وڭتۇستىك شينجياڭنىڭ جاڭا كەلبەتى · باقشا رايونىن ارالاۋ | تەلەفون ارقىلى ەگىن ەكتى، ءشول دالا قۇنارلى القاپقا اينالدى

日期:2022年07月04日
来源:新疆日报
【字体:
莎车县戈壁产业园里,3000座温室大棚成为荒滩上最具活力的体现。石榴云/新疆日报记者蔡增乐 摄

  ياركەن اۋدانىنىڭ ءشول دالا كاسىپ سالاسى باقشاسىندا، 3000 جىلىجاي قالتقىسى ءشول دالاداعى ومىرشەڭدىگى ەڭ كۇشتى جەرگە اينالدى. سۋرەتتى انار بۇلت \ شينجياڭ گازەتىنىڭ ءتىلشىسى ساي زىڭلى تۇسىرگەن

انار بۇلت \ شينجياڭ گازەتىنىڭ تىلشىلەرى جىڭ جو، ياڭ شۋحان

  اتىزعا ءتۇسىپ ەڭبەك ىستەمەي، ۇيدە تەلەفونمەن كوكونىس ەگۋگە بولادى دەپ بەس تە التى جىلدىڭ الدىندا ايتاتىن بولسا، وعان مامەتنياز احات سەنبەۋشى ەدى، قازىر، بۇل شىندىققا اينالدى.

  6 - ايدىڭ 20 - كۇنى كەشقۇرىم، كۇننىڭ اپتابى قايتقاننان كەيىن، مامەتنياز ءوزى كوتەرمەگە العان جىلىجاي قالتقىسىنا كەلىپ، اشتى بۇرىشتاردىڭ ءوسۋ جاعدايىن كوردى. وسى بىرنەشە جىلدا، ياركەن اۋدانى باشكەنت قالاشىعى قىزىل تۋ الەۋمەتتىك اۋماعىنداعى قاراپايىم ديقان، بۇرىن - سوڭدى بولماعان جايتتى ءوز كوزىمەن كوردى؛ ءشول دالاعا كوكونىس ەگىلدى، تەلەفوندى بىرنەشە رەت تۇرتسە بولدى، سۋ سۋارىپ، تىڭايتقىش بەرەدى، داقىلدارعا سۋ، تىڭايتقىش جەتىسپەسە اۆتوماتتى ەسكەرتۋ بەرەدى ...

  ياركەن اۋدانىنىڭ ءشول دالا كاسىپ سالاسى باقشاسىندا، مۇنىڭ ءبارى رەالعا اينالدى.

  ياركەن اۋدان قالاشىعىنىڭ باستىس وڭتۇستىگىنەن 20 نەشە كيلومەتر قاشىقتىقتاعى جان باسپاعان جاپان ءتۇز، قازىر 3000 جىلىجاي قالتقىسى بار، تىرشىلىك تىنىسى مەن مۇندالاعان القاپقا اينالدى.

  مامەتنيازدىڭ قالتقىسى بىرەگەي تۇلعالانعان، وندا زەردەلى اۋا الماستىرۋ جۇيەسى، زەردەلى تەمپەراتۋرا رەتتەۋ جۇيەسى، سۋ مەن تىڭايتقىشتى سالىستىرمالى ۇلەستىرۋ ماشيناسى سىندى جابدىقتاردىڭ ءبارى دايىن. قازىر قالتقىدا ەگىلگەن كوك بۇرىشتان اسىپ قالعانى ساناۋلى. ”نەگىزىنەن ساتىلىپ بولدى“،- دەدى مامەتنياز، بۇل توپتاعى كوكونىستى 54 مىڭ يۋانعا ساتتىم، وزىندىك قۇنىن شىعارىپ تاستاعاندا، 40 نەشە مىڭ يۋان كىرىس كىرگىزدىم. مامەتنياز قول تەلەفونىن نۇسقاپ تۇرىپ: ”ەگىن ەگۋ وتە قولايلى، قول تەلەفونمەن - اق مەڭگەرۋگە بولادى“،- دەدى.

