جۋىقتا، قۇلجا قالاسى حانبين اۋىلى كورىكتى اۋلا قۇرىلىسىن ىشكەرلەي ورىستەتىپ، اۋلا مادەنيەتىنىڭ مازمۇنىن بايىتىپ، قاراستى اۋماقتاعى 7 قىستاقتا (الەۋمەتتىك اۋماق) ”كورىكتى اۋلا“ قۇرۋ قيمىلىن بەلسەنە ورىستەتىپ، ءتۇيىن ارقىلى جەلىنى جەتەكتەۋ، جەلى ارقىلى كولەمدى كەڭەيتۋ سىندى تاماشا جاعداي جاراتىپ، كورىكتى اۋىل - قىستاق قۇرۋدى ءونىمدى تۇردە جەبەپ، بارشا اۋىل - قىستاق جۇرتشىلىعىنىڭ باقىت كورسەتكىشىن جالپى بەتتىك جوعارىلاتىپ، اۋىل - قىستاقتى گۇلدەندىرۋدى ىلگەرىلەتۋدە ماڭىزدى رول اتقاردى.
حانبين اۋىلى باشكوپىر قىستاعىنىڭ تۇرعىنى ءدىلنۇر پيدامامەتتىڭ ەسىگىنىڭ الدى تامدى بويلاي وسكەن روزا گۇلىنىڭ ساباعىمەن كومكەرىلدى، قۇلپىرا اشىلعان شوق - شوق اسەم گۇلدەر قوراجايدى ەرتەگى الەمىندەگى سارايلارداي تۇرلەندىردى. ءوز ءۇيىنىڭ اۋلاسى تىلگە تيەك بولعاندا، جۇزىنەن قۋانىش لەبى ەسكەن ءدىلنۇر پيدامامەت بىلاي دەدى: ”اۋلامىزدى جانە ەسىك الدىنداعى سامالدىقتى جاڭادان سالدىق، كورشىلەر ۋاقىتى شىققاندا كەلىپ شاي ءىشىپ، اڭگىمەلەسىپ تۇرادى، كورشىلەر اراسىنداعى قارىم - قاتىناس تا بارعان سايىن جيىلەدى، كوڭىلىمىز جادىراپ سالا بەردى“.
حانبين اۋىلىن قالاعانىڭىزشا ارالاڭىز، ۇيلەردىڭ الدى - ارتى، جولدىڭ ەكى جاعالاۋىندا ءتۇرلى - ءتۇستى قۇلپىرا اشىلعان گۇلدەر جايناپ تۇر، كوشە بويىندا گۇلدەردىڭ حوش ءيىسى اڭقىپ، كوركى كوز سۇرىندىرەدى، قۋانىشقا شومعان قىستاق تۇرعىندارىنىڭ جۇزدەرى اسەم گۇلدەردىڭ ارلەۋىندە ءتىپتى دە نۇرلانا تۇسكەنىن بايقايسىز.