ۋاڭسان كوشەسىندەگى ”جۇرەكتەستەر اعاشى“ءتىپتى دە كوپ كوشەلەر مەن اۋماقتارعا ەگىلدى
كوكتەمنىڭ سالقىن سامالى ەسىپ، اعاشتار بۇرشىك جارا باستادى. 4 - ايدىڭ 12 - كۇنى اقسۋ قالاسى ۋاڭسان كوشەسىندەگى 70 ساۋداگەر جۇپ قۇراعان تۋىستارىمەن بىرگە ”جۇرەكتەستەر اعاشىنا“ بەلگى تاقتى، بۇل ولاردىڭ بىلتىر 10 - ايدا بىرگە ەككەن ۇلتتار ىنتىماعى اعاشى، ول ءار ۇلتتىڭ ءبىرىن - ءبىرى قورمال كورەتىن تەرەڭ سۇيىسپەنشىلىگىنە كۋا بولۋدا.
ۋاڭسان كوشەسى اقسۋ قالاسى حۇڭچياۋ ءمالىسى حۇڭچياۋ الەۋمەتتىك اۋماعىندا، جەرگىلىكتى ورىنداعى ۇلتتىق ەرەكشەلىگى ەڭ قويۋ ساۋدا - ساتتىق جاياۋلار كوشەسى، ساۋداگەرلەردىڭ دەنى ۇيعۇرلار. بەرتىنگى جىلداردان بەرى، كوشەدەگى ساۋداگەرلەر جاقىن ماڭداعى شيڭلۇڭ كوشەسىندەگى حانزۋ ساۋداگەرلەرمەن جۇپ قۇراپ، تۋىس بولدى، بارىس - كەلىستەرىنىڭ جيىلەۋىنە ساي سۇيىسپەنشىلىكتەرى كۇننەن - كۇنگە تەرەڭدەپ، ۇلتتار ىنتىماعىنىڭ كوز تارتاتىن كوركەم كورىنىسىنە اينالدى. حۇڭچياۋ الەۋمەتتىك اۋماعى بىلتىر ”مەملەكەتتىك ۇلتتار ىنتىماعى، العاباسارلىعىنداعى ۇلگىلى كوللەكتيۆ“ اتاعىنا يە بولعان.
”قازىر ۋاڭسان كوشەسىندە جۇپ قۇراپ، تۋىس بولۋ قيمىلى 6 كەزەك ورىستەتىلدى، 159 ساۋداگەردىڭ جۇپ قۇراعان تۋىسى بار، ولار ءوزارا مادەنيەت ۇيرەنىپ، ساۋدادا ءوزارا كومەكتەسىپ، تۇرمىستا ءوزارا قارايلاسىپ، ونەرلەرىن ءوزارا ۇيرەتىپ، تاتۋ - ءتاتتى ۇلكەن شاڭىراققا اينالدى“، - دەدى حۇڭچياۋ الەۋمەتتىك اۋماعىنىڭ مەڭگەرۋشىسى ايشامگۇل امەت ماقتانىشپەن.
ۋاڭسان كوشەسىنە بارساڭىز، جۇپ قۇراپ، تۋىس بولعان ساۋداگەرلەردىڭ ەسىگىنە تۇگەلدەي ”ۇزدىك ساۋداگەرلەردىڭ جۇپ قۇراۋىنىڭ ۇلگىلى دۇكەنى“ دەگەن تاقتايشا ىلىنگەن، دۇكەندە تاعى جۇپ قۇراعانداردىڭ بالا - شاعاسىمەن تۇسكەن سۋرەتى دە بار.
ىندەتتەن ساقتانۋ - تىزگىندەۋ كەزىندە، جۇپ قۇراعان تۋىستار تەلەفون، ينتەرنەت ارقىلى ءبىر - بىرىنە كوڭىل ءبولىپ، ساقتانۋدى، قورعانۋدى ەسكەرتتى؛ جۇمىس، ءوندىرىس قالپىنا كەلگەننەن بەرى، ولار تاعى ءبىر - ءبىرىن سۇيەمەلدەپ، قۇلشىنا تيجارات جۇرگىزىپ، جاڭا ساۋدا ورايىن قاراستىردى.
”ۋيچات توبىما قاراڭىزشى، ءبىزدىڭ سۇيىسپەنشىلىگىمىزدىڭ ءبارى وسىندا“، - دەدى ۋاڭسان كوشەسىندەگى شيانحۇي قوي ەتى تۇشپاراسى دۇكەنىنىڭ قوجايىنى ارزىگۇل امەت. ۋيچات توبى ”ءبىز ماڭگى ءبىر ءۇيلى جاندارىمىز“ دەپ اتالىپتى، اقسۋ قالاسىنداعى ءبىر مەيمانحانانىڭ جاۋاپتىسى ياڭ فىڭساي جانە ارزىگۇل قاتارلى 5 تۋىستان قۇرالىپتى. قول تەلەفون ارقىلى ياڭ فىڭساي: ”تۋىستار، ۇيلەرىڭىزگە نەندەي نارسە قاجەت؟ كومەك كەرەك پە؟“ دەپ سۇرادى، ”كوڭىل بولگەنىڭە راقىمەت، سەن سياقتى ءىنىمنىڭ بولعاندىعىنا قۋانامىن!“، - دەپ جاۋاپ قايتاردى ارزىگۇل امەت.
