ۇيگە جان اشىرلارىمىز كەلدى
ءبىر جاشىك سىرا 30 يۋان، ءبىر قالتا اس تۇزى 2.5 يۋان، ءبىر قالتا دايىن كەسپە 2.5 يۋان... 3 - ايدىڭ 25 - كۇنى جىڭ اۋدانى تولى قالاشىعى شاعانمودون قىستاعىنىڭ تۇرعىنى با. جىرعا ءوزى اشقان دۇكەندە جۇپ قۇراعان تۋىسى، جىڭ اۋداندىق قازىنا مەكەمەسىنىڭ كادرى دياۋ جياڭليانمەن بىرگە قاربالاس جۇمىس ىستەپ جاتتى. ”بۇگىن ادام كوبىرەك، ءسىڭلىم كەلىپ كومەكتەسىپ كورىم بولدى“، - دەدى با. جىرعا جۇزىنە كۇلكى ءۇيىرىلىپ.
2016 - جىلى 10 - ايدا اۆتونوميالى رايون ”ۇلتتار ىنتىماعىنىڭ بەرەكەلى شاڭىراعى“ قيمىلىن ورىستەتتى. 11 - ايدىڭ باسىندا، دياۋ جياڭليان با. جىرعانىڭ ۇيىنە كەلىپ، ەكەۋى جۇپ قۇراپ، تۋىس بولدى.
با. جىرعانىڭ ۇيىنە العاش كەلگەن كەزىن ەسىنە العان دياۋ جياڭليان: ”ۇيدە نەگىزىنەن ەلەكتر جابدىعى اتاۋلى جوق ەدى“، - دەدى.
ءاسىلى 2014 - جىلى با. جىرعانىڭ كۇيەۋى ي. ەرتا تۇتقيىل ناۋقاستانىپ، اۋرۋىن كورسەتۋگە جيعان - تەرگەنىن جۇمساپ، وعان قوسا ۇيدەگى 13 مۋ جەردى باسقاعا بىرەۋگە كوتەرتىپ جىبەرەدى دە، ءبىر ءۇيلى جان ەڭ تومەنگى تۇرمىستى قامتاماسىزداندىرۋ قاراجاتىنا سۇيەنىپ كۇنەلتىپ كەلگەن ەكەن.
بۇرىن، با. جىرعا وت باسى، وشاق قاسىنان شىقپايتىن وتباسى ايەلى ەدى. 2014 - جىلدىڭ سوڭىندا، جىڭ اۋداندىق قازىنا مەكەمەسىنىڭ تولى قالاشىعى شاعانمودون قىستاعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى ونىڭ وتباسى جاعدايىن ۇعىسقاننان كەيىن، بەلسەندىلىكپەن قارجى توپتاپ با. جىرعانىڭ ءوز ءۇيىنىڭ الدىنان شاعىن دۇكەن اشۋىنا جاردەمدەسىپ، كۇيەۋىنە قارايلاسا ءجۇرىپ كىرىس تابۋىنا مۇمكىندىك جاسادى. الايدا شاعىن دۇكەننىڭ اي سايىنعى كىرىسى ماردىمسىز بولعاندىقتان، وتباسى تۇرمىسى ءباز - باياعىسىنداي قيىنشىلىقپەن ءوتتى.
تۋىس بولعاننان كەيىن، دياۋ جياڭليان قولىنان كەلگەنىنشە با. جىرعا وتباسىنا كومەكتەستى. با. جىرعانىڭ نان جابۋ ونەرى بارىن بىلگەن دياۋ جياڭليان ونى ۇيدە نان جاۋىپ، شاعىن دۇكەنىندە ساتۋعا شابىتتاندىردى. دياۋ جياڭليان سونىمەن بىرگە ۋيچات دوستىق شەڭبەرىنەن پايدالانىپ، تۋىس - تۋعان، دوس - جاراندارىن كەڭىنەن اتتانىسقا كەلتىرىپ، با. جىرعانىڭ نانىن ۇگىتتەۋىنە كومەكتەسىپ، ساتۋ ارناسىن كەڭەيتتى. دياۋ جياڭليان تاعى با. جىرعانىڭ شاعىن دۇكەنىن 20 شارشى مەتردەن 40 شارشى مەترگە كەڭەيتۋىنە كومەكتەستى.
قازىر با. جىرعانىڭ ۇيىندە كەدەيلەردى سۇيەمەلدەۋ بويىنشا بەرىلگەن 47 قوي، 2 سيىر بار، جەردى كوتەرمەگە بەرۋدەن، دۇكەننەن جانە نان جابۋدان كىرەتىن كىرىسىن قوسقاندا، بىلتىر كىرىسى 70 مىڭ يۋانعا جەتىپ، كەدەيلىك قالپاعىن الىپ تاستاۋمەن بىرگە، جاڭا ءۇي سالىپ، ءبىرتالاي ءۇي ەلەكتر جابدىقتارىن تولىقتاپ، ءبىر ءۇيلى جاننىڭ جۇزىنەن باقىت كۇلكىسى ەستى.
”ءبىز ءبىر ءۇيلى جان پارتيا مەن مەملەكەتتىڭ جاقسى ساياساتىنان يگىلىكتەندىك، تاعى جان اشىر تۋىسىمىز بار، ول بىزگە امال قاراستىرىپ، ءبىلىم جەتكىزىپ، ساياساتتى ءتۇسىندىرىپ، قيىنشىلىعىمىزدى شەشىپ بەردى، دياۋ جياڭليان سىڭلىمە شىنىمەن ەرەكشە العىس ايتامىن. قازىر بولاشاققا سەنىمىم تولىق، ءسوز جوق، ۇزدىكسىز قۇلشىنىپ جاقسى ىستەپ، تۇرمىسىمدى بارعان سايىن جاقسارتا تۇسەمىن“، - دەدى با. جىرعا العىسپەن.
