حالىق بانكەسى ءۇرىمجى ورتالىق تارماق بانكەسى 13 تارماقتى ەگجەي - تەگجەيلى شارا شىعاردى
فينانستىڭ اۋىل - قىستاقتى گۇلدەندىرۋدى جاپپاي ىلگەرىلەتۋگە قولداۋ كورسەتۋ قابىلەتىن جوعارىلاتتى
انار بۇلت \ شينجياڭ گازەتىنىڭ ءتىلشىسى ۋاڭ يۇڭفي 5 - ايدىڭ 4 - كۇنى ۇرىمجىدەن حابارلايدى. حالىق بانكەسى ءۇرىمجى ورتالىق تارماق بانكەسىنەن ۇعىسۋىمىزشا، جۋىقتا حالىق بانكەسى ءۇرىمجى ورتالىق تارماق بانكەسى «2022 - جىلدىق شينجياڭ فينانسىنىڭ اۋىل - قىستاقتى گۇلدەندىرۋدى جاپپاي ىلگەرىلەتۋگە قولداۋ كورسەتۋىندەگى ءتۇيىندى قىزمەتتەردى ويداعىداي ىستەۋ جونىندەگى حابارلاندىرۋدى» (تومەندە قىسقارتىلىپ «حابارلاندىرۋ» دەلىنەدى) شىعارىپ، شينجياڭنىڭ اۋىل - قىستاقتى گۇلدەندىرۋىنە فينانستىق قىزمەت وتەۋ قىزمەتىن ارقاۋ ەتىپ، استىق حاۋىپسىزدىگى سالاسىنداعى فينانستىق قىزمەت وتەۋ قامتاماسىزدىعىن ساپالىلاندىرۋ، شارۋالاردىڭ قارىز اقشا مولشەرىن كوبەيتۋدى جانە كولەمىن كەڭەيتۋدى ىلگەرىلەتۋ، اۋىل - قىستاق كاسىپ سالالارىن گۇلدەندىرۋ ونىمدەرىنە قىزمەت وتەۋ تىرەگىن كۇشەيتۋ، فينانس قۇرىلىمدارىنىڭ ىشكى بايلىقتارىن بەيىمدەۋ سەرپىنىن ارتتىرۋ، اۋىل - قىستاق نەگىزدىك قۇرىلعىلارىنا فينانستىق قىزمەت وتەۋدى ۇزدىكسىز جاقسارتۋ قاتارلى 13 تارماقتى ەگجەي - تەگجەيلى شارانى العا قويىپ، نازاردى اۋىل شارۋاشىلىعىن، اۋىل - قىستاقتى دامىتۋداعى شەشۋشى سالالارعا شوعىرلاندىرىپ، فينانستىڭ اۋىل - قىستاقتى گۇلدەندىرۋدى جاپپاي ىلگەرىلەتۋگە قولداۋ كورسەتۋ قابىلەتى مەن دەڭگەيىن ونان ارى جوعارىلاتتى.
«حابارلاندىرۋدا» مىنالار ايقىندالدى: بۇكىل رايونداعى بانكە سالالارى، فينانس قۇرىلىمدارى استىق حاۋىپسىزدىگى سالاسىنداعى فينانستىق قىزمەت وتەۋ قامتاماسىزدىعىن ساپالىلاندىرىپ، تۇيىندى استىق كاسىپورىندارى بويىنشا كاسىپورىندار مەن بانكەلەردى ءتۇيىستىرۋ ەسىمدىگى قويماسىن قۇرۋ، تۇقىم شارۋاشىلىعى كاسىپورىندارىنىڭ قارجى قۇراۋ قاجەتىن ارناۋلى ءتۇيىستىرۋ قيمىلىن ورىستەتۋ ارقىلى استىققا قاتىستى شەشۋشى سالالارداعى قارجى قۇراۋ قاجەتىن قاناعاتتاندىرۋ؛ ماقتا شارۋاشىلىعىنىڭ دامۋىن ارقاۋ ەتىپ، قارجىنىڭ تاراتىلۋ ونىمدىلىگىن جوعارىلاتىپ، بۇكىل كاسىپ سالاسى تىزبەگىندەگى فينانستىق قولداۋ سەرپىنىن ارتتىرۋ؛ ءتىرى مالدى كەپىلگە قويۋ ءىسىنىڭ قامتۋ مولشەرىن كەڭەيتىپ، مال شارۋاشىلىعىنىڭ كاسىپ سالاسى تىزبەگىندەگى فينانستىق قىزمەت وتەۋدى كەڭەيتىپ، مال شارۋاشىلىعىنا جانە ەرەكشە ەگىس داقىلدارىنا بەرىلەتىن قارىز اقشانى ۇلعايتۋدى، الۋەتتەندىرۋدى ىلگەرىلەتۋ كەرەك.
