حوتان:
جول تورابى تۇتاسىپ، كاسىپ سالاسى وركەندەدى
4 - ايدىڭ 29 - كۇنى جۇمىسكەرلەر حوتان قالاسىنداعى بەيجيڭ − حوتان ونەركاسىپ باقشا اۋماعىنا ورنالاسقان جانلاڭ كيىم - كەشەك شەكتى سەرىكتەستىگىنىڭ ءوندىرىس جەلىسىندە جۇمىس ىستەۋدە. وسى سەرىكتەستىك نەگىزىنەن ينەلى ۇرشىقپەن سپورت كيىمدەرىن توقۋ، قاعاز پلاستيكالىق قوراپتاۋ قالتاسى سياقتىلاردى وڭدەۋمەن، جاساۋمەن اينالىسادى، جەرگىلىكتى ورىنداعى 200 نەشە ادامنىڭ جۇمىستانۋ ماسەلەسىن شەشىپ وتىر.
□ سۋرەتتى انار بۇلت \ شينجياڭ گازەتىنىڭ ءتىلشىسى تاڭ يۇڭ تۇسىرگەن
□ انار بۇلت \ شينجياڭ گازەتىنىڭ ءتىلشىسى ءجازيرا نەسىپبەك
4 - ايدىڭ 28 - كۇنى ساعات 9دان 25 مينۋت وتكەندە، وزانداعان گۋدوك ۇنىنە ىلەسە، ءۇرىمجى باعىتىنان كەلگەن T9526 كەزەكشى پويەزى باياۋلاي كەلىپ، سوڭعى بەكەت − حوتان ۆوگزالىنا كىردى.
گۋاڭشيدىڭ حىچى قالاسىندا كاۋاپ دۇكەنىن اشاتىن ابدۇرەشىم باكري ايەلى مەن بالاسىن ەرتىپ پويەزدان ءتۇستى، ولار وسىدان ارى قاراي قاراقاش اۋدانىنا تۋىسشىلاي بارماق.
”ەسىمدە قالۋىنشا، 6 جىلدىڭ الدىندا مەن پويەزبەن گۋاڭشيعا باردىم، حوتاننان ۇرىمجىگە دەيىن 30 ساعاتتان اسا ۋاقىت كەتكەن بولاتىن. قازىر ساپار ۋاقىتى كوپ قىسقارىپتى، ۆاگونداردىڭ ءىشى دە تازا، جايلى ەكەن“، - دەدى ابدۇرەشىم كۇلە سويلەپ.
2011 - جىلى 6 - ايدا قاشقار قالاسى مەن حوتان قالاسىن تۇتاستىراتىن قاشقار − حوتان تەمىر جولى ىسكە قوسىلىپ، حوتانعا پويەز قاتىناماعان تاريح اياقتالدى.
10 نەشە جىل ۋاقىتتىڭ ىشىندە وڭتۇستىك شينجياڭ تەمىر جولىنداعى پويەزداردىڭ ساعاتتىق جىلدامدىعى ساعاتىنا 100 كيلومەتردەن تەزدەپ، ساعاتىنا 140 كيلومەترگە جەتتى؛ جولاۋشىلار ەلەكترلى جەلدەتكىش پايدالانۋدان اۋا رەتتەگىشتەن يگىلىكتەنۋگە ءوتتى؛ قايناعان سۋ قۇيىلعان تەرموستان سۋ قايناتقىشقا وزگەردى؛ پويەز ۆوگزالدارىندا بەلەت الۋ، بەلەت تەكسەرۋگە قىزمەت وتەۋدە ەلەكتروندانۋ جۇزەگە استى...
جۇڭگو تەمىر جولى ءۇرىمجى مەكەمەسى توبى شەكتى سەرىكتەستىگى قاشقار پويەز ىستەرى بولىمشەسى حوتان ۆوگزالىنىڭ باستىعى ما شۋشي تانىستىرىپ بىلاي دەدى: 2011 - جىلى حوتان ۆوگزالىنىڭ سول جىلعى جولاۋشىلار لەگى مولشەرى 170 مىڭ ادامنان استى، قازىر جىلدىق جولاۋشىلار لەگى مولشەرى، ەڭ جوعارى بولعاندا، ءبىر ميلليون 300 مىڭ ادامنان اسادى؛ زات تاسىمال مولشەرى 2011 - جىلى 55 مىڭ توننا بولسا، قازىر جىلدىق زات تاسىمال مولشەرى، ەڭ جوعارى بولعاندا، ءبىر ميلليون 600 مىڭ توننادان اسادى.
ماڭىزدى قاتىناس تورابى رەتىندە، حوتان ۆوگزالى توڭىرەگىندەگى ساۋدا - ساتتىقتى جەدەل دامۋعا جەتەكتەدى.
