”اعامنىڭ كۇندەلىكتى قىزمەتى قاربالاس، ۋاقىت شىعارۋىنىڭ ءوزى قيىن. بۇگىن ارنايى ماعان سەرىك بولىپ، بىرگە اۆتوكولىك جوندەدىك، ەڭبەك بارىسىندا وتباسىنداعىلاردىڭ تاپتىرماس باس قوسۋ ءلاززاتىنان يگىلىكتەندىك“. 5 - ايدىڭ 1 - كۇنى ءۇرىمجى قالاسى شۇيموگوۋ رايونى ۋيحۋلياڭ اۋماعى باسقارۋ كوميتەتى ليجيڭ سولتۇستىك الەۋمەتتىك اۋماعىنداعى ليجيڭ مەيىربان اۆتوكولىك جوندەۋ دۇكەنىندە دۇكەن قوجايىنى اليكەرىم ءانۋار حى يافيدى كورسەتىپ: ”مەنىڭ اعام دا اۆتوكولىكتى ۇناتادى، ەكەۋىمىز اۆتوكولىكتى بىرگە جوندەسەك، جۇمىس تەز تىنعانداي سەزىنەمىز“، - دەدى كۇلە.
28 جاستاعى اليكەرىم جاقىن تارتىپ ”اعا“ دەپ وتىرعان حى يافي ۋيحۋلياڭ اۋماعى باسقارۋ كوميتەتى پارتيا قىزمەتى كوميتەتىنىڭ ورىنباسار شۋجيى. 2018 - جىلى حى يافي ليجيڭ سولتۇستىك الەۋمەتتىك اۋماعى پارتيا باس ياچەيكاسىنىڭ شۋجيى مىندەتىنە تاعايىندالعان كەزدە، اليكەرىمنىڭ تۇراقتى قىزمەتى جوق ەكەندىگىن، تاياۋدا ۇيلەنىپ، بالالى بولعاندىعىن، تۇرمىسىندا قيىنشىلىق بار ەكەندىگىن ۇعىسادى. سونىمەن حى يافي ونىمەن تۋىس بولادى. حى يافي كوپ رەت ارالاسۋ بارىسىندا اليكەرىمنىڭ اكەسى رەمونت زاۆودىنىڭ جۇمىسشىسى ەكەندىگىن، ونىڭ ادەتتە اۆتوكولىك جوندەۋ تەحنيكاسىن ۇڭىلە زەرتتەۋدى جاقسى كورەتىندىگىن ءبىلىپ، حى يافي وعان اۆتوكولىك جوندەۋ دۇكەنىن اشۋ ۇسىنىسىن بەرەدى.
اليكەرىم اكەسىمەن اقىلداسقان سوڭ، ۇيلەرىنىڭ الدىنان اۆتوكولىك جوندەۋ دۇكەنىن اشۋعا بەكيدى. حى يافيدىڭ كومەگىندە 2018 - جىلى اليكەرىمنىڭ ”ليجيڭ مەيىربان اۆتوكولىك جوندەۋ“ دۇكەنى اشىلادى.
قاس قاققانشا 2 جىل وتە شىقتى، اليكەرىمنىڭ ساۋداسى كۇن سايىن كۇسەت بولا باستادى؛ حى يافيدىڭ قىزمەت ورنىندا دا وزگەرىس بولدى، الايدا ەكەۋىنىڭ باۋىرلاستىق سۇيىسپەنشىلىگى ۇزىلمەدى. ۋاقىتى بولا قالسا حى يافي وعان امانداسا بارادى. ”مەن ىنىشەگىمنەن وسى ونەردى ۇيرەنۋدى ۇناتامىن، كەلگەن سايىن كوپ تابىسقا يە بولامىن“، - دەدى حى يافي.
اليكەرىم: ”تۇرمىسىم بارعان سايىن جاقساردى، وسىنىڭ بارلىعى اعامنىڭ كومەگىنىڭ ارقاسى“ دەدى.
