قازىر، يوپۇرعا اۋدانىنىڭ جىلجايىنداعى كوكونىستەر شارۋالاردىڭ مۇقيات باپتاۋىندا تاماشا ءوسىپ كەلەدى، جىلىجاي قازىر كىرىستى ارتتىرۋدىڭ تاماشا قۇرالىنا اينالدى. كۇز، قىس ماۋسىمدارىندا، يوپۇرعا اۋدانى شارۋا وتباسىلارىنىڭ كوكونىس ەگۋ، تۇرلەردى جوسپارلاۋ، ۋاقىتتان ۇتۋ، قارقىندى تەزدەتۋ، ساپاعا كەپىلدىك ەتۋىنە بەلسەنە جەتەكشىلىك ەتىپ، كوكونىس جىلىجايىنىڭ ەڭ جوعارى ەكونوميكالىق ونىمدىلىككە قول جەتكىزۋىنە مۇمكىندىك جاساپ، ديقانداردىڭ قالتاسىن قامپايتىپ قالماستان، قىسقى ”كوجە قاتىقتى“ ءونىمدى قامداۋعا كەپىلدىك ەتتى.
قازىر كۇن سۋىتىپ كەتتى، الايدا يوپۇرعا اۋدانى اشىمە قالاشىعى جوعارى كوكشى قىستاعىنىڭ كوكونىس جىلجايىنداعى كوكونىستەر قاۋلاپ ءوسىپ كەلەدى. ەگىنشى ابىلەز قاسىم جۇمىسشىلارمەن بىرگە قىزىل بۇرىش جيناپ قاربالاستادى. ابىلەز قاسىم بىلاي دەدى: ”قىزاناق پەن قىزىل بۇرىشتى بازارعا سالىپ ۇلگەردىك، اجەپتاۋىر جاقسى كىرىس كىرگىزدىك، قىزىل بۇرىشتى بازاردا كيلوگرامىن 10 يۋاننان، تولايىم باعاسى بويىنشا ءار كيلوگرامىن 7 دە 8 يۋاننان ساتتىق، قىزاناقتىڭ ءار كيلوگرامىن 4 تە 5 يۋاننان ساتتىق، ءبىر قالتقىدان 600 -700 كيلوگرام اينالاسىندا قىزىل بۇرىش جينادىق، ءار كيلوگرامىن 8 - 9 يۋاننان ەسەپتەسەك، ءبىر جىلجايدىڭ كىرىسى 7000 - 8000 يۋان اينالاسىندا بولادى ەكەن“.
ابىلەز قاسىم 9 - ايدا 10 كوكونىس جىلجايىن كوتەرەگە الىپ، قىزىل بۇرىش جانە قىزاناق ەككەن بولاتىن، ول تاعى 3 جۇمىسشى جالداپ، اربىرىنە 2000 يۋاننان ايلىق بەرىپ ىستەتتى. ابىلەز قاسىمنىڭ كومەگىندە، جۇمىسشىلار تۇراقتى كىرىسكە يە بولدى، سونىمەن بىرگە كوكونىس ءوسىرۋ، باعىپ باپتاۋدىڭ تەحنيكاسىن يگەردى.
ۇعىسۋعا قاراعاندا، يوپۇرعا اۋدانى اشىمە قالاشىعى جوعارى كوكشى قىستاعىنداعى 60 كوكونىس جىلجايىنان پايدالانىپ، قىزىل بۇرىش، قىزاناق، بالدىركوك، بايساي، بوساي سياقتى كوكونىستەر ەكتى، مول كوكونىس تۇرلەرى بازاردا ءوتىمدى بولىپ، قىستاق تۇرعىندارىنا اجەپتاۋىر كىرىس اكەلدى، مۇنان تىس، اشىمە قالاشىعى ديقانداردىڭ ەرەكشە جوعارى ءونىمدى اۋىل شارۋاشىلىعىن دامىتۋىنا بەلسەنە جەتەكشىلىك ەتىپ، كوكونىس مايساسىن ەگۋ، اتىز - ارىقتى باپتاۋ، تەحنيكالىق تاربيەلەۋ، ساتۋ ارنالارى سياقتى جاقتاردان كىرىستى، شاندۇڭ ولكەسى شوۋگۋاڭ قالاسىنىڭ كوكونىس ەگۋ تەحنيكالىق ماماندارىن ۇسىنىس ەتىپ، شارۋالاردىڭ كوكونىس ەگۋ جۇمىسىندا جولىققان قيىن ماسەلەلەرىن شەشۋىنە شىنايى كومەكتەستى، كوكونىستىڭ ءبىر ماۋسىمدا ەگىلەتىن جاعدايىن كوپ ماۋسىمدا ەگۋ نەمەسە ۋاقىت اۋىستىرىپ ەگۋگە وزگەرتتى، شارۋالاردىڭ ەگىس جۇمىسىنىڭ سايابىر كەزىندە دە جۇمىس ىستەپ، كىرىس تابۋىنا مۇمكىندىك جاسادى.
يوپۇرعا اۋدانى اشىمە قالاشىق پارتكومىنىڭ ورىنباسار شۋجيى قيۇم ابدىرەيىم بىلاي دەدى: ”اشىمە قالاشىعى الداعى جەردە شارۋالاردىڭ ەرەكشە ەگىمشىلىلىكتى دامىتۋىن بەلسەنە جەبەپ، ءتۇرلى ماۋسىم تالعامايتىن كوكونىستەردى ەگۋ ارقىلى جىلجاي قۇرىلىسى، مايسا ەگۋ، اتىز - ارىقتى باپتاۋ، تەحنيكالىق تاربيەلەۋ سياقتى جاقتارىنا كۇش سالىپ، شارۋالاردىڭ بەلسەندىلىگى مەن ىرىقتىلىعىنا دەم بەرىپ، شارۋالاردىڭ كىرىس دەڭگەيىن ءونىمدى جوعارىلاتىپ، قىسقى سايابىرلىقتى قاربالاستىققا وزگەرتىپ، اۋىل - قىستاقتىڭ گۇلدەنۋىن اناعۇرلىم جەبەيدى“.
