بوگدۇر قىستاعىندا: ”كوركەم ەكونوميكا“ شىت جاڭا تۇرلەندى

日期:2022年07月07日
来源:新疆日报
【字体:

اراسان اۋدانى زالىمتى اۋىلى بوگدۇر قىستاعىنداعى پەريللا گۇل تەڭىزى (6 - ايدىڭ 13 - كۇنى تۇسىرىلگەن). □ سۋرەتتى انار بۇلت \ شينجياڭ گازەتىنىڭ ءتىلشىسى جين زوكۇن تۇسىرگەن

بەتاشار

  جاز ماۋسىمىندا شينجياڭنىڭ بار الابى قۇلپىرا اشىلعان گۇلمەن كومكەرىلەدى. انار بۇلت \ شينجياڭ گازەتى بۇگىننەن باستاپ ”گۇل بايشەشەك اتقان قىستاق“ ايدارىن اشتى، جالپىلىق مەديا تىلشىلەرى نەگىزگى ساتىلاردى ارالاپ، اۋىل - قىستاقتىڭ گۇلدەنۋىن جان - جاقتى ىلگەرىلەتكەن قىستاقتارعا بارىپ، گۇلگە ورانعان اۋلالاردى ارالاپ، گۇلدەي جايناعان بەينەلەردى سۋرەتكە ءتۇسىرىپ، اۋىل - قىستاقتى گۇلدەندىرۋ بارىسىنداعى اۋىل - قىستاقتاعى تەرەڭ وزگەرىستەردى ەستەلىككە الىپ، رايونىمىزدىڭ جەر - جەرىنىڭ كەدەيلىكتەن ارىلتۋدان قامال الۋ جەتىستىكتەرىن بەكەمدەۋدى، كەڭەيتۋدى اۋىل - قىستاقتى گۇلدەندىرۋمەن ۇتىمدى ۇشتاستىرۋ جاعىنداعى تاماشا تاسىلدەرى مەن تىڭ ۇمتىلىستارىن ايگىلەيدى. نازار اۋدارىڭىزدار.

انار بۇلت \ شينجياڭ گازەتىنىڭ ءتىلشىسى جازيرا نەسىپبەك

  6 - ايدىڭ باسىندا اراسان اۋدانى زالىمتى اۋىلى بوگدۇر قىستاعىنىڭ كوشە - كوشەلەرىندە گۇلدەر قۇلپىرا اشىلىپ، حالىقتىق تۇسەلحانالاردىڭ اۋلالارى گۇلگە ورانعان، كوشە بويىنداعى قابىرعالارعا دا قۇلپىرا اشىلعان روزا گۇلىنىڭ سۋرەتى سالىنعان. قىستاق باسىنداعى 800 مۋدان استام جەردەگى حوش ءيىستى پەريللانىڭ گۇل قاۋىزدارى دا جەلمەن بىرگە تەربەلەدى.

  ”قازىر شوق - شوق گۇلدەر قىستاق تۇرعىندارىنىڭ كوڭىلىندە قۇلپىرا اشىلدى، بوگدۇر گۇلگە ورانعان قىستاق“، - دەدى بوگدۇر قىستاق تۇرعىندار كوميتەتىنىڭ مەڭگەرۋشىسى دان . گاۋۋا.

  بوگدۇر قىستاعى اراسان قالا اۋماعىمەن ىرگەلەس، ماڭايىنا مەملەكەتتىك 4A دارەجەلى كورىنىس ءوڭىرى بوگدۇر شىنچۋان كورىنىس ءوڭىرى، بۇراتالا وزەنى مەملەكەتتىك سازدىق باقشاسى، اراسان اۋدانى سۋىق سۋ بالىعى باقشاسى سياقتى ساپالى ساياحات بايلىعى شوعىرلانعان. 2021 - جىلى قىستاق 10 ميلليون يۋان نىسان قارجىسىنا قول جەتكىزىپ، از ۇلت ەرەكشەلىگىندەگى قورجانى ءدال تۇراقتاندىرىپ قۇرعان بولاتىن، اۋىل - قىستاق ساياحاتى بۇرىنعى مال شارۋاشىلىعى قىستاعىن شىت جاڭا بەينەگە ەنگىزدى.

  قىستاققا كىرگەن جەردە كالون مادەنيەتىنىڭ قاراۋىل مۇناراسى جول اۋزىندا ەڭسەلى تۇر، جولدىڭ ەكى جاعىنداعى الاسا اعاش راشەتكا مەن مايدا سىلانعان داۋال ءبىر - بىرىنە قۇپ جاراسقان، قيىرشىق تاستان توسەلگەن جول تازا ءارى رەتتى... ”قىستاعىمىز قازىر قۇلپىرعان گۇلدەي جايناپ، حوش ءيىس اڭقىپ، ومىرشەڭدىك كۇشكە تولى، گۇلدىڭ حوش يىسىنە بولا كەلەتىندەر از ەمەس“، - دەدى بوگدۇر قىستاعى پارتيا ياچەيكاسىنىڭ شۋجيى تۇرسۇنجان ءسىلام كوتەرىڭكى كوڭىلمەن.

