«ۇلىم، تاماق جەمەگەن شىعارسىڭ؟ مىنە اكەلدىم، ىستىقتاي جەپ ال». 1 - ايدىڭ 14 - كۇنى تۇستە ابەيبوللا نياز تۇسكى تاماعىن الىپ، كەزەكشىلىك وتەپ جاتقان شۇي چاۋعا امانداسا كەلدى.
2016 - جىلى 11 - ايدا الەۋمەتتىك اۋماقتا وتكىزىلگەن «ۇلتتار ىنتىماعىنىڭ بەرەكەلى شاڭىراعى» قيمىلىندا كۇشار اۋدانى شينچىڭ ءمالىسى ىنتىماق جولى الەۋمەتتىك اۋماعىنىڭ مەڭگەرۋشىسى شۇي چاۋ وسى الەۋمەتتىك اۋماقتىڭ تۇرعىنى ابەيبوللامەن جۇپ قۇراپ، تۋىس بولدى. سول كەزدەن باستاپ، شۇي چاۋ ۋاقىتى شىقسا بولدى ابەيبوللاعا امانداسا بارادى. بىرتە - بىرتە ەكەۋى بارعان سايىن جاقىنداسىپ، ارالارىنداعى قاتىناس باستابىنداعى الەۋمەتتىك اۋماقتىڭ كادرى مەن تۇرعىنى قاتىناسىنان قازىرگى اكە - بالا قاتىناسىنا دامىدى.
شۇي چاۋ بىلاي دەيدى: «ابەيبوللا اكەممەن بولعان سۇيىسپەنشىلىك ءوزارا كوڭىل ءبولۋ، قامقورلىق جاساۋ بارىسىندا بىرتىندەپ تۋىنداعان».
بيىل 72 جاستاعى ابەيبوللانىڭ 3 ۇلى بار. 2016 - جىلى ابەيبوللانىڭ 2 - ۇلى ناۋقاستان قايتىس بولادى، بۇل وعان اۋىر سوققى بولىپ تيەدى. شۇي چاۋ ابەيبوللانىڭ كوڭىلسىز جۇرگەنىن كورىپ ىشتەي قاتتى قينالادى. سونىمەن شۇي چاۋ ۋاقىتى شىعا قالسا بولعانى وعان امانداسا بارىپ اڭگىمەلەسىپ، بىرگە تاماق ءىشىپ، سىرتقا ەرتىپ شىعىپ كوڭىلىن سەرگىتەدى. بۇكپەسىز بايلانىستىڭ ارقاسىندا ابەيبوللانىڭ كوڭىل كۇيى بىرتىندەپ جاقسارا باستايدى.
«شۇي چاۋ كەلسە بولعانى كوڭىل كۇيىم كوتەرىلىپ قالادى»، - دەيدى ابەيبوللا قۋانىپ.
شۇي چاۋدىڭ كۇندەلىكتى قىزمەتى توتەنشە قاربالاس، كەيدە قاربالاستىقتان تاماق جەۋگە دە مۇرساسى تيمەيدى، ابەيبوللا ۇيدە جاساعان پالاۋ، لاڭمان سياقتى تاماقتاردى بالاسىنا اپارىپ بەرىپ تۇرادى. شۇي چاۋ دا ۋاقىتى شىققاندا ايەلى مەن بالاسىن ەرتىپ ابەيبوللاعا امانداسا بارادى. ابەيبوللا وتباسىنىڭ سۋ، توك كارتچكاسىنداعى اقشا تاۋسىلىپ قالسا، شۇي چاۋ اقشاسىن تاپسىرىپ قويادى. شۇي چاۋدىڭ وتباسىنداعى ۇلكەندى - كىشىلى ىستەرگە ابەيبوللا دا ەرەكشە كوڭىل بولەدى.
«وقۋدان قايتقان قىزىمدى الىپ قايتۋعا مۇرسام تيمەگەندە، اكەم ونى ەرتىپ كەلەدى. بىلتىر شوفەرلىك كۋالىك العان ەدىم، اۆتوكولىك ساتىپ الماعانىمدى كورگەن اكەم مەنەن <اقشاڭ جەتپەي تۇر ما> دەپ سۇراپ، ماعان قارجىلاي كومەكتەسەتىندىگىن ايتتى. مۇنداي ىستەر وتە كوپ. قازىر ءبىز ءبىر - ءبىرىمىزدى قۇرمەتتەپ، ءبىر - بىرىمىزگە جان اشىر بولىپ، ناعىز ءبىر وتباسىنىڭ ادامدارىنا اينالدىق»، - دەيدى شۇي چاۋ.
شۇي چاۋدىڭ شىن جۇرەگىمەن سەرىك بولۋى جانە قامقورلىق جاساۋى ارقاسىندا ابەيبوللا قايعى - قاسىرەتتەن ايىقتى. «بيىل كوكتەم مەرەكەسىندە ابەيبوللا اكەمدى تۋعان جەرىم شاندۇڭعا ەرتىپ بارىپ، جاڭا جىلدى سول جەردە وتكىزۋدى جوسپارلاپ وتىرمىن»، - دەدى شۇي چاۋ كۇلىمسىرەي.
