ءتىلشى باي سۋجۇن
1 - ايدىڭ 19 - كۇنى جياڭ يشين بوساعالىق، ماڭدايشالىق، تۇمشالامالى شام، سونداي - اق پويەز بەلەتىن ساتىپ الدى. ول 25 - كۇنى جاڭا جىلدىق تارتۋلارىن الىپ قىستاقتاعى ءىنىسى احىمەت مامەتكە امانداسا بارىپ، ءىنىسى مەن ونىڭ كورشىلەرىنىڭ بوساعالىق جاپسىرىپ، تۇمشالامالى شام اسىپ، كوكتەم مەرەكەسىن قۋانىشپەن قارسى الۋىنا كومەكتەسپەك.
بيىل 45 جاستاعى احىمەت حوتان ايماعى گۇما اۋدانى كوكتەرەك اۋىلى امۇتلۇق قىستاعىندا تۇرادى. 2016 - جىلى 10 - ايدىڭ اياعىنداعى «ۇلتتار ىنتىماعىنىڭ بەرەكەلى شاڭىراعى» قيمىلىندا اۆتونوميالى رايوندىق ۇلت ىستەرى كوميتەتىنىڭ كادرى (ءدىن ىستەر مەكەمەسى) جياڭ يشين مەن احىمەت جۇپ قۇراپ، تۋىس بولعان.
اكە - شەشەسى ناۋقاس سەبەبىنەن ەرتەرەك كوز جۇمعان احىمەت مۇگەدەك قارىنداسىمەن بىرگە تۇرمىس كەشىرەتىن. «ايەلىمنىڭ قىزمەتى جوق، ۇلىم ورتالاۋ مەكتەپتىڭ 2 - جىلدىعىندا وقيدى، وتباسىمنىڭ قيىنشىلىعى اۋىر، 4 مۋعا ىلىنە بەرمەيتىن ەگىستىك جەردەن كىرەتىن كىرىس وتباسىمىزدىڭ كۇندەلىكتى شىعىسىنا جەتە بەرمەيدى، مەن قولىم بوساي قالسا بولعانى كۇندىك ىستەپ اقشا تابامىن»، - دەدى احىمەت اعاسىنا وتباسىنىڭ جاعدايىن تانىستىرىپ.
جياڭ يشين باستاپتا احىمەتتىڭ جۇك تاسىپ اقشا تابۋى ءۇشىن وعان ءۇش دوڭگەلەكتى توك موتوتسيكل ساتىپ الىپ بەرەدى.
بۇل ءۇش دوڭگەلەكتى توك موتوتسيكل احىمەتكە ءۇمىت باعىشتادى. ادەتتە ول موتوتسيكلىن جۇرگىزىپ ءوزىنىڭ ەگىس جۇمىستارىن ىستەگەنىمەن قويماي، قايسى ءۇيدىڭ نەندەي قاجەتى بولا قالسا سوعان كومەكتەسىپ جۇك تاسىپ، كۇنىنە 100 يۋاننان استام كىرىس كىرگىزەدى. احىمەت بىلاي دەدى: «بۇل ءۇش دوڭگەلەكتى توك موتوتسيكل وتە پايدالى بولدى، ونىمەن، ەڭ كوپ بولعاندا، كۇنىنە 900 يۋانعا دەيىن اقشا تاپقان شاقتارىم دا بولدى، جياڭ اعاما شىن كوڭىلدەن راقىمەت ايتامىن، جياڭ اعام ءبىزدىڭ ۇيگە بىرنەشە رەت كەلگەندە مەنىڭ جۇك تاسىپ قاربالاس جۇرگەنىمدى كورىپ تاماق ىستەپ بەردى، اعام اس ازىرلەۋگە شەبەر ەكەن، ءبىر ءۇيلى جان ونىڭ ىستەگەن ءدامى ءتىل ۇيىرەتىن تاماعىن جەپ قارىق بولىپ قالدىق».
