جۇمىستاندىرۋ حالىق تۇرمىسىنا جاسالعان ەڭ زور تيىمدىلىك. جۋىق جىلداردان بەرى، اقسۋ ايماعى كۇشار قالاسى ءۇش وستەڭ اۋىلى سىرتقا شىعىپ جۇمىس ىستەگەندەردىڭ اۋىلىنا قايتىپ شارۋاشىلىق قۇرۋىن زور كۇشپەن قولداپ - قۋاتتاۋمەن قاتار، شارۋاشىلىق قۇرۋ ارقىلى جۇمىستانۋدى جەبەۋ تاسىلىنەن پايدالانىپ، ءتىپتى دە كوپ اۋىل - قىستاقتاعى ارتىق ەڭبەككۇشتەردىڭ ءۇيىنىڭ ماڭايىنان جۇمىستانىپ، كىرىسىن ارتتىرۋىنا دەم بەردى.
جۋىقتا، كۇشار قالاسى ءۇش وستەڭ اۋىلى اراءمالى قىستاعىنداعى شينجياڭ شاڭمەي چاۋليۋ كيىم - كەشەك ساۋدا - ساتتىق شەكتى سەرىكتەستىگىنىڭ ءوندىرىس سەحىندا، نەشە ونداعان جۇمىسشى شايار اۋدانىنان كەلگەن تاپسىرىستى ورىنداۋ ءۇشىن ءتارتىپتى تۇردە قاۋىرت جۇمىس جۇرگىزۋدە. قىزمەتكەرلەردىڭ تانىستىرۋىنشا، بيىل سەرىكتەستىك باي اۋدانى، ءۇشتۇرپان اۋدانى، سانجى قالاسى، التاي قالاسى سياقتى جەرلەردەن 60 مىڭعا جۋىق تاپسىرىس قابىلداعان، سەرىكتەستىكتىڭ ءوندىرىس اينالىم جاعدايى بىلتىرعى سول تۇستاعىدان جاقسى بولعان.
شينجياڭ شاڭمەي چاۋليۋ كيىم - كەشەك ساۋدا - ساتتىق شەكتى سەرىكتەستىگى 2016 - جىلى قۇرىلعان، جوبالاۋ، زەرتتەۋ - اشۋ، ءوندىرۋ جانە ساۋدالاۋدى ءبىر تۇلعالاندىرعان كاسىپتىك كيىم - كەشەك سەرىكتەستىگى، جىلدىق ساتىلىم مولشەرىن 4 ميلليون يۋاننان اسىرۋمەن قاتار، جەرگىلىكتى ورىنداعى 30دان ارتىق بۇقارانى ۇزاق ۋاقىت ورنىقتى جۇمىستاندىرىپ وتىر.
وسى سەرىكتەستىكتىڭ قىزمەتكەرى نۇريام نياز: ”ءبىزدىڭ ايلىق كىرىسىمىز 2500 يۋان اينالاسىندا، سەرىكتەستىكتىڭ باسشىلارى بىزگە ەرەكشە كوڭىل بولەدى“، - دەدى.
ءتىپتى دە كوپ ادامدى ورنىقتى جۇمىستاندىرۋ ءۇشىن، سەرىكتەستىك وتباسىندا قارتتارعا قارايلاسۋ سەبەبىنەن سىرتقا شىعىپ كاسىپتەنە الماعان جەلەكتىلەرگە كاسىپتەنۋگە بولاتىن جۇمىستانۋ ورنىن ارناۋلى تۇردە ورنالاستىرۋمەن قاتار، ولاردىڭ ءار كۇنى تاڭەرتەڭ وتباسىنداعى جۇمىستارىن ءبىتىرىپ بولىپ سەرىكتەستىككە كەلىپ جۇمىس ىستەۋىنە دە مۇمكىندىك جاراتقان.
شينجياڭ شاڭمەي چاۋليۋ كيىم - كەشەك ساۋدا - ساتتىق شەكتى سەرىكتەستىگىنىڭ قۇرۋشىسى بۇحالچەم سامەت اراءمالى قىستاعىنىڭ تۇرعىنى. نەلىكتەن اۋىلىنا قايتىپ وسى سەرىكتەستىكتى قۇرعاندىعى جونىندە توقتالعاندا ول تىلشىگە ءوزىنىڭ بۇل سەرىكتەستىكتى اشۋدان بۇرىن كۇشار قالاسىنىڭ قالا رايونىندا ءبىر اجارلاندىرۋ دۇكەنى بار ەكەنىن، ساۋداسى دا ايتاقالسىن جاقسى ەكەنىن ايتادى، الايدا ءار جولى اۋىلىنا قايتقاندا كەيبىر جەلەكتىلەردىڭ ورنىقتى كىرىسى جوق ەكەنىن ءبىلىپ، ولارعا قول ۇشىن بەرۋدى ويعا العاندىعىن ءارى ءوزىنىڭ ولارعا كومەكتەسۋگە شاماسى جەتەتىندىگىن، سونىمەن اۋىلىنا قايتىپ شارۋاشىلىق قۇرۋ نيەتىندە بولعانىن ايتادى.
