اۋىل - قىستاقتى گۇلدەندىرۋدى جەبەدى، اقسۋ مادەنيەت، ساياحات كاسىپ سالاسىنىڭ قىزمەتكەرلەرى كوللەكتيۆ ءبىلىم تولىقتادى

日期:2022年11月15日
来源:新疆日报
【字体:

   تيانشان تورى - شينجياڭ گازەتىنىڭ حابارى (ءتىلشى جاۋ شييا حابارلايدى) 11 - ايدىڭ 9 - كۇنى اقسۋ ايماعىنىڭ مادەنيەت، ساياحات كاسىپ سالاسىنداعى 200 دەن استام قىزمەتكەر ”بۇلتتا“ باس قوسىپ، ”اقسۋ ايماعىنىڭ مادەنيەت جانە ساياحات شارۋاشىلىعىن ىشكەرىلەي توعىستىرىپ، اۋىل - قىستاقتى گۇلدەندىرۋ، دامىتۋدى ىلگەرىلەتۋ“ مامانداردىڭ نەگىزگى ساتىعا قىزمەت وتەۋ بويىنشا ۇلگى كورسەتۋ ۇيىرمەسى قيمىلىنا قاتىناستى.

  قيمىل بارىسىندا، شينجياڭ شىفان داشۋەسى جۇڭگو ءتىل ـ ادەبيەت شۋەيۋانىنىڭ ورىنباسار باستىعى، دوكتورانت جەتەكشىسى شيا گوچياڭ كوپشىلىككە ” 24 امالدى جالعاستىرۋ، قورعاۋ جانە قولدانۋ“ لەكسياسىن سويلەدى. وسى رەتكى قيمىل ”ارناۋلى تاقىرىپتىق لەكسيا + نەگىزگى ساتىعا قىزمەت وتەۋ“ تاسىلىندە جۇرگىزىلدى. اقسۋ ايماعىنىڭ مادەنيەت پەن ساياحاتىنىڭ توعىسپالى دامۋىنا تولىق تەكسەرۋ ـ زەرتتەۋ جۇرگىزۋ نەگىزىندە، جۇڭشان داشۋەسى، شانشي شىفان داشۋەسى، شي ـ ان شەتەل ءتىلى داشۋەسى، شينجياڭ داشۋەسى، شينجياڭ شىفان داشۋەسى سياقتى مەكتەپتەردەگى شينجياڭنىڭ ءىشى ـ سىرتىنداعى ايگىلى مامانداردى اۋىل ـ قىستاق ساياحاتىنىڭ كاسىپ كۇيىندە جاڭالىق اشۋ جانە باسقارۋ، تيجارات جۇرگىزۋ، ساياحاتتىڭ كوزەۋلى جەرىندە ساۋدالاۋ جانە جاڭالىق اشۋ، الەۋمەتتىك كىتاپحانا قىزمەت وتەۋ جۇيەسىن قۇرۋ ۇلگىسىنە تالداۋ جاساۋ، بەيزاتتىق مادەنيەت مۇرالارىمەن جۇڭگو حيكاياسىن ويداعىداي بايانداۋ سياقتى مادەنيەت، ساياحات ارناۋلى تاقىرىپتاردى ارقاۋ ەتە وتىرىپ، 5 كۇندىك ارناۋلى تاقىرىپتىق لەكسيا ورىستەتتى. سونىمەن قاتار اقسۋ ايماعىنداعى ءارقايسى اۋدان، قالالاردىڭ مادەنيەت، ساياحات قىزمەتىندە ورىن تەۋىپ وتىرعان ماسەلەلەرىن ساراپتادى ءارى تالداۋ جاسادى، ماسەلەنى شەشۋ وي جەلىسى مەن جولىن ازىرلەپ، اقسۋدىڭ مادەنيەت، ساياحات ىستەرىنىڭ دامۋىنا ۇتىمدى تاسىلدەر ۇسىندى.


