تيانشان تورى - شينجياڭ گازەتىنىڭ حابارى (ەرىكتى ٴتىلشى تاۋ ۋيميڭ حابارلايدى). 6 ـ اي − شينجياڭدا گۇل قۇلپىرا اشىلعان، ەگىس داقىلدارى جەمىس بەرەتىن مەزگىل، ٴارى بالدان ٴونىم الىناتىن كەزەڭ. 6 ـ ايدىڭ 15 ـ كۇنى، بيىل 40 جاستاعى حۋ جيانحۋا جايشىلىقتاعىداي ٴوز ۇجىمىنىڭ مۇشەلەرىن باستاپ سانجى حۇيزۋ اۆتونوميالى وبلىسى قۇتىبي اۋدانى يۋانحۋسۇن قالاشىعى ماچاڭحۋ قىستاعىنداعى بال اراسى باعىمشىلىق تۇيىنىنە كەلىپ بال جينادى.
6 ـ ايدىڭ 15 ـ كۇنى، قۇتىبي اۋدانى يۋانحۋسۇن قالاشىعى ماچاڭحۋ قىستاعىندا حۋ جيانحۋا بال ارالارىنىڭ بال جيناۋ جاعدايىن تەكسەرىپ كورۋدە. سۋرەتتى تاۋ ۋيميڭ تۇسىرگەن
1996 ـ جىلى، حۋ جيانحۋا اكە ـ شەشەسىمەن بىرگە سىچۋان سۇينيڭنەن شينجياڭعا كەلەدى. داشۋەدەگى كەزىندە حۋ جيانحۋا ونەركاسىپ جانە حالىقتىق قۇرىلىس كاسىبىن ۇيرەنگەن، وقۋ تاۋىسقاننان كەيىن، ول قۇتىبي اۋدانىنا قايتىپ كەلىپ قۇرىلىس جانە تەحنيكا باسقارۋ قىزمەتىمەن شۇعىلدانادى. 2009 - جىلعا كەلگەندە حۋ جيانحۋا ”جۇمىستى كوتەرمەگە الۋشى“ بولىپ ىستەپ، قۇرىلىس جۇمىستارىن كوتەرمەگە الدى، كىرىسى دە جاقسى بولدى. 2011 ـ جىلى، اكەسى وتباسىنداعىلارعا ءتاتتى ءدام تاتقىزۋ ٴۇشىن، ٴبىر ساندىق بال اراسىن باقتى، حۋ جيانحۋا وسىدان شابىت الىپ، ٴتىپتى دە كوپ ادامنىڭ تابيعي بالدان ءدام تاتۋىنا مۇمكىندىك جاساۋدى جوسپارلادى.
2014 ـ جىلى، حۋ جيانحۋا ٴوزى شۇعىلدانىپ وتىرعان قۇرىلىس كاسىبىن تاستاپ، ومارتاشى بولدى. 2016 ـ جىلى، ول حۋ اۋلەتى بال اراسى باعىمشىلىعى شارۋالار كاسىپتىك سەلبەستىك كووپەراتيۆىن قۇرىپ، 1800دەن استام ارا ساندىعىن تۇتاس اۋدانداعى 50 نەشە ورىنعا جايعاستىردى، سەلبەستىك كووپەراتيۆىنىڭ ساۋداسى بارعان سايىن جاقسارىپ، كوپتەگەن شارۋانى ارا باعۋعا سۇيەنىپ اۋقاتتانۋعا باستادى.