  قىستاقتاعى ”مادەنيەت جاسامپازدىعى شاعىن اۋلاسىنىڭ“ سارى ءتۇستى داۋالىنا قۇشاعىندا ءسابيى بار ءبىر ايەلدىڭ، شوق - شوق روزا گۇلى اراسىندا كالون جاققا قاراي قاراپ تۇرعان، گۇل جاپىراقشالارى جەلمەن بىرگە شالعايعا قالقىپ بارا جاتقان سۋرەت سىزىلعان. ”روزا گۇلى 200 نەشە جىلدىڭ الدىندا باتىسقا كوشكەن چاحار شەكارا ساردارلارى مەن ساربازدارىنىڭ جۇرەگىندەگى ماحابباتتىڭ سيمۆولى“، - دەدى ”مادەنيەت جاسامپازدىعى شاعىن اۋلاسىنىڭ“ باسقارۋشىسى لي يۇيجيە.

  لي يۇيجيە قىستاق تۇرعىندارىنىڭ كوڭىلىندەگى ”جۇلدىز گۇل“. ول قۇرعان بوگدۇر قىستاعى ”مادەنيەت جاسامپازدىعى شاعىن اۋلاسى“ 10 نەشە ءتۇرلى مادەنيەت جاسامپازدىعى ءونىمىن شىعاردى، اۋلاداعى ”مانشىگۋاڭ قوناق ءۇيى“ جاستاردىڭ، ءسوزسىز، باراتىن جەرىنە اينالدى. ”بىلتىر دوسىممەن بىرگە اراسانعا ساياحاتتاي كەلگەنىمدە بۇل ارانى ۇناتىپ قالىپ، سونىمەن تۇراقتاپ تۇرىپ قالدىم“، - دەدى لي يۇيجيە، بۇل ارادا تاۋ دا، سۋ دا، مادەنيەت تە بار، مادەنيەت - ساياحات كاسىبىن دامىتۋعا ەرەكشە لايىقتى.

  ”مادەنيەت جاسامپازدىعى شاعىن اۋلاسىمەن“ اراسىن ءبىر عانا جول ءبولىپ تۇراتىن ”ءبىزدىڭ شاعىن اۋلانىڭ“ باسقارۋشىسى جۋ شىڭجۋان، قىستاقتا جالپى تانىعان ”اۋقات گۇل“. ءدال ءتۇس ۋاقىتى، اۋلاداعى 8 بولمەدەن ءالسىن - ءالى كوڭىلدى كۇلكى، ءازىلدى اڭگىمەلەر شىعىپ جاتتى. ”ءار كۇنى قوناق ۇزىلمەيدى، قاربالاس كۇندەرى 10 مىڭ يۋان كىرىس كىرگىزەمىز، قىستاققا قايتىپ كەلىپ شارۋاشىلىق قۇرعانىم وتە دۇرىس بولدى“، - دەدى بولمەلەر اراسىندا ارلى - بەرلى ابىگەر بولىپ قوناق كۇتىپ جۇرگەن جۋ شىڭجۋان جايراڭ قاعىپ.

  2021 - جىلى اۋدان قالاشىعىنان اجارلاندىرۋ ورنىن اشقان جۋ شىڭجۋان قىستاققا قايتىپ شارۋالار شاتتىعى ساياجايىن اشادى، ساۋداسى اۋلادا قۇلپىرا اشىلعان گۇلدەي كۇسەت بولدى. سونىمەن قىستاق تۇرعىندارى وعان ەلىكتەپ، شارۋالار شاتتىعى ساياجايى مەن حالىقتىق تۇسەلحانا اشتى. قازىر بوگدۇر قىستاعىنداعى 50دەن استام وتباسىنداعى قىستاق تۇرعىندارى شارۋالار شاتتىعى ساياجايى مەن حالىقتىق تۇسەلحانا اشتى، ءار كۇنى 1000نان اسا قوناق قابىلدايدى، 300دەن استام ادام جۇمىستاندى.

  بوگدۇر قىستاعىنىڭ باتىسىنداعى 800 مۋ اۋماقتاعى پەريللا گۇل اشۋ كەزەڭىنە ءوتتى. گۇل اتىزىندا قول تەلەفونىمەن تىكە تاراتىپ تۇرعان 31 جاستاعى دان · گاۋۋا: ”ەندى 20 كۇننەن كەيىن، بۇل ارا گۇل تەڭىزىنە اينالادى، كەلىپ تاماشالاۋلارىڭدى قارسى الامىز“، - دەدى.