  ياركەن اۋدانىنىڭ ءشول دالا كاسىپ سالاسى باقشاسىنىڭ جاۋاپتىسى ۋي شيڭيا بىلاي دەپ تانىستىردى، زەردەلى اۋىل شارۋاشىلىق زات تورابى تەرمينالى ەگىنشىلەردىڭ تەلەفونىنا بايلانىستىرىلعان، باقشا رايونىنا قىزمەت وتەۋ ورتالىعىنىڭ كومپيۋتەرلەرى ءار قالتقىعا جالعانعان، دەر كەزىندە باقىلاپ، تەكسەرۋگە بولادى، داقىلدار سۋ، تىڭايتقىش قاجەت ەتكەندە، جۇيەدەن ەسكەرتۋ سيگنالى كەلەدى، ەگىنشىلەر تەلەفوندا سۋ مەن تىڭايتقىشتىڭ سالىستىرمالى ۇلەسىن دەر كەزىندە تەڭشەي الادى، مۇنداي زەردەلىلەنگەن ەگىنشلىك ۇلگىسى ءداستۇرلى ەگىنشىلىك ۇلگىسىنە قاراعاندا، %90تەن استام سۋ مەن تىڭايتقىشتى ۇنەمدەي الادى.

  مامەتنياز: ”بۇرىن ەكى ساعاتتا بىتەتىن جۇمىستى، قازىر 10 مينۋتتا بىتىرەتىن بولدىم“،- دەدى قۋانىشپەن.

  ياركەن اۋدانى باقاۋات اۋىلى تۇقباس قىستاعىنىڭ تۇرعىنى ابدۇعاني تۇرعىن جونىنەن العاندا، كاسىپ سالاسى باقشاسىندا وسىرىلگەن كوكونىستەردىڭ ساتىلىمى كوكەيتەستى ماسەلە. ۇعىسۋعا قاراعاندا، كاسىپ سالاسى باقشاسى تاپسىرىس بويىنشا ەگۋدى اتقارعان، وسىرىلگەن اشتى بۇرىش، قىزاناقتارعا تۇگەلدەي تاپسىرىس بەرىلگەن. ”ءبىز ولشەم بويىنشا كوكونىستەردى ويداعىداي وسىرسەك بولعانى“ ابدۇعاني جونىنەن العاندا ”جۇمىس ءبولىس ايقىن“ بولىپ وتىر.

  باقشا رايونىنىڭ ءار قالتقىسىنىڭ ەسىگىنە ”تەحنيكالىق قىزمەت وتەۋ تۇسىندىرمە كارتچكاسى“ جاپسىرىلعان، وندا وسىرىلگەن داقىلدار، وتىرعىزىلعان ۋاقىتى، بازارعا سالىناتىن ۋاقىتى، تەحنيكالىق جەتەكشىنىڭ اتى - ءجونى جانە مەجەدەگى ەكونوميكالىق ونىمدىلىگى ايقىن كورسەتىلگەن. ابدۇعانى بىلاي دەدى: ءار ماۋسىمدا نە ەگۋ جونىندە تەحنيكتەر كەڭەس بەرەدى. مىسالى 10- ايدىڭ الدى - ارتىندا اشتى بۇرىش، قىزاناق سىندى كوكونىستەردى ەگۋ ۇسىنىسىن بەرەدى، پىسقاندا كوكونىس قاجەتسىنۋىنىڭ قاۋىرت مەزگىلىنە تۋرا كەلەدى دە، بۇل كەزدە ساتۋدان قام جەمەيمىز، باعاسى دا ايتارلىقتاي.

  بىلتىر باقشا رايونى شاڭحايدان تاپسىرىس قابىلدادى، تاپسىرىستا 100 قالتقىعا بۇلدىرگەنشە قىزاناق ەگۋدى تالاپ ەتىلىپ، تۇقىمىن قارسى جاق دايىندايتىن بولعان. ەگىنشىلەر ەككەن بۇل توپتاعى قىزاناقتار بيىل 1 - ايدا پىسىپ، ءار كيلوگرامى 5 يۋان بويىنشا، جالپى 200 توننا ساتىلدى.

