، قويدىڭ سانى 59 ميلليون 856 مىڭ 500 (باس) بولىپ، الدىڭعى جىلداعىدان %5. 6 ارتقان. مۇنىڭ ىشىندە قولداعى شوشقانىڭ سانى 4 ميلليون 695 مىڭ 300 بولىپ، %7.7 ارتقان؛ قوراداعى سيىردىڭ سانى 6 ميلليون 909 مىڭ 100 بولىپ، %1. 12 ارتقان؛ قوراداعى قويدىڭ سانى 48 ميلليون 252 مىڭ 100 بولىپ، %6. 5 ارتقان.

  بىلتىر ءتورتىنشى ماۋسىمنان بەرى، اۆتونوميالى رايون ىندەتتەن ساقتانۋ - تىزگىندەۋ مەن ەكونوميكالىق، قوعامدىق دامۋدى ءبىر تۇتاس جوسپارلاپ، جەر - جەر، تاراۋلار بىرلەسىپ قامال الىپ، بەلسەندى شارالار قولدانىپ، ساتىلماي قورادا تۇرعان مالداردى ساتۋدى جانە مال شارۋاشىلىعى ونىمدەرىن سىرتقا ساتۋدى جەبەپ، ءوندىرىستى قالپىنا كەلتىرۋدى مىقتاپ ۇستاپ، ىندەت كەزىندە ساتىلماي قورادا تۇرعان ءتىرى مالداردىڭ ساتىلۋ قارقىنىن كورنەكتى تەزدەتىپ، مال شارۋاشىلىعىنىڭ ءونىم قۇنى شاپشاڭ قايتا ورلەپ، مال شارۋاشىلىعى ەكونوميكاسىنىڭ دامۋىن پارمەندى تۇردە سەرپىلتتى.