سۋ ىشكەن سايىن بال تاتىدى

日期:2022年03月28日
来源:新疆日报
【字体:

انار بۇلت / شينجياڭ گازەتىنىڭ تىلشىلەرى ميھىرگۇل ناسىر، ليۋ دۇڭلاي

  3 - ايدا كۇللى تىرشىلىك جاندانىپ، كوكتەمنىڭ لەبى ەستى، ياركەن وزەنى كۇن شۋاعىندا جىم - جىلاس اعىپ جاتىر.

  ياركەن اۋدانى ىگەرشى قالاشىعى زايلىك قىستاعىنىڭ تۇرعىنى بۇنياز ءمامات اۋلاسىنداعى سۋ شۇمەگىنىڭ استىندا جەمىس - جيدەك، كوكونىس جۋىپ جاتىر، تۇپ - تۇنىق قۇبىر سۋى سىلدىراپ اعۋدا. قازىر ونىڭ ءۇيىنىڭ اۋلاسىنا، تازالىق بولمەسىنە، اس ۇيىنە تۇگەل سۋ شۇمەگى ورناتىلعان، بۇل ياركەن اۋدانىنداعى بارلىق اۋىل - قىستاق وتباسىلارىنىڭ ولشەمدى قۇرىلعىسى ەسەپتەلەدى.

  ”جازدا وزەن سۋىن ىشەدى، قىستا قار سۋىن ىشەدى“. مىڭداعان جىلداردان بەرى لاس كولشىك سۋى مەن جەر استىنان قۇدىق قازۋدان شىققان سور سۋ كەزىندە وڭتۇستىك شينجياڭ حالقىنىڭ نەگىزگى تۇرمىستىق اۋىز سۋى ەدى، تازا، حاۋىپسىز قۇبىر سۋىن ءىشۋ ءار ۇلت بۇقاراسىنىڭ تىلەگى بولاتىن.

  ”كولشىك سۋىن ىشۋدەن قازىر قۇبىر سۋىن ىشۋگە دەيىنگى بارىستى باستان كەشىرىپپىن، سۋىمىز بارعان سايىن تازارىپ، بارعان سايىن بال تاتىدى عوي“. بيىل 72 جاستاعى ابدۇسامات ابەي كەزىندە 10 نەشە جىل زايلىك قىستاعى تۇرعىندار كوميتەتىنىڭ مەڭگەرۋشىسى بولعان ەدى. ول ەسكە الىپ بىلاي دەدى: بۇرىن كولشىك سۋى ماۋسىم سياقتى سەبەپتەردەن كەيدە بار، كەيدە جوق ەدى، ادام مەن مالدىڭ ورتاق تۇتىنۋى دا ۇنەمى كەزدەسەتىن قۇبىلىس بولاتىن، ول كەزدە شەلەك كوتەرىپ سۋ تاسيتىنبىز، ۇيگە قايتقان سوڭ بەلگىلى ۋاقىت تۇندىرعاننان كەيىن عانا ىشۋگە بولاتىن. ”سۋدىڭ ساپاسى مەن ءدامى دە ارينە بۇگىنگىمەن ۇقسامايدى“.

  ۇكىمەت پەن كاسىپتىك تاراۋلاردىڭ تىنباي قۇلشىنۋىندا، ياركەن اۋدانىنىڭ ”تابيعاتقا قاراي سۋ الاتىن“ كۇندەرى الدەقاشان كەلمەسكە كەتتى، الايدا ادامداردىڭ تۇرمىس دەڭگەيى بارعان سايىن جاقسارىپ، سۋعا بولعان تالابى دا بارعان سايىن جوعارىلادى. بۇكىل شينجياڭنىڭ جەر - جەرى سياقتى بۇل ارادا اۋىز سۋدىڭ دارەجەسى دە دۇركىن - دۇركىن جوعارىلادى.