ارزىگۇل شىنىمەن قيىنشىلىققا جولىعىپ ياڭ فىڭسايدان كومەك سۇراعان بولاتىن. ”ىندەت تۇتقيىل تۋىلعاندىقتان، مەن اقشا شىعارىپ الۋعا ۇلگىرمەدىم دە، تۇرمىستىق بۇيىمداردى ساتىپ الۋعا اقشام جەتپەي قالعاندا، ءىنىم ماعان دەرەۋ اقشا جولداپ بەردى، كوزىمە ەرىكسىز جاس كەلدى“. ارزىگۇل تەرەڭ سۇيىسپەنشىلىكپەن: ”ول تۋىس ەمەس، ءبىر ءۇيدىڭ ادامى“ دەدى.
ساۋداگەرلەردىڭ ۋيچاتىنداعى ەستەلىكتەر ءدال ۇلتتار ىنتىماعىنىڭ اڭگىمەلەرى. شياۋتيان - ى ەلەكتر جابدىقتارى دۇكەنىندە، دۇكەن قوجايىنى مامەتجان قاسىم تىلشىگە ءوزى مەن تۋىسى ياڭ چيڭحۋانىڭ ۋيچاتتاعى اڭگىمەلەرىن ماقتانا كورسەتتى. ”اعام مەن باسقان پالاۋدى ۇناتىپ جەيدى، ىندەتتەن ساقتانۋ - تىزگىندەۋ كەزىندە پالاۋ جەي الماي تاعاتسىزدانعان ول مەنەن پالاۋ باسۋدى ۇيرەندى“. مامەتجان جانىنان پالاۋدىڭ سۋرەتىن الىپ شىعىپ كورسەتتى، بۇل ياڭ چيڭحۋانىڭ ونىڭ ۇيرەتۋىندە قولعا كەلتىرگەن ەڭبەگى، ەكەۋىنىڭ سەلبەستىگىنىڭ ناتيجەسى ەكەن.
ياڭ چيڭحۋا دىبىس جابدىعى ساۋداسىن ىستەيدى، جۇمىس قالپىنا كەلگەننەن بەرى ۇنەمى ءىسساپارعا شىعىپ، ەكەۋى كوپ كەزىگە المادى، ايتسە دە ءبىر - ءبىرىن ەسكە الىپ، ۇنەمى حابارلاسىپ تۇردى. ”مەن وعان جولدا حاۋىپسىزدىككە ءمان بەرۋدى ەسكەرتتىم، ول ماعان دۇكەندە ىندەتتەن ساقتانۋ شارالارىن جاقسى ىستەۋدى تاپسىردى“. مامەتجان بىلاي دەدى: كۇن جىلىنعاننان كەيىن، ەكى ءۇيلى جان بىرگە دالا سەرۋەنىن قۇرۋعا ۋادەلەسىپ قويدىق.
ايشامگۇل تىلشىگە بىلاي دەدى: جۇمىس، ءوندىرىس قالپىنا كەلگەننەن كەيىن، دۇكەندەر ازدى - كوپتى قيىنشىلىقتارعا جولىقتى، الەۋمەتتىك اۋماق ءتۇرلى شارا قولدانىپ، كوپشىلىكتىڭ ىندەتتەن ساقتانۋدى جاقسى ىستەۋىنە جاردەمدەسىپ، كومەكتەسۋ - سۇيەمەلدەۋ ساياساتىنان ۇتىمدى پايدالاندى، سونىمەن بىرگە ۇيلەسىمدى قيمىلداردى ورىستەتىپ، جۇپ قۇراعان تۋىستاردىڭ بارىس - كەلىسىن اناعۇرلىم جەبەدى. ”5 - ايدا ساۋداگەرلەردىڭ 7 - كەزەكتى جۇپ قۇراپ، تۋىس بولۋ قيمىلىن ورىستەتپەكپىز“، - دەدى ول.
ءتىلشى قازىر ساۋداگەرلەردىڭ جۇپ قۇراپ، تۋىس بولۋ كولەمىنىڭ العاشىنداعى شيڭلۇڭ كوشەسىنەن اقسۋ ايماعىنداعى 7 اۋدان، 2 قالاعا، اۋەلى، بيڭتۋان مەن جەرگىلىكتى ورىن اراسىنا دەيىن كەڭەيگەنىن ۇعىستى. ءىس جۇزىندە، ۋاڭسان كوشەسىنە ”جۇرەكتەستەر اعاشى“ تولىپ بولىپتى، وسى رەت بەلگى تاعىلعان ”جۇرەكتەستەر اعاشى“ حۇڭچياۋ ءمالىسىنىڭ تاعى ءبىر الەۋمەتتىك اۋماعى − دولان الەۋمەتتىك اۋماعىنىڭ نانچاڭ جولىنا ەگىلىپتى. وسى جەردە ۇلتتار ىنتىماعىنىڭ اعاشى تاعى جاڭا جاسىل ءتۇس قوسىپ، ۇلتتار ىنتىماعى سۇيىسپەنشىلىگىنىڭ جاڭا ءانى تاعى جازىلدى.
