بيىل ءبىر ميلليون 120 مىڭ كادر، جۇمىسشى - قىزمەتشى حال سۇراي بارعان نەگىزگى ساتىداعى بۇقارا 30 نەشە ميلليون ادامعا (رەت) جەتتى
ءتىلشى ميھىرگۇل عوپۇر 12 - ايدىڭ 30 - كۇنى ۇرىمجىدەن حابارلايدى. 12 - ايدىڭ 10 - كۇنى اۆتونوميالى رايوندىق حالىقتىق اۋە قورعانىس قۇرىلىسىن جوبالاۋ - زەرتتەۋ ورنىنىڭ باس ينجەنەرى گى شين ەرتە باستان دايىنداپ قويعان ەلەكتر جىلىتقىنى نۇسقاپ تۇرىپ: وڭتۇستىك شينجياڭدا قىس كۇنى ءتۇن وتە سۋىق بولادى، ەلەكتر جىلىتقى بولسا، تۋىسىم ياسىن مامەت وتباسى قىستان توڭباي شىعادى، - دەدى.
2 جىلدىڭ الدىندا گى شين پوسكام اۋدانى ەكىسۋ اۋىلى جاربۇلاق قىستاعىنىڭ تۇرعىنى ياسىنمەن جۇپ قۇراپ تۋىس بولعان ەدى. بيىل گى شين تۋىسىنىڭ ۇيىنە 6 رەت باردى، ءار رەت بارعاندا بىرنەشە كۇن تۇراتىن، تۋىسىنىڭ ۇلكەن - ۇساق شارۋالارىن گى شين قاشاندا ويلاپ جۇرەتىن. قازىر ەكى ءۇيدىڭ ادامدارى ءبىر ءۇيدىڭ ادامدارىنداي تاتۋ بولىپ كەتتى.
بيىل اۆتونوميالى رايوندىق پارتكوم ۇلتتار ىنتىماعى «تۋىستاسۋ اپتالىعى» قيمىلىن ورىستەتۋدى ۇدايىلاندىرۋ جونىندە ورنالاستىرۋ جاسادى، «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلى ۇزدىكسىز تەرەڭ ىلگەرىلەپ، ءار ۇلت اعا - باۋىر، اپەكە - سىڭلىلەر ءوزارا بارىس - كەلىس جاساپ، ءبىر - بىرىنە قارايلاستى. نەگىزگى ساتىداعى ءار ۇلت بۇقاراسىنىڭ مۇڭ - مۇقتاجى، ارمان - تىلەگى كادرلاردىڭ، جۇمىسشى - قىزمەتشىلەردىڭ كوكەيىندە جۇرەتىن ماسەلەگە اينالىپ، ءار ۇلت كادرلارى مەن بۇقاراسى شىنىمەن ءبىرىن - ءبىرى جانىنداي كورەتىن، ءبىرىن - ءبىرى قادىرلەيتىن ءبىر ءۇيدىڭ ادامىنداي بولىپ، بۇقارانىڭ تابىس سەزىمى، باقىت سەزىمى، حاۋىپسىزدىك سەزىمى ۇزدىكسىز ارتتى.
بيىل 1 - ايدان 11 - ايدىڭ سوڭىنا دەيىن بۇكىل رايونىمىزدىڭ ايماق، وبلىس، قالالارىنان، ورگان، كاسىپورىن، ءىسورىندارىنان، ورتالىقتىڭ شينجياڭداعى ورىندارىنان (كاسىپورىن)، شينجياڭ اسكەري رايونىنان، شينجياڭ ءوندىرىس - قۇرىلىس بيڭتۋانىنان، قارۋلى ساقشى شينجياڭ باس اترەتىنەن، ت. ب ءبىر ميلليون 120 مىڭ كادر، جۇمىسشى - قىزمەتشى نەگىزگى ساتىداعى ءبىر ميلليون 690 مىڭ ءار ۇلت بۇقاراسىمەن جۇپ قۇراپ، تۋىس بولىپ، حال سۇراي بارعان بۇقارا 31 ميلليون 490 مىڭ ادامعا (رەت)، قونعان وتباسى شامامەن 10 ميلليون 50 مىڭعا (رەت) جەتتى.
