تۇرپان قالاسى گاۋچاڭ رايونى يار قالاشىعى شينچىڭ شيمىن قىستاعى:
ىقىلاستى تاپسىرمانى ەستە بەرىك ساقتاپ، اۋىل - قىستاقتى گۇلدەندىرۋدى ىلگەرىلەتتى
□ انار بۇلت \ شينجياڭ گازەتىنىڭ ءتىلشىسى جاڭ رۇيلين
”ءبىر ءتاۋىرى قىستاق ەرىكتىلەردى ۇيىمداستىرىپ ءبىزدىڭ ءجۇزىم جيناۋىمىزعا كومەكتەستى، شىنىندا، ولارعا ەرەكشە العىس ايتامىز“، - دەدى 9 - ايدىڭ 27 - كۇنى تۇرپان قالاسى گاۋچاڭ رايونى يار قالاشىعى شينچىڭ شيمىن قىستاعىنىڭ تۇرعىنى سالام مالىك.
شينچىڭ شيمىن قىستاعىنداعىلار اتا - باباسىنان بەرى ءجۇزىم ەگىپ تىرشىلىك ەتىپ كەلەدى، ءجۇزىم جيناۋ ءار جىلعى قىستاقتاعى ماڭىزدى قىزمەتتەردىڭ ءبىرى. بيىل ءجۇزىم جيناۋ، ساتۋ قىزمەتىنىڭ ىركىلىسسىز بولۋىن قامتاماسىز ەتۋ ءۇشىن، قىستاق تۇرعىنداردى جاس كۇيىندە تۇتىنىلاتىن ءجۇزىمدى جيناۋعا، قوراپتاۋعا، جاشىكتەۋگە، كولىككە تيەۋگە جۇمىلدىرىپ، ساۋداگەرلەردىڭ جۇمىسشى ىستەتۋ ماسەلەسىن شەشۋمەن بىرگە، قىستاق تۇرعىندارىنىڭ كىرىستەرىن دە ارتتىردى.
”كەدەيلىكتەن ارىلتۋدان قامال الۋ جەتىستىكتەرىن ويداعىداي بەكەمدەپ، كەڭەيتىپ، اۋىل - قىستاقتى گۇلدەندىرۋدى تىڭعىلىقتى ىلگەرىلەتىپ، اۋىل - قىستاقتىڭ اناعۇرلىم باي، تۇرمىسىنىڭ اناعۇرلىم باقىتتى، اۋىل - قىستاقتىڭ اناعۇرلىم كوركەم بولۋىن جۇزەگە اسىرۋدى ىلگەرىلەتۋ كەرەك“. باس شۋجي شي جينپيڭنىڭ ىقىلاستى تاپسىرماسى شينچىڭ شيمىن قىستاعىنداعى ءار ۇلت كادر - بۇقاراسىنىڭ كوڭىلىندە تەرەڭ ساقتالدى.
”ءبىز باس شۋجي نۇسقاعان دۇرىس بەتالىستى بويلاپ، اۋىل شارۋاشىلىعىن دامىتۋ تاسىلىنە ىرىقتىلىقپەن بۇرىلىس جاساپ، اۋىل شارۋاشىلىعىنىڭ 2 - ، 3 - كاسىپتەرمەن توعىسا دامۋىن ىلگەرىلەتىپ، اۋىل شارۋاشىلىعىنىڭ، اۋىل - قىستاقتىڭ جوعارى ساپالى دامۋىنىڭ جاڭا جولىنا ىزدەنىس جاسايمىز“، - دەدى تۇرپان قالالىق عىلىم - تەحنيكا مەكەمەسىنىڭ يار قالاشىعىنىڭ شينچىڭ شيمىن قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتىنىڭ باستىعى، ءبىرىنشى شۋجي رۇسۇل مامەت.
سوڭعى جىلدارى، ءجۇزىم كاسىپ سالاسى تىزبەگىن ۇزارتۋ ءۇشىن، شينچىڭ شيمىن قىستاعى اۋىل شارۋاشىلىعى ونىمدەرىن جىنتىكتەي مانەرلەۋ كاسىپورىندارىنان ءبىر توبىن ەنگىزدى، تۇرپان سىلۋ ميڭجۋ اۋىل شارۋاشىلىعى بيو عىلىم - تەحنيكا شەكتى سەرىكتەستىگى وسىلاردىڭ ءبىرى.
كاسىپتىڭ ۇزدىكسىز كەڭەيۋىنە ىلەسىپ، وسى سەرىكتەستىكتىڭ قىزمەتكەرلەرى باستاپقى 10 نەشە ادامنان كوبەيىپ 80 نەشە ادامعا جەتتى، 70 نەشە قىستاق تۇرعىنى ۇيلەرىنىڭ جانىندا جۇمىستانىپ، كىرىستەرىن ارتتىرۋدى جۇزەگە اسىردى. 2021 - جىلى سەرىكتەستىك 3000 توننا اينالاسىندا مەيىز ساتىپ، ءونىم قۇنى 45 ميلليون يۋاننان استى.
