مارالباسى اۋدانى داۋلەتباق اۋىلى جىلىجاي ەگىمشىلىگىن دامىتىپ، شارۋالاردىڭ كىرىسىن ارتتىرۋعا دەم بەردى

日期:2023年01月09日
来源:新疆日报
【字体:

  كاسىپ سالاسىن دامىتۋ − بۇقارانىڭ كىرىسىن ارتتىرىپ، اۋقاتتاندىرۋ، اۋىل ـ قىستاقتى گۇلدەندىرۋدىڭ نەگىزى. سوڭعى جىلدارى مارالباسى اۋدانى داۋلەتباق اۋىلى چياجياڭ قىستاعى اۋىل شارۋاشىلىعىنىڭ كاسىپ سالاسى قۇرىلىمىن ۇزدىكسىز ساپالىلاندىرىپ، ساياسات جاقتان سۇيەمەلدەۋ، ۇلگى كورسەتىپ جەبەۋ ارقىلى جىلىجايدا گۇل ـ ٴشوپ، كوكونىس ەگۋدى بەلسەنە دامىتىپ، قىستاق تۇرعىندارىن كىرىستى ارتتىرىپ، اۋقاتتانۋ جولىن كەڭەيتۋگە جەتەكتەدى.


مارالباسى اۋدانى داۋلەتباق اۋىلى چياجياڭ قىستاعىنىڭ كوكونىس ٴوسىرۋ بازاسى، ماۋسىم تالعامايتىن كوكونىستەردىڭ ٴوسۋ جاعدايى ادامدى قۋانتادى. سۋرەتتى گۇلميرا تۇسىرگەن

  چاجياڭ قىستاعىنىڭ كوكونىس ءوسىرۋ بازاسىنداعى جىلىجايلار جولدىڭ ەكى جاعىنا ءبىرىڭعاي رەتتى تىزىلگەن، جىلىجايعا كىرە قالساڭىز، بوساي، بالدىركوكتەر جايقالا ءوسىپ، جاسىل جەلەك جامىلعان، تىرشىلىك تىنىسىنا تولى ورتا قۋانىش سيلايتىن كورىنىس قالىپتاستىرعان. قازىر ەكى جىلىجايداعى ماۋسىم تالعامايتىن كوكونىستەر جيناپ الۋ مەزگىلىنە ٴوتتى. مارالباسى اۋدانى داۋلەتباق اۋىلى چياجياڭ قىستاعى كوكونىس ءوسىرۋ بازاسىنىڭ تەحنيگى ۋاڭ چيتۇڭ كوكونىس جيناپ، كوكونىس تولايىم ساتۋ بازارىنا ساتۋعا دايىندالدى.


تەحنيك ۋاڭ چيتۇڭ كوكونىس جيناپ، كوكونىس تولايىم ساتۋ بازارىنا ساتۋعا دايىندالدى. سۋرەتتى گۇلميرا تۇسىرگەن

  ۋاڭ چيتۇڭ بىلاي دەدى: ”مەن 12 ـ ايدان باستاپ كوكونىس ساتتىم، قازىرگە دەيىن 3 توننانىڭ اينالاسىندا كوكونىس ساتقان بولۋىم مۇمكىن، قالعان كوكونىس كوكتەم مەرەكەسى كەزىندە نەگىزىنەن ساتىلىپ بولادى“.

  ۋاڭ چيتۇڭ مول ەگىمشىلىك تاجىريبەسى مەن تەحنيكاسىنا سۇيەنىپ، جىلىجايدى عىلمي باسقارىپ قانا قويماي، باسقا قىزمەتكەرلەرگە دە ەگىمشىلىك، اتىز باسقارۋ سياقتى جاقتاردان تەحنيكالىق جەتەكشىلىك ەتتى.

  ۋاڭ چيتۇڭ بىلاي دەدى: ”كوكونىس ساتىلىپ بولعاننان كەيىن، كەلەر كەزەكتى مايسانى وتىرعىزۋدى جوسپارلاپ وتىرمىز، مۇنداعى ماقساتىمىز جىلىجاي داقىلدارىنىڭ ەكونوميكالىق ونىمدىلىگىن جوعارىلاتۋ“.


قىستاق تۇرعىنى ابدۋالي اكىم گۇلدەردى سۋارۋدا. سۋرەتتى گۇلميرا تۇسىرگەن

  مارالباسى اۋدانى داۋلەتباق اۋىلى چياجياڭ قىستاعىنىڭ تۇرعىنى ابدۋالي اكىم جىلىجايدا لۇيلو، الوي، كۇلگىن روزا سياقتى گۇل قالامشالارىن ٴوسىردى، ول ٴار كۇنى سونىڭ ىشىندە تىڭايتقىش بەرۋمەن، سۋارۋمەن قاربالاس بولىپ، كوكتەم مەرەكەسىندە جاقسى باعادا ساتۋدى جوسپارلاۋدا.

  ابدۋالي اكىم بىلاي دەدى: ”جىلىجايدا 15 ٴتۇرلى گۇل جانە مايسا بار، قازىر ٴوسۋ جاعدايى وتە جاقسى، قىستان امان وتسە، كىرىستىڭ 10 مىڭ يۋانعا جەتەتىندىگى مەجەلەنۋدە“.


قىستاق تۇرعىنى ابدۋالي اكىم گۇل مايسالارىن باعىپ - باپتاۋدا. سۋرەتتى گۇلميرا تۇسىرگەن

  جىلىجاي ەگىمشىلىگى تەمپەراتۋرانى، كۇن نۇرىن، سونداي ـ اق ەگىس داقىلدارىنىڭ ٴوسۋ جاعدايىن ۇيلەسىمدى تىزگىندەپ، اۋىل شارۋاشىلىعىن كاسىپ سالالاندىرىپ دامىتۋ جانە شارۋالاردىڭ كىرىسىن ارتتىرۋىنا دەم بەرىپ، اۋىل ـ قىستاقتى گۇلدەندىرۋگە تىڭ قوزعاۋشى كۇش قوستى.

  مارالباسى اۋدانى داۋلەتباق اۋىلى چياجياڭ قىستاعىنىڭ كادرى مالىك مامەت بىلاي دەدى: ”كەلەسى قادامدا ٴبىز جىلىجاي قۇرىلىسى مەن ونى دامىتۋدى ۇزدىكسىز كۇشەيتىپ، ٴداستۇرلى اۋىل شارۋاشىلىعىنىڭ وسى زامانعى جوعارى ٴونىمدى اۋىل شارۋاشىلىعىنا بۇرىلىس جاساۋىن ىلگەرىلەتىپ، شارۋالار كىرىسىنىڭ ٴۇرتىس ارتۋىن جۇزەگە اسىرامىز“.