«حابارلاندىرۋدا» مىنالار اتاپ كورسەتىلدى: بۇكىل رايوننىڭ بانكە سالالارى، فينانس قۇرىلىمدارى كەدەيلىكتەن ارىلعان حالىقتىڭ شاعىن سوماداعى امانات - قارىزدارىن پايدالانۋىنىڭ ساپالىق ونىمدىلىگىن جوعارىلاتۋ، شارۋاشىلىق قۇرۋعا كەپىلدىكپەن قارىز اقشا بەرۋ تارتىبىندە جاڭالىق اشۋ، سەنىمدىلىك قارىز اقشاسىنىڭ ”مولشەرىن كوبەيتۋ، كولەمىن كەڭەيتۋ“ جوسپارىن جاساۋ سياقتىلاردان ىسكە كىرىسىپ، شارۋا وتباسىلارىنا بەرىلەتىن قارىز اقشانىڭ مولشەرىن كوبەيتۋدى، كولەمىن كەڭەيتۋدى ىلگەرىلەتۋ؛ ءتۇيىندى كاسىپورىندارمەن ءتۇيىستىرۋدى كۇشەيتىپ، امانات - قارىز تىكە ارناسى تۇعىرىنا سۇيەنىپ، قارجى قۇراۋعا سەرپىن بەرۋ ارەكەتىن ورىستەتىپ، جاڭاشا اۋىل شارۋاشىلىعى تيجارات تۇلعالارىنا بەرىلەتىن امانات - قارىز مولشەرىنىڭ كوبەيۋىن، باعاسىنىڭ تومەندەۋىن ىلگەرىلەتۋ كەرەك.
«حابارلاندىرۋدا» مىنالار العا قويىلدى: بۇكىل رايوننىڭ بانكە سالالارى، فينانس قۇرىلىمدارى جوعارى ولشەمدى ەگىنجايلار قۇرىلىسى نىسانىنا، قونىس جاڭالاپ كەدەيلەردى سۇيەمەلدەۋدە قونىس جاڭالانعاننان كەيىنگى سۇيەمەلدەۋگە، اۋىل - قىستاق نەگىزدىك قۇرىلعى قۇرىلىستارىنا ارنالاتىن امانات - قارىز ۇسىنىلىمدارىن ارتتىرىپ، اۋىل - قىستاق قۇرىلىسىنداعى ورتا، ۇزاق مەرزىمدىك قارجى قۇراۋ قاجەتىن قاناعاتتاندىرۋ؛ اۋىل - قىستاق كاسىپ سالالارىن گۇلدەندىرۋ ونىمدەرىنە قىزمەت وتەۋ تىرەگىن كۇشەيتىپ، اۋىل - قىستاق مال - مۇلكىن كەپىلگە قويىپ قارجى قۇراۋدىڭ كوپ نەگىزدى ۇلگىلەرىن ورناتىپ، اۋىل شارۋاشىلىعىنا، اۋىل - قىستاققا جاسىل فينانستىق قولداۋ كورسەتۋدى ارتتىرىپ، فينانستىڭ اۋىل - قىستاقتى گۇلدەندىرۋگە قولداۋ كورسەتەتىن جاعدايىن قالىپتاستىرۋدى ىلگەرىلەتۋ؛ شەكارا اتتاعان حالىق اقشاسى ساياساتىن ۇگىتتەۋدى جانە ءتۇسىندىرۋدى كۇشەيتىپ، شينجياڭنىڭ شەتەل اقشاسى جانە شەكارا اتتاعان حالىق اقشاسىنىڭ جۇمىس باستاۋداعى وزىندىك ءتارتىپ مەحانيزمى تۇعىرىنىڭ رولىن ساۋلەلەندىرىپ، اۋىل شارۋاشىلىعى ونىمدەرىنىڭ شەكارا اتتاعان ساۋداسىنا فينانستىق قىزمەت وتەۋدى ويداعىداي ىستەۋ كەرەك.