6 ـ ايدىڭ 15 ـ كۇنى، قۇتىبي اۋدانى يۋانحۋسۇن قالاشىعى ماچاڭحۋ قىستاعىندا حۋ جيانحۋا (وڭدا) كووپەراتيۆ مۇشەسىمەن بىرگە بال ارالارىنىڭ بال جيناۋ احۋالىن تەكسەرۋدە. سۋرەتتى تاۋ ۋيميڭ تۇسىرگەن
باعىمشىلىق تاجىريبەسىنىڭ توپتالۋىنا بايلانىستى، حۋ جيانحۋانىڭ بال كاسىبى بارعان سايىن زورايىپ، سەلبەستىك كووپەراتيۆىنىڭ مۇشەلەرى العاشقى 5 وتباسى 10 نەشە ادامنان ارتىپ، قازىرگى 15 وتباسى 50 نەشە ادامعا جەتتى، حۋ جيانحۋانىڭ دا جەرگىلىكتى ورىندا اتاعى اسپانداپ، جەرگىلىكتى بۇقارا ونى شىن ىقىلاسپەن ”ومارتاشى اعاي“ دەپ اتادى. 2022 ـ جىلى، اۋىل ـ قىستاقتى گۇلدەندىرۋدىڭ ورايىنان پايدالانىپ، حۋ جيانحۋا ساۋدا ورايىن ٴدال تاۋىپ، نازارىن جەرگىلىكتى ورىندا اتى ايگىلى شاعىن ساياحات قىستاعى − ۋگۇڭتاي قالاشىعى شيڭفۋ قىستاعىنا اۋداردى، بۇل ارانىڭ ”شينجياڭداعى ٴبىرىنشى اسقاباق قىستاعى“ دەگەن اتاعى بار، ويتكەنى، ينتەرنەتتەگى تانىمالى كورىنىس ٴتۇيىنى ”اۋىل ـ قىستاق اسقاباق باقشاسىمەن“ اتى شىققان.
6 ـ ايدىڭ 15 ـ كۇنى، قۇتىبي اۋدانى ۋگۇڭتاي قالاشىعى شيڭفۋ قىستاعىنداعى ”بال اراسى پاتشالىعى سەزىنۋ سارايىندا“، حۋ جيانحۋا كىشكەنتاي دوستارعا بال الۋ جانە وڭدەۋ بارىسىن ٴتۇسىندىردى. سۋرەتتى تاۋ ۋيميڭ تۇسىرگەن
اۋىل ـ قىستاق ساياحاتىن دامىتۋ ٴۇشىن، شيڭفۋ قىستاعى حۋ جيانحۋاعا ٴبىر اۋىز دۇكەن ازىرلەپ بەردى، دۇكەننەن پايدالانىپ، حۋ جيانحۋا ارا باعۋ كاسىبىن كەڭەيتىپ، بال مەن ساياحاتتى ٴوزارا ۇشتاستىرىپ، ”بال اراسى پاتشالىعى سەزىنۋ سارايىن“ قۇرىپ، ساياحاتشىلاردى، اسىرەسە، كىشكەنتاي دوستاردى تەگىن ەكسكۋرسيالاتىپ، بال جيناۋ بارىسىن تەگىن سەزىندىردى، سونداي – اق بالالارعا بال اراسى مەن بال مادەنيەتىن ٴتۇسىندىردى.
بۇدان سىرت، حۋ جيانحۋا تاعى سىرتقا شىعۋ، ۇسىنىس ەتۋ ٴتاسىلىن قولدانىپ، ارا باعۋ بىلىمدەرى مەن تەحنيكاسىن ۇزدىكسىز ۇيرەندى، قازىر ارا ساندىعىنىڭ سانى 4000نان استى، ارا باعۋ ورنى دا قۇتىبي اۋدانىمەن شەكتەلمەي، توڭىرەگىندەگى اۋدان، قالالارعا قاراي كەڭەيدى، ول ٴوزىنىڭ قۇلشىنىسى ارقىلى ٴتىپتى دە كوپ ادامدى ارا باعۋ كاسىبىمەن شۇعىلدانۋعا باستاپ، كوپشىلىكپەن بىرگە ٴتاتتى كاسىپتى شالقىتا ءتۇسۋدى ٴۇمىت ەتتى.
