انار بۇلت / شينجياڭ گازەتىنىڭ ءتىلشىسى ۋاڭ نا 1 - ايدىڭ 28 - كۇنى ۇرىمجىدەن حابارلايدى. اۆتونوميالى رايوندىق حالىق ۇكىمەتىنىڭ اقپارات كەڭسەسى 1 - ايدىڭ 28 - كۇنى اشقان اقپار جاريالاۋ ماجىلىسىنەن ۇعىسۋىمىزشا، «شينجياڭ ۇيعۇر اۆتونوميالى رايونىنىڭ اۋىل - قىستاقتى گۇلدەندىرۋدى جەبەۋ ەرەجەسى» 3 - ايدىڭ 1 - كۇنىنەن باستاپ اتقارىلادى ەكەن، «ەرەجەدە» جوبانى الدىمەن اتقارۋ، دارىندىلار تىرەگىن ازىرلەۋ، مادەنيەتپەن جەتەكشىلىك ەتۋ جانە اۋىل - قىستاقتى شەبەرلىكپەن جونگە سالۋ كورنەكتىلەندىرىلىپ، شينجياڭنىڭ اۋىل - قىستاقتارىن گۇلدەندىرۋدى ءۇرتىس، جالپى بەتتىك ىلگەرىلەتۋگە زاڭمەن باسقارۋ تىرەگىن ازىرلەدى.
«ەرەجە» 1 - ايدىڭ 27 - كۇنى اۆتونوميالى رايوندىق 13 - كەزەكتى حالىق قۇرىلتايىنىڭ 5 - ماجىلىسىندە قاراپ ماقۇلداندى، جالپى 11 تاراۋ، 62 تارماق، جالپى ەرەجە، جوبانى الدىمەن اتقارۋ، كاسىپ سالاسىن دامىتۋ، دارىندىلار تىرەگىن ازىرلەۋ، مادەنيەتپەن جەتەكشىلىك ەتۋ، ەكولوگياسى جايلى بولۋ، اۋىل - قىستاقتى شەبەرلىكپەن جونگە سالۋ، قالا - اۋىلدى توعىستىرۋ، قامتاماسىزداندىرۋ شارالارى، باقىلاۋ - تەكسەرۋ، قوسىمشا ەرەجە سياقتى 11 جاقتاعى مازمۇندى قامتيدى.
«ەرەجەدە» مىنالار ايقىن كورسەتىلدى: اۋىل - قىستاقتى گۇلدەندىرۋ جوباسىن عىلمي، ۇيلەسىمدى جاساۋ، قالا، اۋىلداردىڭ دامۋ كەڭىستىگىن ءبىر تۇتاس جوسپارلاۋ كەرەك، اۋىل - قىستاقتى دامىتۋ ورنالاستىرۋىن ساپالىلاندىرىپ، وڭىرلىك بايلىق قابىلەتىن تياناق ەتىپ، اۋىل - قىستاقتىڭ فۋنكتسيالىق ورنىن تۇراقتاندىرۋدى ايقىنداپ، قايتالاي قۇرىلىس جۇرگىزۋدەن جانە بايلىقتى ىسىراپ ەتۋدەن ساقتانۋ كەرەك، تاعى شارۋالاردان، مامانداردان، سونداي - اق باسقا دا مۇددەلىك قاتىناسى بار جاقتاردان پىكىر الۋ ءتيىس. قىستاق جوباسىن جاساعان كەزدە قىستاقتىڭ قازىرگى جاعدايىنا بىرلەستىرۋ، قىستاقتىڭ دامۋ زاڭدىلىعىنا بەيىمدەلۋ، وزگەشە وڭىرلىك ورتاسىن، مادەنيەت ەرەكشەلىگىن جانە قۇرىلىس ۇلگىسىن ساقتاپ قالۋ كەرەك.
دارىندىلار تىرەگىن ازىرلەۋ جاعىندا «ەرەجەدە» مىنالار تالاپ ەتىلدى: اۋدان دارەجەلىدەن جوعارى حالىق ۇكىمەتى اۋىل - قىستاق دارىندىلارى قىزمەت مەحانيزمىن ورناتىپ، اقاۋسىزداندىرىپ، دارىندىلاردى باۋلۋ، ەنگىزۋ، ىستەتۋ، شابىتتاندىرۋ شارالارىن تياناقتاندىرىپ، قوعامنىڭ ءار جاعىن اۋىل - قىستاق دارىندىلارىن تاربيەلەپ باۋلۋ، تەحنيكالىق قولداۋ كورسەتۋ، شارۋاشىلىق قۇرۋعا جەتەكشىلىك ەتۋ سياقتى قىزمەت وتەۋمەن قامداۋعا باستاپ، اۋىل - قىستاقتىڭ ءوندىرىس، شارۋاشىلىق، عىلىم - تەحنيكا، الەۋمەتتىك قىزمەت وتەۋ جانە اۋىل - قىستاقتى جونگە سالۋ سياقتى دارىندىلار قوسىنى قۇرىلىسىن كۇشەيتۋ كەرەك.