شينچىڭ شيمىن قىستاعىنىڭ تۇرعىنى ميھىرگۇل احمەت وسى سەرىكتەستىكتىڭ جىكتەۋ سەحىنداعى جۇمىسشى، اي سايىن تۇراقتى كىرىسى بار.
باس شۋجيمەن بەتپە - بەت پىكىرلەسكەن كورىنىستى ەسكە العاندا، ميھىرگۇل ءالى دە اسەرلى سەزىمىن جاسىرا المادى. ”قازىر تۇرمىسىمىز وتە جاقسى، قىستاقتا زاۆودتار كوبەيدى، كۇيەۋىم ەكەۋىمىز ايىرىم زاۆودتا ىستەيمىز، ەكەۋىمىزدىڭ ايلىق كىرىسىمىز 8000 يۋاننان اسادى، بالاعا قارايلاسۋعا دا وتە قولايلى“، - دەدى ول كۇلىپ تۇرىپ.
اۋىل - قىستاقتى گۇلدەندىرۋدىڭ ءتۇيىنى كاسىپ سالالارىن كوركەيتۋ. جالاڭ ءبىر كاسىپ قىستاقتىڭ دامۋ قاجەتىن قاناعاتتاندىرا المايدى. پارتيا 18 - قۇرىلتايىنان بەرى، شينچىڭ شيمىن قىستاعى ءجۇزىم كاسىپ سالاسىن ساپالىلاندىرۋمەن، زورايتۋمەن بىرگە، كاسىپ سالاسىن كوپ نەگىزدى دامىتۋ جولىنا بەلسەندى ىزدەنىس جاسادى.
قازىر قىستاقتا ەتتى كەپتەر باعۋ، وڭدەۋ بىرتىندەپ كوركەيدى، باۋلۋ + ءبىر تۇتاس ساتۋ كەپتەر باعا المايتىن قىستاق تۇرعىندارىنىڭ كوڭىلىن ورنىقتىردى؛ قىزىل انار اۋىل شارۋاشىلىعى ماشينالارى ورتالىعى اۋىل شارۋاشىلىعى وندىرىسىنە ايرىقشا قولايلىلىق اكەلۋمەن بىرگە، قىستاق كوللەكتيۆىنىڭ ەكونوميكاسىن دا زورايتتى؛ كەيبىر قىستاق تۇرعىندارى شارۋالار شاتتىعى ساياجايىن، جەمىس ءۇزۋ باقشاسىن اشىپ وزدەرى قوجايىن بولدى ءارى قىستاق تۇرعىندارىن دا جۇمىستانۋعا جەتەكتەدى؛ قىستاقتىڭ كەلبەتىن وزگەرتۋدىڭ ارقاسىندا كوشە دۇكەنىن سالىپ العان قىستاق تۇرعىندارى ءوز ۇيلەرىنىڭ قاسىنان دۇكەن اشىپ قالتالارىن قامپايتۋمەن بىرگە، قىستاقتىڭ تۇتىنۋ بازارىن دا گۇلدەندىردى.
”ابزال ساياساتتاردىڭ ارقاسىندا قىستاقتىڭ كاسىپ سالاسى دامىپ، قىستاق تۇرعىندارىنىڭ رۋحاني بەت - بەينەسىندە زور وزگەرىس بولدى“. شينچىڭ شيمىن قىستاعى پارتيا مەن بۇقاراعا قىزمەت وتەۋ ورتالىعىنىڭ قىزمەتكەرى قالبينۇر ياسىن تەبىرەنە بىلاي دەدى: ”قازىر كوپشىلىك ءبىر نيەتپەن ىنتىماقتاسىپ، ارىندارىن اسىرىپ، اۋىل - قىستاقتى گۇلدەندىرۋدى بار كۇشپەن ىلگەرىلەتىپ، پارتيا 20 - قۇرىلتايىنىڭ جەڭىسپەن اشىلۋىن ءىس جۇزىندىك ارەكەتتەرىمەن قارسى الۋدا“.
جاڭا جورىقتا، شينچىڭ شيمىن قىستاعىنىڭ نىساناسى ايقىن − 3 جىل ىشىندە قىستاق تۇرعىندارىنىڭ جان باسىندىق كىرىسى، قىستاق كوللەكتيۆىنىڭ كىرىسى، ۇيلەرىنىڭ جانىندا جۇمىستانعان ادام سانى ”ۇشەۋىن ەكى ەسەلەۋدى“ جۇزەگە اسىرماق!