تۋىستارىمەن بىرگە قامىر يلەپ، نان جابادى، مەرەكەنى بىرگە وتكىزدى، تۋىستارىنىڭ بالالارىنىڭ تاپسىرماسىن پىسىقتاتتى، تۋىستارىنا كومەكتەسىپ ماقتا جينادى، تۋىستارىن ەرتىپ ءۇرىمجىنى ساياحاتتاتتى... بيىل جىل باسىنان بەرى بۇكىل رايونىمىزدىڭ ءار دارەجەلى ورگاندارى، ورىندارى جۇپ قۇراپ، تۋىس بولۋ نەگىزىندە قيمىل فورماسىن ۇزدىكسىز جاڭالاپ، قيمىل مازمۇنىن بايىتىپ، دوستىقتى تەرەڭدەتەتىن، سۇيىسپەنشىلىكتى ارتتىراتىن «ۇلتتار ىنتىماعىنىڭ بەرەكەلى شاڭىراعى» جانە ۇلتتار ىنتىماعى بىرلەسكەن دوستىق قيمىلىن ورىستەتىپ، ۇلتتار ىنتىماعىن قىزمەتتىڭ، تۇرمىستىڭ ءار جاعىمەن توعىستىردى. ءار ۇلت بۇقاراسىنىڭ جاناشىر - جاقىنى كوبەيۋمەن بىرگە، «ساياسات سويلەيتىن، زاڭدى بىلەتىن، بىلەرى كوپ» سۇيەنىشى دە كوبەيدى.
«2018 - جىلى رايونىمىزدىڭ <ۇلتتار ىنتىماعىنىڭ بەرەكەلى شاڭىراعى> جانە ۇلتتار ىنتىماعى بىرلەسكەن دوستىق قيمىلى تاباندىلىقپەن تەرەڭدەپ، تەرەڭدەۋ بارىسىندا دامىپ، قيمىلدى ورىستەتۋ تۇزىمدەندى، تۋىستارىنا بارۋ، وتباسىلارىن ارالاۋ ۇدايىلاندى، يدەيالىق جاقتان جەتەكتەۋ دالمە - ءدال بولدى، دوستاسىپ سۇيىسپەنشىلىكتى تەرەڭدەتۋ جالپىلاستى، جۇرت تىلەگى بارىنشا توعىستى، وڭ ەنەرگيانى تاراتۋ جالپىلاستى. قالىڭ كادرلار، جۇمىسشى - قىزمەتشىلەر نەگىزگى ساتىداعى بۇقارامەن بىتە قايناسىپ، ەتەنە ارالاستى، پارتيانىڭ ءۇنى سان مىڭداعان وتباسىلارىنا جەتىپ، ءار ۇلت بۇقاراسىنىڭ كەدەيلىكتەن ارىلىپ، بايۋىنىڭ ىشكى قوزعاۋشى كۇشى ارتىپ، وركەنيەتتى تۇرمىستى ۇستانۋ تىلەگى كۇشەيىپ، كادرلاردىڭ، جۇمىسشى - قىزمەتشىلەردىڭ قىزمەت ستيلى كورنەكتى جاقسارىپ، ۇلتتار ىنتىماعىن پارمەندى بەكەمدەپ، دامىتىپ، قوعامنىڭ جاراسىمدىلىعىن، ورنىقتىلىعىن جەبەدى»، - دەدى اۆتونوميالى رايوندىق پارتكوم بىرلىكساپ ءبولىمىنىڭ ۇنەمىلىك ىستەرگە جاۋاپتى ورىنباسار باستىعى پۋ شۋەمەي.
قاشقار ايماقتىق پارتكوم پارتيا مەكتەبى پارتيا قۇرىلىسى، زاڭ وقىتۋ - زەرتتەۋ كەڭسەسىنىڭ مەڭگەرۋشىسى لياڭ ميڭشيا ۇنەمى اۋىل - قىستاققا بارىپ قوعامدىق تەكسەرۋ - زەرتتەۋ جۇرگىزەتىن، ول بىلاي دەدى: «قىستاق تۇرعىندارى پارتيانىڭ ابزال ساياساتتارىن ءبىلۋدى اڭسايدى، وسى زامانعى تۇرمىس تاسىلىنە دە تالپىنادى، تۋىس بولعان كادرلاردىڭ ۇگىت - لەكسياسى توتەنشە قارسى الۋعا بولەندى. قازىر كادرلار مەن بۇقارانىڭ قاتىناسى بارعان سايىن قويۋلاپ، قىستاق تۇرعىندارىنىڭ وسى زامانعى وركەنيەتتى، جاڭا سالتتى قابىلداۋ دەڭگەيى بارعان سايىن جوعارىلاپ، تۇرمىس ءتاسىلى وزگەرىپ، كوزقاراسى دا جاڭالاندى».