ارالاس - قۇرالاستىقتارىنىڭ قويۋلاۋىنا ىلەسە، جياڭ يشين احىمەتكە ءبيداي سابانىن ساتىپ الىپ، جەم - ءشوپ مانەرلەپ ساتساڭ دەپ اقىل ايتادى، بۇل وسى وتباسىنىڭ جاڭا كىرىس كوزىنە اينالادى.
2018 - جىلى جازدا جياڭ يشين احىمەتتىڭ اۋلا شارۋاشىلىعىمەن اينالىسۋىنا كومەكتەسەدى، احىمەتتىڭ ايەلى قوي جانە تاۋىق باعىمشىلىعىمەن اينالىسادى. احىمەت: جياڭ اعاي وتباسىمىزعا كىرىسىمىزدى ارتتىرىپ، كەدەيلىكتەن ارىلۋدىڭ كوپتەگەن تاماشا تاسىلدەرىن ۇيرەتتى، - دەپ اۋىز جاپپاي ماقتادى.
«جياڭ اعايمەن جۇپ قۇراپ تۋىس بولۋ وتباسىمىزدىڭ ۇلكەن تالەيى بولدى، جياڭ اعايدىڭ كومەگىمەن كەدەيلىكتەن ارىلىپ، مەنىڭ اۋقاتتانۋ سەنىمىم تىپتەن بەكەمدەلە ءتۇستى»، - دەدى احىمەت.
2017 - جىلى 8 - ايدىڭ 1 - كۇنى جياڭ يشيننىڭ قىزىن ەرتىپ، بازارلىعىم دەپ سۋ جاڭا كيىم - كەشەك، ءتاتتى - تارمەك جانە ءبىرتالاي جاڭا كىتاپ الا كەلگەنى احىمەتتىڭ ويىنان كەتپەيدى.
احىمەت بىلاي دەدى: «سول كۇنى ۇلىم قۋانعانىنان تۇنىمەن ۇيىقتاي الماي شىقتى، ول جياڭ اعايدىڭ قىزىنىڭ قاسىنان شىقپاي، ونىڭ بەيجيڭدە وقىعانداعى قىزىقتارىن تىڭداۋمەن بولدى. بىلتىر 8 - ايدا ۇلىم جياڭ اعايدىڭ قىزمەت ورنى ۇيىمداستىرعان جازدىق لاگەر قيمىلىنا قاتىناستى، قازىر ول ەرجەتىپ قالدى، داشۋەگە شىعىپ وقىپ، سىرتقى دۇنيەنى كورۋگە ابدەن بەكىنىپ ءجۇر».
جياڭ يشين بىلاي دەدى: «ءىنىم اسا قاراپايىم، كەلىنىم ەكەۋىنىڭ سۇيىسپەنشىلىگى تەرەڭ. ءىنىمنىڭ قولىما جاڭعاق ۇستاتقانى، كەلىنىمنىڭ ماعان سىم تىگىپ بەرگەنى ەسىمنەن كەتپەيدى، ءار جولى تۋىسشىلاي كەلگەنىمدە مەن وسى سىمدى كيىپ كەلەمىن، 2 جىلدان استام ۋاقىت ارالاس - قۇرالاس بولا ءجۇرىپ، ءبىز ءبىر ءۇيلى جاننىڭ ادامدارىنداي ەتەنە بولىپ كەتتىك. مەيلى قانداي جاعدايعا جولىقسا دا ءىنىم ەڭ الدىمەن مەنى ەسكە الادى. ادەتتە ەرلى - زايىپتى ەكەۋى اعالاپ امانداسىپ تۇرادى، ءبىزدىڭ بۇل بال جالاسقان باۋىرلاستىق سۇيىسپەنشىلىگىمىزدىڭ ماڭگى جالعاسۋىن ءۇمىت ەتەمىن...».
