1 ـ ايدىڭ 6 ـ كۇنى مامەتجان ٴومار قول تەلەفون ارقىلى بولەكەي قىستاعىنىڭ سيفرلى اۋىل ـ قىستاق تۇعىرىنىڭ يقۋاتتارىن سەزىنۋدە. سۋرەتتى ٴوزى قامداعان
انار بۇلت / شينجياڭ گازەتىنىڭ ٴتىلشىسى فان چيۇڭيان
كۇندەلىكتى قىستاق ىستەرىن قىستاق كادرلارى قول تەلەفون ارقىلى بىتىرەدى؛ ۇقتىرۋ، حابارلاندىرۋدى كەرناي ارقىلى حابارلاۋدىڭ قاجەتى جوق، قىستاق تۇرعىندارىنىڭ قول تەلەفونىنا اۆتوماتتى جەتكىزىلەدى؛ ۋاقىت جانە كەڭىستىكپەن شەكتەلمەي، قىستاقتىڭ جاعدايىن دەر كەزىندە ۇعىپ، كەلەلى شەشىمدەرگە جەلىدە بەلەت تاستاۋعا بولادى... بيىل 1 ـ ايدا ”1 – شىلدە وردەنىنىڭ“ يەگەرى مامەتجان ٴوماردىڭ تۋعان جەرى — قۇلجا اۋدانى ونجار قالاشىعى بولەكەي قىستاعى سيفرلى اۋىل ـ قىستاقتان ۇلگى كورسەتۋ قىستاعى ەتىپ قۇرىلدى.
1 ـ ايدىڭ 16 ـ كۇنى بولەكەي قىستاعىنىڭ قىستاق كوميتەتىندە مامەتجان ٴومار قىستاقتا قۇرىلعان سيفرلى اۋىل ـ قىستاقتىڭ جاڭا كارتيناسىنا قاراپ، قىستاق تۇرعىندارىنىڭ زەردەلىلەنگەن جاڭا تۇرمىس كەشىرىپ جاتقانىن كورىپ، قازىرگى قىستاق پارتيا باس ياچەيكاسىنىڭ شۋجيى ٴسايبام مىرزاحمەتتىڭ يىعىن قاعىپ تەبىرەنە: ”وتە جاقسى بولدى، اۋىلداستارىمىز دا سيفرلانۋ الا كەلگەن قولايلى تۇرمىستان يگىلىكتەنە الاتىن بولدى“، ـ دەدى.
وسى زاماندانعان سيفرلى اۋىل ـ قىستاق قۇرۋ بۇرىن مامەتجان ٴومار مەن ٴسايبام مىرزاحمەت سىندى 2 ۇرپاق قىستاق پارتيا باس ياچەيكا شۋجيىنىڭ ارمانى بولاتىن، قازىر اقىرى ىسكە استى.
جۇڭگو تەلەگرافى شينجياڭ ىلە بولىمشە سەرىكتەستىگى اۋىل ـ قىستاق تيجارات ٴبولىمىنىڭ مەڭگەرۋشىسى، سيفرلى اۋىل ـ قىستاق نىسانىنىڭ جاۋاپتىسى ۋ گى بىلاي دەپ تانىستىردى: بولەكەي قىستاعىنىڭ سيفرلى اۋىل ـ قىستاقتان ۇلگى كورسەتۋ قىستاعى قۇرىلىسى ”قۇلجا اۋدانىنىڭ اۋىل ـ قىستاقتى گۇلدەندىرۋ ٴىرى ساندى مالىمەت تۇعىرى“ ارقىلى جۇزەگە اسىرىلعان، نەگىزىنەن قىستاق ىستەرىن جونگە سالۋ جانە حالىق تۇرمىسىنا قىزمەت وتەۋ سىندى 2 بولەككە بولىنگەن، مۇنىڭ ىشىندە قىستاق ىستەرى تاعى كاسىپ سالاسى ارقىلى گۇلدەندىرۋ، ۇيىمداستىرۋ ارقىلى گۇلدەندىرۋ، اۋىل سالتى وركەنيەتى سياقتى 5 ۇلكەن مودۋلگە بولىنگەن. مىسالى، پارتياعا مۇشە قابىلداۋ جاعىندا، ۇيىمداستىرۋ ارقىلى گۇلدەندىرۋ مودۋلى ارقىلى پارتياعا مۇشە قابىلداۋداعى 5 بۋىنداعى 25 باسقىشقا باسقارۋ جۇرگىزىپ، مۇشە بولاتىنداردىڭ قايسى بۋىنعا كىرۋگە ٴتيىستى ەكەندىگىنە دە ەسكەرتۋ بەرەدى.
بولەكەي قىستاعى سيفرلى اۋىل ـ قىستاق ٴىرى ساندى مالىمەت تۇعىرى ارقىلى كاسىپ سالاسى ينفورماتسياسىنا زەردەلى تالداۋ جاساپ، كاسىپورىنداردىڭ شەشىم جاساۋىنا كومەكشى بولدى. سۋرەتتى ەرىكتى ٴتىلشى ۋ گى تۇسىرگەن
ٴار كۇنى تاڭەرتەڭ ٴسايبام مىرزاحمەت پەن قىستاق تۇرعىندار كوميتەتىنىڭ مۇشەلەرى ”قۇلجا اۋدانىنىڭ اۋىل ـ قىستاقتى گۇلدەندىرۋ ٴىرى ساندى مالىمەت تۇعىرىن“ اشادى، تۇعىر قىستاق تۇرعىندارىنىڭ كىرىسى، وقۋ ـ اعارتۋ، جۇمىسقا ورنالاسۋ سياقتى 240 نەگىزگى ينفورماتسيانى جيناعان، قىستاق ىستەرىن ٴبىر جاقتى ەتۋگە دە بولادى، سونداي ـ اق الەۋمەتتىك قىزمەت وتەۋدى باسقارۋدى قىستاقتىڭ ٴاربىر بۇرىشىنا دەيىن كەڭەيتكەن.
