ءانۋار جانە ونىڭ كورشى اكەسى

日期:2021年01月10日
来源:新疆日报
【字体:

انار بۇلت/شينجياڭ گازەتىنىڭ ءتىلشىسى ميھىرگۇل عوپۇر

  تاياۋدا، ءتىلشى قارامايلى قالاسىنىڭ ورقى رايونىنان ءانۋار ىدىرىس پەن كورشى اكەسى شى ۋىنجۇڭنىڭ حيكاياسىن ەستىدى. ەكى وتباسى 30 نەشە جىلدىڭ الدىندا - اق كورشى ەكەن، ال قازىر ءبىر وتباسىنىڭ ادامدارىنا اينالىپتى.

  بۇعان قىزىققان ءتىلشى ورقى رايونى ورقى قالاشىعى شاعانوت قىستاعىنداعى شى ۋىنجۇڭنىڭ وتباسىنا كەلدى. پاردىڭ جىلۋىمەن ءۇي ءىشى ىسىپ تۇر، ۇستەلگە كامپيت، پراندىك، ساڭزى، شەكىلدەۋىك قويىلىپتى، ءبىر ءۇيلى جان قورالانا وتىرىپ تەلەۆيزور كورىپ، مارە - سارە بولىپ وتىر ەكەن.

  33 جىلدىڭ الدى ءانۋاردىڭ الاڭعاسار بوزبالا شاعى ەدى، كۇندەرىن جەپ - ىشۋمەن، ويناۋمەن عانا وتكىزەتىن، قارسىلاسۋ پيعىلى كۇشتى بولىپ، ۇنەمى ۇيىندەگىلەرمەن ەرەگەسىپ جۇرەتىن. كورشىسى شى ۋىنجۇڭ وسى جاستى وتە ۇناتاتىن، دەسەدە ونىڭ العا ۇمتىلۋدى قالامايتىنىن كورگەندە، ءار جولى ەرىكسىزدەن وعان تاربيە بەرەتىن. ”18 جاسقا كەلدىڭ، ەندى قىزمەت تاپپاساڭ، كەيىن قالاي تۇرمىس كەشىرەسىڭ؟ اقشا تاۋىپ ءوزىڭدى اسىراماساڭ قالاي بولادى؟ كەيىن كەلىنشەك الاسىڭ، وسىلاي كەتە بەرسەڭ، ءومىرىڭ ويران بولادى!“.

  باستابىندا جاستىق البىرتتىققا سالىنعان ءانۋار مۇلدە قۇلاق اسپادى. الايدا، شى ۋىنجۇڭ العان بەتىنەن قايتپاي، ءبىر رەت بولماسا ەكى رەت، ەكى رەت بولماسا ءۇش رەت تاربيە بەرەدى، ايتا بەرگەندىكتەن، ءانۋاردىڭ جان دۇنيەسىندە اقىرىنداپ وزگەرىس تۋىلدى.

  ”ول مەنى ءوز بالاسىنداي كورىپ، شىن جۇرەگىمەن قامىمدى جەدى، وسىلاي كەتە بەرسەم وزىمە جاۋاپكەرسىزدىك ىستەۋمەن قاتار، ماعان كوڭىل ءبولىپ وتىرعان ادامداردىڭ ءۇمىتىن دە اقتاي المايمىن“. ءانۋار بىرتە - بىرتە سەرپىلە باستايدى.

  باستابىندا ءانۋار نە ىستەرىن بىلمەيدى، كوكونىس ەگۋدەن حابارى بار شى ۋىنجۇڭ اۋلادان كوكونىس ەگەتىن جەر اشىپ بەرىپ، مايسا ساتىپ اكەلىپ وعان كوكونىس ەگۋدى ۇيرەتەدى. ءبىر جىلدا پاميدور، قىزىل بۇرىش، قيار سياقتى كوكونىستەر قاۋلاپ ءوسىپ، اجەپتاۋىر اقشاعا ساتىلىپ، ءانۋار ءبىراز قور جيادى. شى ۋىنجۇڭ تەمىردى قىزۋىندا سوعىپ، ءانۋاردى كوكونىس اتىزىن كوتەرمەگە الۋعا شابىتتاندىرادى، ونىڭ قىسىلعاندىعىن كورگەن شى ۋىنجۇڭ 20 مىڭ يۋان اقشانى قولىنا ۇستاتىپ: ”دەن قويا ىستەسەڭ بولعانى، اعايىڭ سەنى، ءسوز جوق، قولدايدى، قيىنشىلىق بولسا بىرگە توتەپ بەرەمىز“، - دەپ ونى شابىتتاندىرعان شى ۋىنجۇڭنىڭ ءسوزى ءانۋاردى قاتتى اسەرلەندىرەدى.

