شارۋالاردىڭ كىرىسىن ارتتىرىپ، اۋقاتتانۋ ارناسىن ونان ارى كەڭەيتىپ، كەدەيلىكتەن ارىلتۋدان قامال الۋ تابىستارىن بەكەمدەۋ ٴۇشىن، يىڭسار اۋدانى سوگەت اۋىلى كووپەراتيۆتى ەرەكشە سويىس كەپتەر باعىمشىلىعىن دامىتۋعا شابىتتاندىرۋ جانە سۇيەمەلدەۋ ارقىلى شارۋالاردى كىرىستەرىن ورنىقتى ارتتىرۋعا جەتەكتەپ، اۋىل ـ قىستاقتى گۇلدەندىرۋدى ىلگەرىلەتتى.
1 ـ ايدىڭ 15 ـ كۇنى سوگەت اۋىلى جوعارعى اچما ارىق قىستاعى جارنا ەكونوميكالىق سەلبەستىك كووپەراتيۆىنىڭ كەپتەر قوراسىنان ”گۋ ـ گۋ“ ەتكەن كەپتەردىڭ داۋىسى ەستىلەدى، كووپەراتيۆ مۇشەلەرى كەپتەر قاپاسىنداعى جەمدى تولىقتاۋمەن قاربالاستاۋدا. بىلتىر 6 ـ ايدا قىستاق پارتيا ياچەيكاسىنىڭ سۇيەمەلدەۋىندە، سەلبەستىك كووپەراتيۆى 2900 جۇپ بايۇيۋاڭ كەپتەرىن ەنگىزدى، جارتى جىلدىق باعىمشىلىق ارقىلى 1000 جۇپ بالاپان كەپتەر جەتىلدىرىلدى، باعىمشىلىقتىڭ بولاشاعى نۇرلى.
يىڭسار اۋدانى سوگەت اۋىلى جوعارى اچما ارىق قىستاعى جارنا ەكونوميكالىق سەلبەستىك كووپەراتيۆىنىڭ جاۋاپتىسى احمەتجان اكىم بىلاي دەدى: ”ٴبىز جارتى جىلدان استام ۋاقىت باققاندا، كەپتەرىمىزدىڭ سانى 3900 جۇپقا جەتتى، ٴار رەت كەپتەر جۇمىرتقالايتىن كەزدە، تەحنيكتەر كەلىپ تەحنيكالىق جاقتان جەتەكشىلىك ەتەدى، مەجەمەن بيىل جىل سوڭىندا كەپتەر سانى 9000 جۇپقا جەتەدى“.
يىڭسار اۋدانى سوگەت اۋىلى جوعارى اچما ارىق قىستاعى پارتيا ياچەيكاسىنىڭ شۋجيى كاڭ جىنحۋا بىلاي دەدى: ”2022 - جىلى جۇڭگو كوممۋنيستىك پارتياسى يىڭسار اۋداندىق كوميتەتىنىڭ، يىڭسار اۋداندىق حالىق ۇكىمەتىنىڭ زور كۇشپەن قولداۋىندا، نىسان قارجىسىنان 300 مىڭ يۋانعا قول جەتكىزىپ، قىستاعىمىز 200 مىڭ يۋان قارجى توپتاپ، ’سەلبەستىك كووپەراتيۆى + زاۆود ٴۇيى + شارۋا وتباسى‘ ۇلگىسىن قولدانىپ، قىستاق تۇرعىندارىن سويىس كەپتەر باعىپ، كىرىستەرىن ارتتىرۋعا باستادى“.
باييۇيۋاڭ سويىس كەپتەر باعىمشىلىعىنىڭ اينالىمى قىسقا، قوسىلاتىن قارجىسى از، ٴونىمى تەز. ازىقتاندىرۋدا تالاپ ەتىلەتىن قوراجاي، جابدىعى قاراپايىم، كولەمى ۇلكەن بولسا دا، شاعىن بولسا دا بولادى. نەگىزىنەن جۇگەرى سياقتى ٴداندى داقىلداردى نەگىز ەتەدى، باعىمشىلىقتىڭ وزىندىك قۇنى تومەن. تۇقىمدىق كەپتەر ساتىپ العان ايدا - اق ءونىمىن كورۋگە بولادى. ونىڭ ۇستىنە سويىس كەپتەر تاماشا ۇيلەسۋ قۋاتىنا يە، دەرت - دەربەزگە وڭاي شالدىعا قويمايدى، باعۋ - باسقارۋ تەحنيكاسى قاراپايىم، باعىمشىلىق كىرىسى جوعارى، حاۋىپ - قاتەرى از.
احمەتجان اكىم بىلاي دەدى: ”ٴبىزدىڭ كەپتەرىمىزدىڭ ءاربىرىنىڭ باعاسى 20 يۋان اينالاسىندا، بازارمەن بايلانىس جاساپ بولدىق، بيىل سەلبەستىك كووپەراتيۆىنىڭ كىرىسى مەجەمەن 350 مىڭ يۋان اينالاسىندا بولادى“.
ەرەكشە كاسىپ سالالارىن دامىتۋ دەگەنىمىز بۇقارانىڭ ٴوزىن ـ ٴوزى دامىتۋداعى پارمەندى شارا سانالادى، سوگەت اۋىلى سويىس كەپتەر باعىمشىلىعى كاسىپ سالاسىنىڭ كومەسكى كۇشىن تولىق اشىپ، سويىس كەپتەر تۇتاس كاسىپ سالاسى تىزبەگىنىڭ ارتقان قۇن ونىمدىلىگىن بارىنشا جوعارىلاتىپ، اۋىل ـ قىستاق ەرەكشە كاسىپ سالاسىنىڭ جوعارى ساپالى دامۋى ارقىلى شارۋالاردىڭ كىرىسىن ارتتىرىپ، اۋقاتتانۋ ارناسىن ۇزدىكسىز كەڭەيتەدى.
كاڭ جىنحۋا بىلاي دەدى: ”ٴبىز بۇقارانى قۇلشىنا ىنتىماقتاستىرىپ جانە باستاپ، سويىس كەپتەر باعىمشىلىعى كاسىپ سالاسىن ويداعىداي ىستەپ، بۇقارانىڭ كىرىس قاينارىن مولايتىپ، اۋىل - قىستاقتى گۇلدەندىرۋگە دەم بەرەمىز“.