  ابدۇعاني تىلشىگە بىلاي دەدى: بازار جونىندەگى جەتەكشىلىك پىكىر مەن باقشا رايونىنىڭ تاپسىرىستى ساتىپ الۋ جوسپارى بولعان سوڭ، ەگىنشىلەر كوكونىستى الاڭسىز ەكتى.

  ەگىنجايدىڭ جەتىسپەۋى مەن ەكولوگيانىڭ ءالىسز بولۋى ۇزاق ۋاقىتتان بەرى جان سانى مول، ءىرى اۋدان ساناتىنداعى ياركەن اۋدانىنىڭ دامۋىنا توسالعى بولىپ كەلگەن. سول سەبەپتى، جەرگىلىكتى ۇكىمەت ءشول دالانى ەگىنجايعا اينالدىرۋدى ۇيعارىپ، اۋدان قالاشىعىنىڭ وڭتۇستىك ىرگەسىندەگى 20 مىڭ مۋ جەردە، ءشول دالا كاسىپ سالاسى باقشاسىن قۇردى. باقشا رايونىندا ەگىنشىلىك، باعىمشىلىق، وزگەشەلىككە يە جەمىس ورمانى، مانەرلەۋ، قامبالاۋ، عىلمي زەرتتەۋ سىندىلاردى ءبىر تۇلعالاندىرىپ، ءبىرىنشى، ەكىنشى، ءۇشىنشى كاسىپ سالالارىن توعىستىرا سايكەستى بىرگە دامىتقان، اۋدان جانە اۋەجايمەن ىرگەلەس بولۋداي جاعراپيالىق ابزالدىلىعىنان تولىق پايدالانىپ، سونداي - اق، ءشول دالا بايلىق ابزالدىلىعىنان ۇتىمدى پايدالانىپ، ەگىنجايدى يەمدەنبەۋ العى شارتىندا، كاسىپ سالاسىنىڭ دامۋىنا دەم بەرىپ، ءوندىرىس قۋاتىن جوعارىلاتتى.

莎车县戈壁产业园正在建设中的肉羊良种繁育中心。石榴云/新疆日报记者蔡增乐 摄

  ياركەن اۋدانى ءشول دالا كاسىپ سالاسى باقشاسىندا سالىنىپ جاتقان سويىس قوي تۇقىمىن جەتىلدىرۋ ورتالىعى. سۋرەتتى انار بۇلت \ شينجياڭ گازەتىنىڭ ءتىلشىسى ساي زىڭلى تۇسىرگەن

  ۋي شيڭيا بىلاي دەدى: باقشا رايونى الدا سويىس قوي تۇقىمىن جەتىلدىرۋ ورتالىعى، جۇمىرتقالىق تاۋىق باعىمشىلىعى بازاسى، جەمىس ورمانى بازاسى سىندىلاردى ىركەس - تىركەس قۇرادى، سول كەزدە، ەگىنشىلىك رايونىنان شىققان سابان، جاپىراقتاردى باعىمشىلىق رايونىندا جەم - ءشوپ رەتىندە پايدالانىپ، تاۋىق، قوي سىندى مالداردىڭ تەزەك - كوڭىن مانەرلەپ تىڭايتقىش ەتىپ ەگىنشىلىك رايونىندا پايدالانىپ، باقشا رايونىندا جاسىل اينالىمدى جۇزەگە اسىرىپ، ”ءشول دالادان تىڭ اشۋ، ءشول دالادا جۇمىستانۋ، ءشول دالادا كاسىپ سالاسىن قۇرۋ، ءشول دالادا يگىلىككە كەنەلۋ“ سىندى كوركەيتۋ اۋەلگى ماقساتىن جۇزەگە اسىرۋعا بولادى.

  كەزەكتە، ياركەن اۋدانى ءشول دالا كاسىپ سالاسى باقشاسى 5000نان استام ادامدى سول جەردە، جاقىن ماڭنان جۇمىسقا ورنالاستىردى، كىسى باسىنا تۋرا كەلەتىن ەڭبەكاقىسى ورتا ەسەپپەن 3000 يۋاننان جوعارى بولدى، جالپى تۇلعاسىن قۇرىپ بولعاننان كەيىن، باقشا رايونى تاعى دا 10 مىڭ جۇمىس ورنىمەن قامداي الادى.