  2019 - جىلدان بەرى اۋىل - قىستاق اۋىز سۋ حاۋىپسىزدىگىن بەكەمدەۋ، جوعارىلاتۋ بويىنشا كوپتەگەن ينجەنەريا نىسانداردى اتقارۋ ارقىلى ياركەن اۋدانى حاۋىپسىز، سەنىمدى سۋ قاينارى ينجەنەرياسىن قۇردى. حىدۇڭ رايونىنداعى 7 اۋىل - قالاشىقتىڭ اۋىل - قىستاق اۋىز سۋ حاۋىپسىزدىگىن بەكەمدەۋ، جوعارىلاتۋ ينجەنەرياسىن مىسالعا الساق، وسى ينجەنەريامەن 2019 - جىلى 9 - ايدىڭ سوڭىندا رەسمي سۋ جەتكىزىلىپ، ىسكە قوسىلدى. تۇتاس ينجەنەريا نىسان قۇرىلىسى سۋ الۋ ينجەنەرياسى، باس سۋ زاۆودى، سۋ جەتكىزۋ قۇبىرى، سۋ ۇلەستىرۋ قۇبىرى تورابى، بولىمشە سۋ زاۆودى (قىسىم ارتتىرۋ پۋنكتى) ينجەنەرياسى سياقتى بەس ۇلكەن بولىكتى قامتيدى.

  ياركەن اۋدانى حىدۇڭ ورتالىق سۋ زاۆودىنا بارساڭىز، قاتار - قاتار تور كوزدى تۇندىرۋ كولشىكتەرى كوزگە تۇسەدى، سۋ قويماسىندا تۇندىرىلعان ياركەن وزەنى سۋى اعىپ كىرگەننەن كەيىن، A تيپتەگى كولبەۋ تاقتالى تۇندىرۋ كولشىگىنە جەتەدى، لاي كەتىرۋدىڭ ءبىر قىدىرۋ بارىسى ارقىلى قۇرامىندا تالشىقتى سۇزگىشى بار D تيپتى ءسۇزۋ كولشىگىنە اعىپ كىرىپ، سۋداعى ءتىپتى دە ۇساق تۇيىرشىكتەردى سۇزگەننەن كەيىن، سۋ تازارتۋ كولشىگىنە كىرەدى دە حلور قىشقىل ناتري تۋدىرعىش ارقىلى سۋ زارارسىزداندىرىلادى، ەڭ سوڭىندا سۋ تازارتقىشقا ءتۇسىپ دەزينفەكسيالانادى. ياركەن وزەنىنىڭ سۋى ءبىر قىدىرۋ جوعارى ولشەمدى تازارتۋ بارىسىندا سىلدىراي اعىپ، قۇددى نوتالار اسىر سالىپ، شات مەرەيلى كۇي ورىنداپ جاتقانداي بولادى.

  ”اۋىز سۋ سۋ الۋ ينجەنەرياسى ارقىلى سۋ جەتكىزۋ − سۋ زاۆودىندا سۋدى ءبىر جايلى ەتۋ تەحنولوگياسى ارقىلى تازالاۋ − سۋ ساپاسىن تەكسەرۋ جانە باقىلاۋ - ولشەۋ − بارىستارىنان سوڭ سۋ ۇلەستىرۋ قۇبىر تورابى ارقىلى شارۋالاردىڭ وتباسىنا جەتكىزىلەدى، قالىڭ شارۋا وتباسىلارى ولشەمگە جەتكەن قۇبىر سۋىن ءىشىپ وتىر“، - دەدى ياركەن اۋدانى حىدۇڭ ورتالىق سۋ زاۆودىنىڭ ورىنباسار باستىعى جاڭ تاۋ، - ”قازىر قىستاعىمىز ىشەتىن سۋ قالانىڭ ولشەمىنەن دە جوعارى“.

  قازىر ياركەن اۋدانىندا اۋىل - قىستاقتى سۋمەن شوعىرلى قامدايتىن 9 سۋ زاۆودى بار، بۇل تۇتاس اۋدانداعى اۋىل - قىستاقتاردا سۋ پايدالاناتىن 169 مىڭ وتباسىنىڭ اۋىز سۋ حاۋىپسىزدىگىن قامتاماسىز ەتتى، اۋىل - قىستاقتاردا قۇبىر سۋىن وتباسىلارىنا جەتكىزۋ مولشەرى %100كە جەتىپ، سۋ قاينارى، سۋ ساپاسى، سۋ مولشەرى سياقتى ماسەلەلەر شەشىلۋمەن بىرگە، سۋمەن قامداۋ وزىندىك قۇنى تومەندەپ، سۋمەن قامداۋعا كەپىلدىك ەتۋ مولشەرى جوعارىلادى، سونداي - اق كۇن سايىن شۇعىل بولىپ جاتقان سۋمەن قامداۋ جاعدايىن ونىمدى باسەيتىپ، مەزگىلدىك سۋ كەلمەي قالۋ، توقتاپ قالۋ ماسەلەسىن شەشىپ، سۋ قىسىمى جەتىسپەۋشىلىك، سۋ مولشەرى جەتىسپەۋشىلىك ماسەلەسىن تۇبىرىنەن شەشتى.