«ەرەجەدە» سونىمەن بىرگە مىنالار ايقىن كورسەتىلدى: اۋىل شارۋاشىلىق عىلىم - تەحنيكاسى دارىندىلارىنىڭ قوسىمشا قىزمەت ىستەۋ، قوسىمشا ەڭبەكاقى الۋ، جارنالىق ۇقىق مەزگىلىندەگى ۇقىعىنان بىرگە يگىلىكتەنۋ، كاسىپورىنعا باستاماشىلدىق ەتۋ، كاسىپورىن قۇرۋ، جەتىستىك ۇقىق - مۇددەسىن جايعاستىرۋ سياقتى ساياساتتىق شارالاردى كەمەلدەندىرۋ كەرەك. اۋىل - قىستاقتى دامىتۋعا شۇعىل قاجەت، تاپشى بولىپ وتىرعان دارىندىلارعا ەرەكشە قىزمەت ورنىن دايىنداۋعا بولادى، ۇنەمىلىك قىزمەت ورىن جالپى سانىنىڭ، قىزمەت اتاعىنىڭ ەڭ جوعارى دارەجەسىنىڭ جانە قۇرىلىمدىق سالىستىرمانىڭ شەكتەمەسىنە ۇشىرامايدى.
مادەنيەتپەن جەتەكشىلىك ەتۋ جونىندە «ەرەجەدە» مىنالار تالاپ ەتىلدى: اۋىل شارۋاشىلىق مادەنيەت مۇرالارى، تاريحي مادەنيەت ايگىلى قىستاعى، ايگىلى قالاشىعى، ءداستۇرلى قىستاقتار، تاريحي مادەنيەت مۇرالارى، بەيزاتتىق مادەنيەت مۇرالارى سياقتىلاردى قورعاۋدى كۇشەيتۋ كەرەك. اۋىل - قىستاق مادەنيەت بايلىعىن بىرىكتىرۋدى كۇشەيتىپ، اۋىل - قىستاق مادەنيەت كاسىپ سالاسى مەن ەكولوگيالىق اۋىل شارۋاشىلىعى، سەيىل - سەرۋەن ساياحاتى، قىزىل ساياحات، ەرەكشە حالىقتىق تۇسەلحانا، ەمدەۋ، ساۋىقتىرۋ، كۇتىمدەۋ سياقتى كاسىپ سالالارىن توعىستىرا دامىتۋ كەرەك.
اۋىل - قىستاقتى شەبەرلىكپەن جونگە سالۋ جونىندە «ەرەجەدە» مىنالار ايقىن كورسەتىلدى: اۆتونوميالى رايون پارتكوم باسشىلىق ەتەتىن، ۇكىمەت جاۋاپتى بولاتىن، دەموكراتيالى كەڭەسەتىن، قوعام سايكەسەتىن، الەۋمەت ات سالىساتىن، زاڭمەن باسقارۋ قامتاماسىز ەتىلگەن، عىلىم - تەحنيكالىق تىرەك ازىرلەنگەن وسى زامانعى اۋىل - قىستاق قوعامىن باسقارۋ ءتۇزىلىسىن جانە ءوزىن - ءوزى باسقارۋ، زاڭمەن باسقارۋ، مورالمەن باسقارۋ ءوزارا ۇشتاستىرىلعان اۋىل - قىستاق قوعامىن باسقارۋ جۇيەسىن قۇرىپ، اقاۋسىزداندىرىپ، قازىنالىق قارجى قوسۋدى نەگىز ەتكەن قىستاق دارەجەلى ۇيىمنىڭ اينالىم قاراجاتىن قامتاماسىز ەتۋ مەحانيزمىن اقاۋسىزداندىرىپ، اۋىل - قىستاقتى شەبەرلىكپەن باسقارۋ قۇرىلىسىن كۇشەيتىپ، اۋىل - قىستاقتى باسقارۋ ونىمدىلىگىن جوعارىلاتىپ، بىرگە قۇرۋدى، بىرگە باسقارۋدى، بىرگە يگىلىكتەنۋدى جۇزەگە اسىرۋ كەرەك.
اۆتونوميالى رايوندىق حالىق قۇرىلتايى قوعامدىق قۇرىلىس كوميتەتىنىڭ ورىنباسار مەڭگەرۋشى مۇشەسى، اۆتونوميالى رايوندىق حالىق قۇرىلتايى تۇراقتى كوميتەتىنىڭ اقپارات مالىمدەمەشىسى ايشام ءيۇنۇس مىنالاردى ءبىلدىردى: اۆتونوميالى رايوندىق حالىق قۇرىلتايى تۇراقتى كوميتەتى الۋان ءتۇرلى تاسىلدەر ارقىلى «ەرەجەنى» ءتۇسىندىرىپ، بايانداپ، جەر - جەردىڭ، تاراۋلاردىڭ، ءتۇرلى نەگىزگى تۇلعالاردىڭ، قالىڭ اۋىل - قىستاق كادر - بۇقاراسىنىڭ قاتىستى بەلگىلەمەلەردى دۇرىس تۇسىنۋىنە، يگەرۋىنە جەتەكشىلىك ەتەدى جانە كومەكتەسەدى.
