ورتالىق راديو تورىنىڭ حوشۇتتان 12 - ايدىڭ 7 - كۇنى بەرگەن حابارى (ءتىلشى لي حاۋشۋان، ەرىكتى ءتىلشى عونشىجاپ). سوڭعى جىلدارى قۇرىلعىلى اۋىل شارۋاشىلىعىنىڭ جىلدام دامۋىنا ساي، شارۋالاردىڭ كىرىسى ورنىقتى ارتتى. شينجياڭ بايىنعولين وبلىسى حوشۇت اۋدانى تاعارشى قالاشىعىنداعى 2 مىڭ مۋلىق كوكونىس قالتقى بازاسىندا، مايسا وسىرۋمەن اينالىساتىن وتباسىلار كوكونىس قالامشاسىن ءوسىرۋ جانە كوكتەگەن قالامشانى بۋدانداستىرۋ جۇمىسىن بەلسەنە ويداعىداي ىستەپ، جاڭا جىلدا قالتقىداعى كوكونىستەردىڭ ءونىمىن ارتتىرىپ، كىرىستى مولايتۋعا بەرىك نەگىز قالادى.
حوشۇت اۋدانى تاعارشى قالاشىعىنداعى كوكونىس قالتقى بازاسى (ورتالىق راديو تورى تاراتقان، سۋرەتتى حوشۇت اۋداندىق توعىسپالى مەديا ورتالىعى بەرگەن)
جۋىردا، تاعارشى قالاشىعىنىڭ 2 مىڭ مۋلىق كوكونىس قالتقى بازاسىنا بارعانىمىزدا، جۇمىسكەرلەر جۇمىس ءبولىسى بويىنشا سەلبەسىپ، جاپىراقتاردى قىرقۋ، بۋدانداستىرۋ سياقتى قىزمەتتەردى بابىندا جۇرگىزىپ جاتىر ەكەن، قالتقىنىڭ ىشىندەگى رەتتى تىزىلگەن چيەزى قالامشاسى قىلتيىپ شىعىپ، جاقسى كوكتەپ كەلەدى. تاعارشى قالاشىعى شياۋكاڭ الەۋمەتتىك اۋماعىنىڭ قالامشا ءوسىرۋشى ءىرى وتباسى رەتىندە ءار جىلدىڭ وسى ماۋسىمى ۋاڭ جاڭليدىڭ ەڭ قاربالاس ءساتى ەسەپتەلەدى.
حوشۇت اۋدانى تاعارشى قالاشىعى شياۋكاڭ الەۋمەتتىك اۋماعىنىڭ تۇرعىنى ۋاڭ جاڭلي بىلاي دەيدى: ”بيىل 400 مىڭ چيەزى ءتۇپ قالامشاسىن، سونداي - اق قيار قالامشاسىن ءوسىرۋدى جوسپارلاپ وتىرمىز، كوكونىس قالامشالارى حوشۇتتىڭ ماڭايىنداعى قالتقىلارعا ساۋدالانادى، مەجەمەن 200 مىڭ يۋان اينالاسىندا پايدا قالادى“.
جۇمىسكەر كوكونىس قالامشاسىن بۋدانداستىرۋدا (ورتالىق راديو تورى تاراتقان، سۋرەتتى حوشۇت اۋداندىق توعىسپالى مەديا ورتالىعى بەرگەن)
ءار جىلدىڭ قىس باسىندا، قالتقى بازاسى جەرگىلىكتى ورىنداعى بۇقارانى جۇمىستانۋ ورنىمەن قامداپ، ولاردىڭ ەگىس جۇمىسىنىڭ سايابىر كەزىندە قوسىمشا كىرىس كىرگىزۋىنە مۇمكىندىك جاسايدى. شياۋكاڭ الەۋمەتتىك اۋماعىنىڭ تۇرعىنى ۋاڭ يۇيپيڭ ىركەس - تىركەس نەشە جىل بويى وسىندا كەلىپ جۇمىس ىستەپ ءجۇر، ۋاڭ يۇيپيڭنىڭ پايىمداۋىنشا ءۇيدىڭ ماڭايىندا جۇمىس ىستەۋ ارقىلى بالا - شاعاعا قارايلاي ءجۇرىپ، قوماقتى كىرىس كىرگىزۋگە بولادى ەكەن.
حوشۇت اۋدانى تاعارشى قالاشىعىنداعى كوكونىس قالتقى بازاسى (ورتالىق راديو تورى تاراتقان، سۋرەتتى حوشۇت اۋداندىق توعىسپالى مەديا ورتالىعى بەرگەن)
حوشۇت اۋدانى تاعارشى قالاشىعى شياۋكاڭ الەۋمەتتىك اۋماعىنىڭ تۇرعىنى ۋاڭ يۇيپيڭ بىلاي دەيدى: ”قازىر قالتقىنىڭ ءبارى بۋدانداستىرىلعان قالامشا وسىرەدى، دەرت - دەربەزگە قارسىلىق قۋاتى كۇشتى، تامىرى بەكەم، وڭاي قۋراپ قالا قويمايدى، ءتۇسىمى جوعارى كەلەدى. ءار جىلى وسى ۋاقىتتا كەلىپ قالامشا بۋدانداستىرامىز، ءبىر كۇندە 300 يۋان شاماسىندا كىرىس كىرگىزەمىز“.
بۋدانداستىرىلعان كوكونىس مايساسى (ورتالىق راديو تورى تاراتقان، سۋرەتتى حوشۇت اۋداندىق توعىسپالى مەديا ورتالىعى قامداعان)
سوڭعى جىلدارى حوشۇت اۋدانى ”كوكونىس سەبەتى ينجەنەرياسىن“ كۇش سالا دامىتۋدى نىسانا ەتىپ، كاسىپ سالاسى قۇرىلىمىن بەلسەنە رەتتەدى، تۇتاس اۋداندا قۇرىلعىلى كوكونىستىڭ جالپى ءوندىرىس كولەمى 8500 مۋعا جەتىپ، جىلىنا 91 مىڭ توننا كوكونىس ءوندىرىپ، ءوندىرىس قۇنى 172 ميلليون يۋاننان استى. كوكونىس ەگىمشىلىگى كاسىپ سالاسىنىڭ اقاۋسىز، ۇتىمدى، باياندى دامۋىنا كەپىلدىك ەتۋ ءۇشىن، حوشۇت اۋدانىنىڭ اۋىل شارۋاشىلىق تاراۋلارى قالامشا ءوسىرۋشى وتباسىلارىنىڭ ءتۇرلى كوكونىس قالامشالارىن وسىرۋىنە بەلسەنە كومەكتەسىپ، وسىزاماندانعان كوكونىس قالامشاسىن ءوسىرۋ قالتقىسىن قۇرىپ، چيەزى، قيار، بۇرىش، ۋسارىمساق مايساسى سياقتى كوپتەگەن كوكونىس قالامشالارىن ءوسىرىپ، شارۋا وتباسى مەن سەلبەستىك كووپەراتيۆىنىڭ ەگىمشىلىك قاجەتىن قاناعاتتاندىرىپ، اۋىل شارۋاشىلىعىنىڭ ونىمدىلىگىن ارتتىرۋ، شارۋالاردىڭ كىرىسىن ارتتىرۋدى ءونىمدى تۇردە جەبەدى.
