مۇيىزدەن ءمۇسىن ويىپ، باقىتتى تۇرمىس جاراتتى

日期:2022年06月28日
来源:新疆日报
【字体:

دۇيسەن نۇرشارىپ «قوس ايداعار» اتتى سۇيەكتەن جاساعان ءمۇسىندى سۇرتۋدە.

حابارىن جازىپ سۋرەتىن تۇسىرگەن انار بۇلت \ شينجياڭ گازەتىنىڭ ءتىلشىسى لي رۇي

  دۇيسەن نۇرشارىپ سانجى قالاسى اشىلى اۋىلى اشىلى قىستاعىنىڭ تۇرعىنى، ءارى سول وڭىرگە تانىمالى سۇيەكتەن ءمۇسىن ويۋ ونەرىنىڭ جالعاستىرۋشىسى. ونىڭ ءۇيى سۇيەك مۇسىندەرى الەمى دەسەڭىز دە بولادى، سيىر مەن قويدىڭ مۇيىزىنەن جاسالعان قولونەر بۇيىمدارى كەز - كەلگەن جەردەن تابىلادى، قۇيعىتقان تۇلپار، سامعاعان قىران، كوكتە ۇشقان الىپ ايداعار ... مۇسىندەر ناق اينىتپاي ويىلىپ، ومىرشەڭدىك كۇش پەن سەرپىندى ورنەكتەگەن.

دۇيسەن نۇرشارىپ سۇيەكتەن ءمۇسىن ويۋدا.

  سۇيەكتەن ءمۇسىن ويۋ شەبەرلىگى سيىر، قوي، قولدا باعىلعان مارال سىندى حايۋاناتتاردىڭ ءمۇيىزىن، تۇياعىن شيكىزات ەتىپ، قولونەر بۇيىمدارىن ويىپ شىعاتىن ءداستۇرلى قولونەر شەبەرلىگى. سۇيەكتەن ءمۇسىن ويۋ شەبەرلىگى قاس تاسىن ورنەكتەۋ ءتاسىلىن ۇلگى ەتكەن، ءتىس ويماشىلىعى، قاس تاسى ويماشىلىعى بۇيىمدارىمەن سالىستىرعاندا، سۇيەكتەن ءمۇسىن ويۋ شەبەرلىگى ەڭ كۇردەلى سانالادى. ءبىر سۇيەك ءمۇسىنى تەگىستەۋ، قىرناۋ، جىكتەۋ، پىشىندەۋ، قۇراستىرۋ، جاپسىرۋ، قورعاۋ قاباتىن سىرلاۋ سىندى 30 نەشە جۇمىس بارىسىنان وتەدى.

دۇيسەن نۇرشارىپ سۇيەكتەن ءمۇسىن ويۋدا.

  دۇيسەن نۇرشارىپ سۇيەك مۇسىندەردى جاساۋدىڭ تۇتاس بارىسىن وي ەلەگىنەن ءبىر وتكىزىپ شىعادى، ول ەجەلدەن سىزباسىن سالمايتىن، كەي كەزدەرى ويىنا تۇسكەنى بويىنشا ويىپ جاتاتىن. الدىمەن ءمۇيىزدى نەمەسە ءمۇيىز پارشالارىن قايتا - قايتا تەگىستەپ، مايدالاپ، ءسانىن كەلتىرىپ، ونان كەيىن مۇقيات ورنەكتەپ، قۇراستىرىپ، رەڭ بەرەدى. ءار باسقىشىن كوڭىلدەگى ەسەپپەن جۇرگىزەدى، ءبىر باسقىشىنان قالت جىبەرسە ەڭبەگى ەش بولادى.

دۇيسەن نۇرشارىپ سۇيەكتەن ءمۇسىن جاساۋدا.

  دۇيسەن نۇرشارىپ جاڭا مەديا تۇعىرلارى ارقىلى سۇيەك ءمۇسىن قولونەرىن ۇگىتتەپ، ءار دارەجەلى بەيزاتتىق مادەنيەت مۇرالارى كورمەسىنە قاتىناسىپ، كوپ رەت سيلاندى. اشىلى اۋىلدىق ۇكىمەتتىڭ كومەكتەسۋىندە، ونىڭ تۋىندىلارى جەرگىلىكتى ورىننىڭ وزگەشە ساياحات قولونەر بۇيىمدارى بولىپ ساتىلدى. ول بىلاي دەدى: ”وسى بايىرعى شەبەرلىكتى ءتىپتى دە كوپ جاستارعا ۇيرەتەمىن، ۇرپاققا جالعاۋ بورىشىمدى وتەۋمەن بىرگە، ساياحات بازارىنىڭ قىزۋىنان پايدالانىپ، اۋىلداستاردى ءتىپتى دە كوپ ەكونوميكالىق يگىلىككە كەنەلتەمىن“.

دۇيسەن نۇرشارىپ ساياحاتشىلارعا سيىر مۇيىزىنەن ويىلعان رومكانى تانىستىرۋدا.