تۋىستىڭ جانۇياسىندا ىرىستى جىل اڭگىمەسى شەرتىلدى
باس قوسۋ اسىن جەپ، ىشتەسە سىرلاسىپ، شارۋا ءۇيىنىڭ جۇمىسىن ىستەدى... وسى رەتكى ۇزاق دەمالىستا، رايونىمىزداعى قىرۋار كادر، جۇمىسشى - قىزمەتشىلەر تارتۋ - تارالعىلارىن الىپ اۋىل - قىستاقتارعا، الەۋمەتتىك اۋماقتارعا بارىپ، جۇپ قۇراعان تۋىستارىمەن باس قوسىپ، مەرەكەنى بىرگە تويلادى، بىرگە شاتتىققا بولەنىپ، ۇلتتار ىنتىماعى سۇيىسپەنشىلىگىن بىردەي تىلگە تيەك ەتتى.
9 - ايدىڭ 30 - كۇنى يوپۇرعا اۋدانى يوپۇرعا اۋىلى قارا ءۇجما قىستاعىنىڭ تۇرعىنى ءزىننات مۇسا ەرتەمەن ءۇيىن سىپىرىپ تازالاپ، سافانىڭ سۇيەنىش جاستىعىن جاڭادان اۋىستىردى، ادەمى كويلەگىن كيدى، ايكۇلشە، ساڭزى، نان جانە جەمىس - جيدەك سياقتىلاردى ۇستەلگە ءتىزىپ، جاقىندارىنىڭ كەلۋىن كۇتتى. اۆتونوميالى رايوندىق قاتىناس - تاسىمال مەڭگەرمەسىنىڭ كادرى ياۋ لي ونىڭ ۇيىنە كەلە سالا، ەكەۋى قۇشاقتاسىپ امانداستى، ”ءبىز مەملەكەت مەرەكەسىن، جۇڭچيۋ مەرەكەسىن بىرگە وتكىزەتىن بولدىق، شاعان مەرەكەسىن وتكىزگەننەن بەتەر كوڭىلدىمىز“.
جۇپ قۇراعان تۋىستاردىڭ ۇنەمى ات ءىزىن سالۋى وسى زامانعى وركەنيەتتىڭ جاڭا لەبىن دە اۋىل - قىستاقتارعا الا كەلدى. قازىر قىستاق تۇرعىندارىنىڭ قاي - قايسىنىڭ ۇيىنە بارا قالساڭىز، ءۇيدىڭ ءىشى مەن سىرتى بىردەي تازا - رەتتى، ءۇي جيھازدارى، ەلەكتر جابدىقتارى ءتۇرى دە بارعان سايىن كوبەيگەن، كيىم كيىنىستەرى مەن بوي تۇزەۋى دە بارعان سايىن ساندەنە تۇسكەن.
قۇتىبي اۋدانى دافىڭ قالاشىعى گاۋچياۋ قىستاعىنا بارا قالساڭىز، شارۋا ۇيلەرىنىڭ شاعىن اۋلالارىنان جەمىس - جيدەكتىڭ حوش ءيىسى اڭقيدى. ”قازىر اسفالت جولدار تەپ - تەگىس، ۇيلەر ساۋلەتتى، كۇندەرىمىز دە ءتاپ - ءتاتتى ءوتىپ جاتىر“، - دەدى اۋلانى تازالاپ جاتقان قىستاق تۇرعىنى ارزىگۇل مامەت جادىراي كۇلىپ. ىمىرت ۇيىرىلگەندە، قىستاق تۇرعىندارى ءبارى دە قىستاق كوميتەتىنىڭ اۋلاسىنا كەلىپ، جۇپ قۇراعان تۋىستارمەن بىرگە ءان ايتىپ، ءبي بيلەپ، مەرەكەنى بىرگە تويلادى.
10 - ايدىڭ 1 - كۇنى اقتاۋ اۋدانى بارىن اۋىلى جاي قىستاعىنىڭ تۇرعىنى وسمان ۇسەيىن تۋىسى اقتاۋ اۋداندىق حالىق سوتى مەكەمەسىنىڭ قىزمەتكەرى حاۋ پىڭمەن بىرگە ايكۇلشە پىسىردى، ولار ءدامدى قۇجىردان ءدام تاتتى، جۇرەكتەرىندە باقىت سەزىمى تولقىدى. ”مەملەكەت بولعاندا عانا وتباسى بولادى، وتباسى بەرەكەلى بولسا، تۇرمىس باياشات بولادى. ءبىر نيەتپەن ىنتىماقتاسىپ پارتياعا ىلەسسەك، تۇرمىسىمىز بارعان سايىن جاقسارادى“، - دەدى حاۋ پىڭ.
قاشقار قالاسى نازارباع قالاشىعى چيانجين قىستاعىندا، اۆتونوميالى رايوندىق ايەلدەر بىرلەستىگىنىڭ جۇپ قۇراعان كادرلارى تۋىستارىمەن بىرگە ”وتانعا تىلەك تىلەيمىن“ اتىندا قيمىل ورىستەتتى. قىستاق تۇرعىنى ءساليما سۇلتان: ”بۇگىنگىدەي تۇرمىس كەشىرۋىمىزدە ءبىز پارتيا مەن مەملەكەتكە العىس ايتۋىمىز، باس شۋجي شي جينپيڭگە العىس ايتۋىمىز كەرەك“ دەپ داۋىسىن كوتەرە سويلەگەندە، تومەننەن دۋ قول شاپالاق ءۇنى كوتەرىلدى.
10 - ايدىڭ 2 - كۇنى ونسۋ اۋداندىق سالىق مەكەمەسىنىڭ كادرى لي چۇنشيۋ ىستەمشى اۋىلى ىستەمشى قىستاعىنا كەلىپ، تۋىسى ورگۇل روزىمەن بىرگە جاڭعاق الدى، سۋرەتكە ءتۇسىپ دوستىق شەڭبەرىندە ”تۋىسىمنىڭ جاڭعاعى، قابىعى جۇقا، ءوزى ءىرى، ءدامى ءتىل ۇيىرەدى، ساتىپ الۋلارىڭىزدى قارسى الامىز...“ دەپ جار سالدى. لي چۇنشيۋ بىلاي دەدى: ”بيىلعى مول ءونىم وڭاي - وسپاق قولعا كەلگەنى جوق، مەن، ءسوز جوق، كوبىرەك ءادىس - امال قاراستىرىپ، تۋىسىمنىڭ كىرىسىن مولايتۋىنا جاردەمدەسەمىن“.