بارلىق ءىستىڭ باستالۋى قيىن. اۋىلىنا قايتىپ شارۋاشىلىق قۇرعان العاشقى جىلى، قاتىستى تاجىريبەلەر مەن قارجىسى كەمشىل بولعاندىقتان، بۇحالچەم سامەتتىڭ سەرىكتەستىگى ىسىلعان قىزمەتكەر كەمشىل بولۋ، جابدىقتارى تولىق بولماۋداي كوپتەگەن ماسەلەلەرگە ءدوپ كەلەدى، سونىمەن قاتار، ءوندىرىس قارقىنى تومەن بولۋ، ءونىمنىڭ ساپاسى ولشەمگە تولماۋداي سەبەپتەرمەن سەرىكتەستىك ىركەس - تىركەس ەكى جىل زيان تارتادى، بۇل جاعداي بۇحالچەم سامەتكە اۋىر سوققى بولىپ تيەدى، ءتىپتى باز كەشۋ ويىنا دا كەلەدى.
بۇحالچەم سامەت ەسىنە الىپ بىلاي دەيدى: ”ءبىزدىڭ قىزمەتكەرلەرىمىز العاش كەلگەندە ەشبىر جاتتىعۋلاردان وتپەگەندىكتەن، ساپالى كيىم - كەشەك وندىرە المادى، سونىمەن مەن تيجارات كىرىسىمنىڭ ءبارىن ولاردى جاتتىقتىرۋعا پايدالاندىم. كەيىن سەرىكتەستىگىمىزدىڭ اينالىم قارجىسى دا ءۇزىلىپ قالدى، مەن دە باز كەشۋ ويىنا كەلدىم. سول كەزدە اكەم ۇيىمىزدەگى ءىرى جۇك اۆتوكولىگىن ساتىپ اقشاسىن ماعان بەرەتىنىن ءارى وسى دەڭگەيگە جەتكەن سەرىكتەستىكتى جالعاستىرا ءتۇسۋىم كەرەك ەكەنىن ايتتى، ول تاعى پارتيا مەن ۇكىمەت سەنى قولداپ - قۋاتتايدى، ساعان كوڭىل بولەدى، سوندىقتان سەن العان بەتىڭنەن قايتپاي، تالماي قۇلشىنۋىڭ ءتيىس دەپ اقىل ايتتى“.
اۋىلدىق پارتكوم، اۋىلدىق ۇكىمەتتىڭ قولداپ - قۋاتتاۋى، تۋىس - تۋعاندارىنىڭ جىگەرلەندىرۋىندە ول تاباندىلىق كورسەتەدى. بۇحالچەم سامەتتىڭ تىنباي قۇلشىنۋىنىڭ ارقاسىندا، سەرىكتەستىكتىڭ ونىمدەرىنىڭ ساپاسى بىرتە - بىرتە جوعارىلاپ، ءونىم تۇرلەرى دە بارعان سايىن مولايادى، سەرىكتەستىكتىڭ قابىلداعان تاپسىرىستارى دا كوبەيىپ، تابىس مولشەرى جىلدان - جىلعا جاقسارادى، جۇمىستانىپ، كىرىسىن ارتتىرعان بۇقارانىڭ سانى دا بارعان سايىن كوبەيەدى.
بۇحالچەم سامەت بىلاي دەيدى: ”بيىل سەرىكتەستىگىمىزدىڭ تيجارات سوماسى 6 ميلليون يۋانعا جەتەدى دەپ مولشەرلەپ وتىرمىز، ءبىز ۇزدىكسىز تىرىسىپ، ءتىپتى دە كوپ تاپسىرىس قابىلداپ، كەلەر جىلى تيجارات سوماسىن 8 ميلليون يۋانعا جەتكىزبەكشىمىز، سونىمەن قاتار، كاسىپورىننىڭ كولەمىن كەڭەيتىپ، ءتىپتى دە كوپ ادامدى جۇمىستانۋعا باستايمىز“.
