كۇزگى جيىن - تەرىننىڭ، قىسقى ەگىمشىلىكتىڭ ىركەس - تىركەس اقىرلاسۋىمەن، اۋىل - قىستاق ٴبىر جىلداعى ”ەگىس جۇمىسىنىڭ سايابىر مەزگىلىنە“ قادام تاستادى، 1 - ايدىڭ 9 - كۇنى جىڭ اۋدانى اقشي ەگىس الاڭى ەگىنشىلىك 6 - اترەتىندە تۇراتىن لي رۇي تاڭەرتەڭگى اسىن ٴىشىپ العان سوڭ، اترەتتەگى شارۋالار كىتاپ ۇيىنە بارىپ، اۋىل شارۋاشىلىق تەحنيكاسىنا قاتىستى ماتەريالداردى اقتارىپ، كوكتەمگى ەگىس جۇمىسىنىڭ ”ساباعىنا دايىندالدى“.
اۋىل - قىستاق ەكونوميكاسىنىڭ دامۋى مەن شارۋا بۇقاراسىنىڭ تۇرمىس ورەسىنىڭ كۇن سايىن جوعارىلاۋىنا بايلانىستى، نەگىزگى ساتىداعى بۇقارانىڭ مادەنيەت قاجەتى دە كۇن ساناپ ارتتى، قازىر ”ەگىس جۇمىسىنىڭ سايابىر كەزىن“ ”اۋىل شارۋاشىلىعى ءبىلىمىن ارتتىرۋ كەزەڭىنە“ اينالدىرۋ جاڭا سالتقا اينالدى. اقشي ەگىس الاڭى ەگىنشىلىك 6 - اترەتىندە تۇراتىن شيۇڭ حايياڭ دا سول كۇنى شارۋالار كىتاپ ۇيىنە كەلىپ، مال شارۋاشىلىعى باعىمشىلىعى جونىندەگى كىتاپتاردى كورە باستادى، ول اترەتتەگى تانىمال باعىمشىلىق وتباسى، باعىمشىلىقتاعى قيىن ماسەلەلەرگە جولىققاندا ۇنەمى شارۋالار كىتاپ ۇيىنە كەلىپ تاجىريبە ساباق الادى. بىرنەشە جىلدىق ۇيرەنۋ، ىزدەنۋدىڭ ناتيجەسىندە ونىڭ باعىمشىلىق الاڭىنىڭ كولەمى ۇزدىكسىز كەڭەيدى، قازىر 40 سيىر، 100 قويى بار، كىرىسى دە جىل سايىن ارتىپ كەلەدى.
قىستاق تۇرعىندارى شارۋالار كىتاپ ۇيىندە كىتاپ وقۋدا
شارۋالار كىتاپ ٴۇيى قىستاق تۇرعىندارىنىڭ رۋحاني مەكەنى عانا ەمەس، اۋىلعا قايتقان وقۋشىلاردىڭ دا ”ٴبىلىم قامباسى“. بيىل 21 جاستاعى سامعار ەربول باتىس سولتۇستىك اۋىل شارۋاشىلىعى، ورمان شارۋاشىلىعى عىلىم ـ تەحنيكا داشۋەسىندە ازىق ـ تۇلىك عىلىمى جانە ينجەنەريا ماماندىعىن وقيدى. ول بىلاي دەدى: شارۋالار كىتاپ ۇيىندە قازىر ادەبيەت، ەگىن، مال شارۋاشىلىق ەگىمشىلىك، باعىمشىلىعى، زاڭ بىلىمدەرى سياقتى كىتاپتاردىڭ ٴتۇرى تولىق، كىتاپ وقۋ قاجەتىن تولىق قاناعاتتاندىرا الادى.
جاقىنعى جىلداردان بەرى اقشي ەگىس الاڭىنىڭ اۋىل شارۋاشىلىق 6 - اترەتى قاتتى بولشەك قۇرىلعى قۇرىلىسىن كۇشەيتۋمەن بىرگە، شارۋالار كىتاپ ۇيىنىڭ جاڭالىق جاراتۋ ۇلگىسى جونىندە بەلسەنە ىزدەنىس جاساپ، ٴار جىلى بۇقارانىڭ كىتاپ وقۋ قاجەتىن نەگىز ەتىپ، اۋىل شارۋاشىلىعىنىڭ ٴوندىرىس زاڭدىلىعى مەن تۇرمىس ەرەكشەلىگىنە ۇيلەسەتىن كىتاپتاردى ۇيلەسىمدى تاڭدادى جانە ازىرلەدى. قازىر شارۋالار كىتاپ ۇيىندە ادەبيەت، عىلىم - تەحنيكانى جالپىلاستىرۋ، تاريح، اۋىل شارۋاشىلىعى، زاڭ قاتارلى سالالارعا ساياتىن 2000نان استام كىتاپ بار. قىستاق ارناۋلى باسقارۋشى قويىپ، كۇندەلىكتى باسقارۋ قىزمەتىنە جاۋاپتى ەتتى، شارۋالار الىسقا بارماي - اق ەگىمشىلىك، باعىمشىلىق بارىسىندا جولىققان ٴىس جۇزىندىك ماسەلەلەردى شەشە الاتىن بولدى، ”شارۋالار كىتاپ ٴۇيى“ ٴار ۇلت بۇقاراسىنىڭ رۋحاني مادەنيەت مەكەنىنە اينالدى.
جىڭ اۋدانى سۋ يگىلىگى باسقارماسىنىڭ اقشي ەگىس الاڭى اۋىل شارۋاشىلىق 6 - اترەتىندە تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى لي شين بىلاي دەدى: ”اۋىل - قىستاقتى گۇلدەندىرۋ مادەنيەتتىڭ وركەندەۋىنەن ايىرىلا المايدى، شارۋالاردى ’كوپ كىتاپ وقۋ، جاقسى كىتاپ وقۋ، كىتاپتى جاقسى وقۋعا باستاۋ‘ ٴبىزدىڭ كەزەكتەگى جانە بۇدان بىلايعى ءتۇيىندى قىزمەتتەرىمىزدىڭ ٴبىرى. ٴبىز جانە دە شارۋالار كىتاپ ٴۇيىنىڭ مادەنيەت شەبى رولىن ۇزدىكسىز ساۋلەلەندىرىپ، كىتاپ وقۋدى تۇرمىسپەن توعىستىرىپ، بۇقارا اراسىنا جەتكىزىپ، اۋىل سالتىن، حالىق سالتىن العا باستىرۋعا، جاقسارتۋعا جەتەلەپ، اۋىل ـ قىستاقتى گۇلدەندىرۋ ستراتەگياسىن جاپپاي اتقارۋعا قۋاتتى مادەنيەت تىرەگىن ۇزدىكسىز ازىرلەيمىز“.