2012 - جىلى ۆوگزالدان 500 نەشە مەتر جەرگە حوتان قالاسى جيڭحى زات اينالىمى باقشا رايونىن باسقارۋ كوميتەتى قۇرىلدى. ”پويەز قاتىناماسا، باقشا رايونىنىڭ دامۋى دا بولماق ەمەس“. حوتان قالاسى جيڭحى زات اينالىمى باقشا رايونىن باسقارۋ كوميتەتى پارتكومىنىڭ ورىنباسار شۋجيى، مەڭگەرۋشى ليۋ جۇن بىلاي دەدى: باقشا رايونىندا قازىر بەسمەتال، قۇرىلىس ماتەريالدارى، اۋىل شارۋاشىلىق ءوندىرىسىنىڭ قۇرال - جابدىقتارى دۇكەندەرىنەن 1000نان استامى تيجارات جۇرگىزۋدە، بۇل ارادا ساتىلىپ جاتقان تاۋارلاردىڭ ％90تەن استامى تەمىر جول ارقىلى تاسىپ اكەلىنگەن.
بيىل 56 جاستاعى ءماسۇم مامەتيمىن ۆوگزالداعى الەۋمەتتىك اۋماقتا قۇرىلىس ماشينالارىن مايعا بەرۋ سەرىكتەستىگىن جۇرگىزىپ وتىر. ”10 جىلدىڭ الدىندا مەن حوتان قالاسىندا جۇك اۆتوكولىگىن جۇرگىزەتىنمىن، ول كەزدە بۇل ارادا قوقىر - قوقسىق ءۇيىلىپ جاتۋشى ەدى، توپىراق جولدان اۆتوكولىك ءجۇرىپ وتسە بولعانى شاڭى اسپانعا شىعاتىن“، - دەيدى ءماسۇم وتكەندى ەسىنە الىپ.
باقشا رايونىنىڭ ۇزدىكسىز دامۋىنا ىلەسە، جول بويىنا تىزىلگەن ءىرى جۇك اۆتوكولىكتەرى تولىپ كەتەتىن بولدى. 2016 - جىلى حوتان قالاسى جيڭحى زات اينالىمى باقشا رايونىن باسقارۋ كوميتەتى وسى ”قوقىر - قوقسىق الاڭىن“ اۆتوكولىك توقتاتۋ الاڭىنا وزگەرتىپ سالۋدى جوسپارلاعاندىعىن ەستىپ، ساۋدا ورايىن سەزە قويعان ءماسۇم 40 مۋعا تايايتىن وسى جەردى مايلاپ الادى ءارى تەگىستەپ شىعىپ، كەلىپ - كەتكەن شوفەرلەردىڭ اۆتوكولىك توقتاتىپ دەمالۋىنا ورىن ازىرلەيدى.
تەمىر جولدىڭ ىسكە قوسىلۋى بۇل ارادا تۇرمىس كەشىرىپ جاتقان ادامدارعا ۇزدىكسىز قۋانىش الا كەلدى.
2018 - جىلى ءماسۇم اۆتوكولىك توقتاتۋ الاڭىن ۇلكەن - كىشىلىگى ۇقسامايتىن بولەكتەرگە ءبولىپ، زات ساقتايتىن ساۋداگەرلەرگە مايعا بەرىپ، جىلدىق كىرىسىن 100 مىڭ يۋاننان اسىرادى. 2021 - جىلدىڭ اياعىندا ءماسۇم وتباسى باقشالى جاڭا عيماراتقا كوشىپ كىردى، ءدال ونىڭ ءۇيىنىڭ جانىنان توعىسپالى ساۋدا كەشەنى بوي كوتەردى؛ جاقىن ماڭنان سول جىلى 9 - ايدا پايدالانۋعا بەرىلەتىن وقىتۋ رايونى سالىندى. ۆوگزال الەۋمەتتىك اۋماعىنداعى ساۋداگەرلەر مەن تۇرعىندار سانىنىڭ ۇزدىكسىز كوبەيۋىنە ىلەسە، بيىل حوتان قالاسى بۇل الەۋمەتتىك اۋماقتى 3 الەۋمەتتىك اۋماققا ءبولدى...
بيىل 6 - ايدىڭ اياعىندا حوتاننان چارقىلققا تۇتاساتىن تەمىر جول سالىنىپ ءبىتىپ، پويەز قاتىنايدى، سول كەزدە تارىم ويپاتىن اينالىپ جاتقان تەمىر جول ”تۇيىق شەڭبەر“ قالىپتاستىرادى. ءماسۇم: سول كەزگە بارعاندا، حوتان جولشىباي پويەز اۋىستىراتىن بەكەتكە اينالىپ، ەكونوميكانىڭ دامۋى ءتىپتى دە جەدەلدەپ، كاسىپ سالاسى ءتىپتى دە وركەندەيدى، - دەدى.