  2022 ـ جىلى 4 ـ ايدا ساياحاتشىلار كەلپىن اۋدانى يۇىرچي اۋىلى ارا ايماق قىستاعىنىڭ ورىك ورمانىندا تۇيە مىنۋدە. سۋرەتتى كەلپىن اۋداندىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى بەرگەن

  سوڭعى جىلدارى، اقسۋ ايماعى مەحانيزمدە جاڭالىق اشىپ، كاسىپ كۇيىن بايىتتى، ”ساياحات + مادەنيەت كورمەسى“، ”اۋىل شارۋاشىلىعى + ساياحات “، ” كۇتىمدەلۋ + ساياحات “سياقتى كوپ ءتۇرلى تاسىلدەر ارقىلى اۋىل ـ قىستاق ساياحاتىنىڭ دامۋىنا جەتەكشىلىك ەتىپ، اۋىل ـ قىستاق كاسىپ سالاسىنىڭ گۇلدەنۋىن جەبەپ، مادەنيەت پەن ساياحاتتىڭ توعىسۋ دەڭگەيىن ۇزدىكسىز جوعارىلاتتى. ” ءبىز مادەنيەت پەن ساياحاتتى توعىستىرا دامىتۋدا تەرەڭدىگى مەن كەڭدىگى جاعىنان بازاردىڭ قاجەتسىنۋىمەن ءالى دە بەلگىلى پارىق ساقتالدى، ساياحات ونىمدەرىمەن قامداۋدى مولىقتىرۋ، تۇتىنۋ كومەسكى كۇشىن جانداندىرۋ جاعىندا ءالى دا سەرپىندى ارتتىرا ءتۇسۋ قاجەت “. اقسۋ ايماقتىق مادەنيەت، دەنە تاربيە، راديو - تەلەۆيزيا جانە ساياحات مەكەمەسىنىڭ الەۋمەتتىك قىزمەت وتەۋ ءبولىمىنىڭ باستىعى ساۋ شيا كۋرسانتتار اتىنان ءسوز سويلەدى، ول كۋرسانتتاردىڭ ءبارى قىزمەت بارىسىندا ۇشىراعان ماسەلەلەر مەن تۇيتكىلدەرگە وسى رەتكى قيمىلدا سۇراۋلارىنا جاۋاپ تاۋىپ، ۇيرەنۋدە ناتيجە جاراتقىسى كەلەتىنىن ءبىلدىردى.

  قيمىلدى ادام كۇشى بايلىعى جانە قوعامدىق قامتاماسىزداندىرۋ مينيسترلىگى، اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسى ۇيىمداستىردى، شينجياڭ شىفان داشۋەسى ۇستىنە الىپ وتكىزدى، اقسۋ ايماقتىق مادەنيەت، دەنە تاربيە، راديو ـ تەلەۆيزيا جانە ساياحات مەكەمەسى، ادام كۇشى بايلىعى جانە قوعامدىق قامتاماسىزداندىرۋ مەكەمەسى سەلبەسىپ وتكىزدى.

  2012 ـ جىلدان بەرى، اۆتونوميالى رايون ءار كاسىپ، ءار سالاداعى 1704 تەن استام ماماندى اۋدان دارەجەلىدەن تومەن ورىندار، قالىڭ اۋىل ـ قىستاق، قالا ـ قالاشىق الەۋمەتتىك اۋماقتارى، ورتا، شاعىن كاسىپورىندار سياقتى نەگىزگى ساتى ءبىرىنشى شەبىنە ىشكەرىلەي بارۋعا ۇيىمداستىرىپ، 139 كەزەك كاسىپتىك ـ تەحنيكالىق دارىندىلاردى جەتىلدىرۋ جانە مامانداردىڭ نەگىزگى ساتىعا قىزمەت وتەۋ قيمىلىن ورىستەتىپ، 40 مىڭنان استام نەگىزگى ساتى كاسىپتىك ـ تەحنيكالىق تىرەكتىلەرىن تاربيەلەپ، نەگىزگى ساتىدان 193 مىڭنان استام ادامدى (رەت) يگىلىكتەندىرىپ، 2 مىڭنان استام ءتۇرلى تەحنيكالىق قيىن ماسەلەلەردى شەشۋگە كومەكتەسىپ، تاماشا قوعامدىق ونىمدىلىك پەن ەكونوميكالىق ونىمدىلىككە قول جەتكىزدى.