  جاڭ تاۋ بىلاي دەپ تانىستىردى: سۋمەن قامداۋدى باسقارۋ دەڭگەيىن ۇزدىكسىز جوعارىلاتىپ، سۋ ارقىلى جۇقپالى اۋرۋلاردىڭ تۋىلۋىنان ءونىمدى ساقتانۋ جانە ونى تىزگىندەۋ ءۇشىن، ءارقايسى اۋىل - قالاشىقتارداعى سۋمەن قامداۋ پۋنكتتەرى ءار كۇنى 24 ساعات بويى سۋدى زارارسىزداندىرۋ، ميكروب ءولتىرۋ قىزمەتىن ىستەپ، اۋىز سۋ حاۋىپسىزدىگىن قامتاماسىز ەتتى؛ سۋمەن قامداۋدا سۋدىڭ ساپاسى مەن حاۋىپسىزدىگىن قامتاماسىز ەتۋ ءۇشىن، 1000 توننالىق 10 مىڭ ادامدى سۋمەن قامداۋ سۋ زاۆودىنىڭ سۋ ساپاسىن تەكسەرۋ رەت سانى جىلىنا 2 رەتتەن تومەن بولمايدى، سونىمەن بىرگە اۋىل - قىستاق اۋىز سۋ حاۋىپسىزدىگى ينجەنەرياسى قىزمەت وتەۋ پۋنكتى سۋ ساپاسىن تەكسەرۋ ورتالىعىنىڭ لابورانت قىزمەتكەرلەرى زاۆودتان شىققان سۋدىڭ، سوڭعى بۋىنداعى سۋدىڭ ساپاسى جاعدايىنا مەرزىم بويىنشا تەكسەرۋ جۇرگىزەدى. ءار جىلى 3 - جاق سۋ ساپاسىن تەكسەرۋ قۇرىلىمىنا سۋ ساپاسىن تەكسەرۋ قىزمەتىن 2 رەت جۇرگىزۋ تاپسىرىلىپ وتىرادى.

  ”نىسان قۇرىلىسى قالىڭ ەگىنشى - مالشىلاردىڭ تازا، زالالسىز، الاڭسىز قۇبىر سۋىن ىشۋىنە مۇمكىندىك جاساۋمەن بىرگە، ءتۇرلى اۋرۋلاردىڭ تۋىلۋ مولشەرىن ءونىمدى تومەندەتىپ، اۋىل - قىستاق تۇرعىندارىنىڭ تۇرمىس ساپاسىن جوعارىلاتتى“، - دەدى ياركەن اۋداندىق اۋىل - قىستاق اۋىز سۋ حاۋىپسىزدىگى ينجەنەرياسى قىزمەت وتەۋ پۋنكتىنىڭ باستىعى ابدۇشكۇر ابلەت.

  ساندى مالىمەتتەردە كورسەتىلۋىنشە”13 - بەسجىلدىقتان“ بەرى بۇكىل شينجياڭداعى بارلىق كەدەي حالىقتىڭ اۋىز سۋ ماسەلەسى شەشىلگەن، قۇم قويناۋلارىنا، قيىر، ءۇستىرت، سۋىق، تاۋلى وڭىرلەردەگى سۋ جەتكىزىلمەگەن ەڭ سوڭعى 67 قىستاققا تۇگەلدەي سۋ جەتكىزىلدى، تاۋدىڭ ءىشى مەن سىرتىندا، وڭتۇستىك شينجياڭ مەن سولتۇستىك شينجياڭدا سۋ بارعان سايىن تۇنىق بولىپ، بارعان سايىن بال تاتي ءتۇستى.