كوكتەم مەرەكەسىندە نەگىزگى ساتىنى ارالاۋ | 4 جىلدا 19 ميلليون يۋانعا تاياۋ پايدا ءبولىسىن ۇلەستىردى، ”باتىس بولىك ۋجىن قالاشىعى“ قىستاق تۇرعىندارىنا تاعى دا پايدا ۇلەستىردى

日期:2023年01月14日
来源:新疆日报
【字体:

    1 - ايدىڭ 10 - كۇنى قارامايلى قالاسى ورقى رايوندىق پارتكوم پارتيا مەكتەبىنىڭ بايانداما جينالىس زالىنان قۋانىش لەبى ەستى: ورقى قالاشىعىنىڭ تۇرعىندارى ۇستىلەرىنە قىزىل لەنتا تاعىنىپ، قۋانىشقا تولى مۋزيكاعا ەلىتىپ ساحىنا تورىنە شىعىپ، اقشا سالىنعان ارحيۆ قالتاسىن قابىلداپ الدى، ارحيۆ قالتاسىنىڭ سىرتىنداعى قىزىل قاعازعا تۇرعىنداردىڭ ەسىمى، اقشا سوماسى جازىلىپ، ىشىنە بۋدا - بۋدا ناق اقشا سالىنعان ...


  ورقى رايونىنىڭ ”باتىس بولىك ۋجىن قالاشىعى“ 4 - رەتكى پايدا ۇلەستىرۋ قيمىلىنا قاتىناسقان قىستاق تۇرعىندارى ريزاشىلىقتارىن ءبىلدىردى. سۋرەتتى پاڭ بو، اكبار تۇسىرگەن

  مۇنداي جاعداي كوپشىلىككە بەيتانىس ەمەس، ءدال وسىنداي قيمىل 4 جىلدان بەرى 4 رەت وتكىزىلدى. 1 - رەتتە 5 ميلليون 359 مىڭ 200 يۋان، 2 - رەتتە 3 ميلليون 220 مىڭ يۋان، 3 - رەتتە 3 ميلليون 847 مىڭ 300 يۋاندى بولىسكە سالعان؛ وسى جولى 433 قىستاق تۇرعىنى جالپى 6 ميلليون 356 مىڭ يۋاندى قۇرايتىن تابىس بولىسىنەن يگىلىكتەندى.

  2018 ـ جىلى ورقى قالاشىعى الدىمەن تۇيىندە سىناق ەتۋ، ونان سوڭ ىلگەرىلەتۋ ءتاسىلى بويىنشا، زاڭعا ساي، ەرىكتى، اقىلى بولۋ پرينسيبىنە نەگىزدەلىپ، ”ءۇشتى وزگەرتپەۋ“ پرينسيبى بويىنشا، قورا ـ جايلىق جەردەن پايدالانۋ ۇقىعىن جانە قورا ـ جايلىق جەردەگى قوسالقى زاتتاردى باعالاعاننان كەيىن، قىستاق جارنا ەكونوميكالىق سەلبەستىك كووپەراتيۆىنىڭ ءبىر تۇتاس تيجارات جۇرگىزىپ، باسقارۋىنا تاپسىردى. 2020 ـ جىلى 3 ـ ايدىڭ سوڭىندا وسى قالاشىقتىڭ چاعانوت قىستاعى مەن حاك قىستاعى سىندى ەكى قىستاقتاعى 104 قىستاق تۇرعىنى بىرلەسىپ ۇسىنىس قويىپ، ەرەكشە حالىقتىق تۇسەلحانا قۇرۋدى ءبىر تۇتاس ىلگەرىلەتۋدى تالاپ ەتتى. سول جىلى 6 ـ ايدا ورقى رايوندىق پارتكوم، ۇكىمەتتىڭ قولداۋىندا، ”باتىس بولىكتەگى ۋجىن قالاشىعى“ نىسانى بوي كوتەردى. قازىر اۋىل ـ قىستاقتى گۇلدەندىرۋدىڭ باستاماشى نىسانى رەتىندەگى ”باتىس بولىكتەگى ۋجىن قالاشىعى“ نىسانى ءبىر ۋاقىتتا 10 مىڭ ساياحاتشىعا ”اس ـ سۋ، جاتىن ورىن، ءجۇرىس ـ تۇرىس، ساياحات، زات ساتىپ الۋ، كوڭىل اشۋ، سۇيىسپەنشىلىك، ۇيرەنۋ، حيكىمەت كورىنىستەر، ساۋدا، كۇتىمدەلۋ، دەمالۋ“ سىندى ساياحات كەشەندى قىزمەت وتەۋ تۇلعاسىن قالىپتاستىردى. اتالعان نىساننىڭ جەبەۋىندە، 2022 ـ جىلدان قازىرگە دەيىن ورقى قالاشىعى 3 ميلليون ادام ـ رەتتەن استام ساياحاتشى قابىلدادى.