بۇرىن قىستاق تۇرعىندارىنىڭ ينفورماتسياسىن جيناعاندا تۇگەلدەي قىستاق كادرلارى وتباسىلارىن ارالاپ قاعازعا ەستەلىككە الىپ، قايتىپ كەلگەننەن كەيىن قايتا كومپيۋتەرگە كىرگىزەتىن، قىستاق كادرى اينۇر ايداحۇن بىلاي دەدى: ”ول كەزدە بارلىق قىستاق تۇرعىندارىنىڭ ينفورماتسياسىن جيناۋدى 3 ادام 3 كۇندە ارەڭ ورىندايتىن، قازىر تۇعىر ارقىلى ٴبىر ادام ٴبىر قول تەلەفون ارقىلى ٴبىر كۇندە ورىنداي الادى، ونىڭ ۇستىنە ارتقى تۇعىردا تاعى ٴىرى ساندى مالىمەت جيناقتالىپ، قاجەتتى مالىمەت كەستەنى تۇگەلدەي سەكۋندتىق ۋاقىتتا ىزدەپ، سەكۋندتىق ۋاقىتتا شىعارىپ، قىزمەت باسىمىن جەڭىلدەتۋمەن بىرگە، قىزمەت ونىمدىلىگىن بارىنشا جوعارىلاتتى“.
اۋىل ـ قىستاقتى گۇلدەندىرۋ ٴىرى ساندى مالىمەت تۇعىرى قىستاق كادرلارىنىڭ قىستاق ىستەرىن باسقارۋىنا قولايلىلىق جاساۋمەن بىرگە، قىستاق تۇرعىندارىنىڭ اناعۇرلىم قولايلى سيفرلانعان تۇرمىس كەشىرۋىنە دە مۇمكىندىك جاسادى. بۇرىن قىستاق تۇرعىندارى تالاپتارىن قىستاق تۇرعىندار كوميتەتىنە بارىپ اڭىس ەتەتىن نەمەسە قىستاق كادرلارى وتباسىلارىن ارالاعاندا ورتاعا قوياتىن، قازىر تەك قول تەلەفونداعى شاعىن باعدارلامانىڭ ”قيىنشىلىق، تالاپ“ يقۋاتى ارقىلى تالاپتارىن قىستاق كادرلارىنا اڭىس ەتۋگە، سونداي - اق قول تەلەفون ارقىلى ٴبىر جاقتى ەتۋ اياق الىسى سياقتى جاعدايلاردى دەر كەزىندە تەكسەرۋگە بولادى. جۇمىس بىتىرۋگە تۋرا كەلگەندە، قول تەلەفوننان جۇمىس ٴبىتىرۋ باعدارناماسىن كۇنى بۇرىن كورىپ، جۇمىس بىتىرۋگە جاۋاپتى ادام مەن جۇمىس ٴبىتىرۋ ٴتارتىبىن ايقىنداپ، قىستاق تۇرعىندارى تەك ٴبىر رەت بارىپ قانا نەمەسە قول تەلەفوندا - اق بىتىرە الادى.
”مەن قىستاق ىستەرىنىڭ قىستاق تۇرعىندارىن از جۇگىرتۋىن نەمەسە جۇگىرتپەۋىن بۇرىننان ارمانداپ كەلگەن ەدىم، قازىر ارمانىم اقىرى ورىندالدى“، ـ دەدى مامەتجان ٴومار.
ۋ گى بىلاي دەپ تانىستىردى: بولەكەي قىستاعى سيفرلى اۋىل ـ قىستاقتان ۇلگى كورسەتۋ قىستاعى قۇرىلىسىن ورىنداۋدان سىرت، قازىر قۇلجا اۋدانىنداعى 153 قىستاق سيفرلى تۇعىرىنىڭ جۇمساق بولشەگىن ورناتىپ، قولدانۋ ساتىسىنا قادام تاستادى.
2021 – جىلعى ورتالىقتىڭ 1 – ٴنومىرلى قۇجاتىندا مىنالار ورتاعا قويىلدى: سيفرلى اۋىل - قىستاق قۇرىلىسىن دامىتۋ ينجەنەرياسىن اتقارۋ. مۇنىڭ ىشىندە اۋىل - قىستاقتا مىڭ مەگابايتتىق وپتيكالىق توراپ، 5 - ۇرپاق جىلجىمالى حابارلاسۋى (5G)، جىلجىمالى زات تورابىن قالانىكىمەن بىرگە جوبالاپ قۇرۋ، قۇرۋ، زەردەلى اۋىل شارۋاشىلىعىن دامىتىپ، اۋىل شارۋاشىلىعى، اۋىل - قىستاق ءىرى ساندى مالىمەت جۇيەسىن ورناتىپ، جاڭا بۋىن ينفورماتسيا تەحنيكاسى مەن اۋىل شارۋاشىلىعى ءوندىرىس - تيجاراتىنىڭ ىشكەرىلەي توعىسۋىن ىلگەرىلەتۋ سياقتى مازمۇندار قامتىلعان. سول جىلى 9 - ايدا مەملەكەتتىڭ 7 تاراۋى تاعى دا «سيفرلى اۋىل - قىستاق قۇرۋ باعدارلاماسى 1.0»دى باسىپ تاراتىپ، جەر - جەردىڭ سيفرلى اۋىل - قىستاق قىزمەتىن ىلگەرىلەتۋىنە پايدالانۋ ماتەريالىن ازىرلەدى.