  وسىدان كەيىنگى كۇندەردە ءانۋاردىڭ اكە - شەشەسى ارت - ارتىنان قايتىس بولادى. ءانۋاردى الدەقاشان ءوز بالاسىنداي كورىپ كەتكەن شى ۋىنجۇڭ بەينە ونىڭ اكەسىندەي ايالاپ، قالاي ادام بولۋ، قالاي جۇمىس ىستەۋ جونىندە ۇنەمى تاربيە بەرىپ وتىرادى، ءانۋار دا شى ۋىنجۇڭدى اكەسىندەي كورىپ، كەزىككەندە اكە دەپ شاقىرادى، مەرەكە - مەيرامداردا باس قوسىپ، ەكەۋى تەرەڭ اكە - بالا سۇيىسپەنشىلىگىن ورناتادى.

  شى ۋىنجۇڭنىڭ كومەگىندە جانە ءوزىنىڭ قۇلشىنۋىندا ءانۋاردىڭ تۇرمىسى بىرتىندەپ قالىپقا تۇسەدى، كەلىنشەك الىپ، بالالى بولىپ، بارعان سايىن جايلى تۇرمىس كەشىرەدى.

  ءانۋار بولاشاعىن نىق سەنىممەن جوسپارلاپ جۇرگەن كەزدە، 2008 - جىلى 4 جاسار قىزى كەنەتتەن اۋىرىپ، شيپاحاناعا جاتىپ وپەراتسيا جاساتۋى قاجەت بولادى. جيناعان اقشاسىن كوكونىس اتىزىن كوتەرمەگە الۋعا بەرگەندىكتەن، بالاسىنىڭ وپەراتسيا اقىسىن تولەۋ ماسەلەگە اينالادى. ءانۋار جان - جاقتان قارىز سۇراپ جۇرگەندە، شى ۋىنجۇڭ 30 مىڭ يۋاندى وعان ۇستاتىپ: ”مەن بالانىڭ اتاسىمىن با، جوق؟ وسىنشاما ۇلكەن ءىس تۋىلسا ماعان نەگە ايتپادىڭ، ەشتەڭە دەمەي - اق قوي، دەرەۋ ەمدەت!“، - دەيدى، الدىندا تۇرعان كارياعا قاراپ ءانۋار ەرىكسىزدەن كوزىنە جاس الادى.

  ەكەۋىنىڭ سۇيىسپەنشىلىگى ءدال وسىنداي قامقورلىقتار بارىسىندا قويۋلاسا ءتۇستى. شى ۋىنجۇڭنىڭ ۇزدىكسىز شابىتتاندىرۋىندا جانە كومەكتەسۋىندە بۇگىنگى كۇندە ءانۋاردىڭ كوتەرمەگە العان كوكونىس اتىزى 120 مۋعا كەڭەيدى. 2020 - جىلى ول قىستاقتان شارۋالار شاتتىعى ساياجايىن اشىپ، ءبىر جىلدا 100 مىڭ يۋاننان استام كىرىس كىرگىزەدى. بالالارى دا ساۋ - سالامەت ەرجەتىپ، كۇننەن - كۇنگە باقىتتى تۇرمىس كەشىرەدى.

  ۋاقىتتىڭ زىمىراپ وتۋىمەن شى ۋىنجۇڭ مەن جۇبايى گو شىنساي جەتپىستى ەڭسەردى، ءانۋار قاي - قاشان دا شى ۋىنجۇڭنىڭ جاقسىلىعىن ەسكەرىپ، ءۇي جۇمىستارىنا قارايلاسىپ تۇرادى.

  ”ۇيگە كۇندە كەلىپ وتىرىپ قايتۋ ادەتىمە اينالدى. وتكەندە ولار مەنىڭ قامىمدى ويلادى، قازىر مەن 2 كاريانى باقىتقا كەنەلتىپ، ولارعا جاقسى قارايلاسۋىم كەرەك. شى اكەم سوزىمەن دە، ىسىمەن دە تاربيە بەرىپ، مەنىڭ ۇيرەنۋ ۇلگىم بولدى، مەن دە كوپتەگەن ادامعا كومەكتەسەمىن، كوپشىلىك بىرگە باقىتتى تۇرمىس كەشىرۋىمىز كەرەك“، - دەيدى ءانۋار.