  ما ابۋ 2013 ـ جىلى گانسۋدان قارامايلى قالاسىنا كەلىپ، ەگىن ەگىپ، جۇمىس ىستەگەن. 2019 ـ جىلى ول ورقى رايونى ورقى قالاشىعىنا كەلىپ، كاسىپورىن سەلبەستىك كووپەراتيۆىنە مۇشە بولدى، قازىر ”باتىس بولىكتەگى ۋجىن قالاشىعىن“ جاسىلداندىرۋ، قوجالىق قىزمەتىن ۇستىنە الىپ، ايىنا 4000 يۋاننان استام نەگىزگى ەڭبەكاقى الىپ وتىر. مۇنان تىس، ونىڭ ورقى قالاشىعىنداعى 17 مۋ جەرى تالاي جىل بويى قاڭىراپ بوس قالعان ەدى. ورقى قالاشىعىنداعى ەكى قىستاق جارنا ەكونوميكالىق سەلبەستىك كووپەراتيۆىنىڭ كومەگىندە، وسى ”بەكەر تۇرعان جەر“ ”قولدانىستاعى اتىزعا“ اينالىپ، ءار جىلى جەردى اينالىمعا سالۋ ارقىلى كىرىس تاپتى. وسى 4 جىلدىق تابىس ءبولىسى جينالىسىندا ”باتىس بولىكتەگى ۋجىن قالاشىعى“ نىسانى، قىستاق كوللەكتيۆ ەكونوميكاسى، جەردى اينالىمعا سالۋ سياقتى تاسىلدەر ارقىلى، ما ابۋ 10 مىڭ يۋاننان استام پايدا ۇلەسىن الىپ وتىردى.


  پايدا ۇلەسىن العان قىستاق تۇرعىندارى قۋانىشتارىن ءبىلدىرىستى. سۋرەتتى پاڭ بو، اكبار تۇسىرگەن

  ”جاڭا ءداۋىر، جاڭا جورىقتا ورقى قالاشىعى اۋىل ـ قىستاقتى گۇلدەندىرۋدى ۇزدىكسىز تىڭعىلىقتى ىلگەرىلەتەدى، بۇقارانىڭ ’قالتاسى‘ قامپايىپ، ’ارقا سۇيەرى‘ كۇشەيىپ، كوڭىل كۇيى بارعان سايىن جايناپ، جۇزدەرىنەن كۇلكى ەسۋىنە مۇمكىندىك جاساپ، تۇرعىنداردى بىرگە اۋقاتتانۋدىڭ داڭعىل جولىنا باستايدى!“، - دەدى قارامايلى قالالىق حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى، ورقى رايوندىق پارتكومنىڭ شۋجيى شۋە حۇڭشۇن. وسى بىرنەشە جىلدا ورقى رايونىنداعى ەگىنشى - مالشىلاردىڭ جان باسىندىق تازا كىرىسى بارعان سايىن مولايدى. 2019 - جىلى جان باسىنا تۋرا كەلەتىن تازا كىرىس 28 مىڭ 286 يۋان، 2020 - جىلى 33 مىڭ 456 يۋان، 2021 - جىلى 35 مىڭ 806 يۋان، 2022 - جىلى 40 مىڭ 76 يۋانعا جەتتى.