سۇيىسپەنشىلىكپەن ەتەنە جۇرەك

日期:2019年10月24日
来源:新疆日报
【字体:

سۇيىسپەنشىلىكپەن ەتەنە جۇرەك

− سانجى گازەتى مەكەمەسى يۇنشياڭ جوبالاۋ قىزمەت بولمەسىنىڭ مەڭگەرۋشىسى ما يۇي تۋرالى

9 - ايدىڭ 28 - كۇنى كەشتە سانجى قالاسى جيانگو جولى ءمالىسى حىچاڭيۋان الەۋمەتتىك اۋماعىنىڭ تۇرعىنى شۇي ۋي دوستار شەڭبەرىندە ”مۇنداي ساپالى دا سالتاناتتى كونسەرتتى تۇڭعىش كورۋىم، ما اپەكەگە راقىمەت!“ دەگەن وشار جاريالادى.

شۇي ۋي ايتىپ وتىرعان ”ما اپەكە“ دەگەنى ونىڭ جۇپ قۇراعان تۋىسى − سانجى گازەتى مەكەمەسى يۇنشياڭ جوبالاۋ قىزمەت بولمەسىنىڭ مەڭگەرۋشىسى ما يۇي، ول جاقىندا عانا ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ اتاعىنا يە بولدى.

سول كۇنى ما يۇي شۇي ۋيگە مۋزيكا كونسەرتىنىڭ 2 بەلەتىن بەرىپ، ونىڭ وتباسىنداعىلارمەن بىرگە سيمفونيالىق مۋزيكانى تۇڭعىش رەت ۇستىندە تىڭداۋىنا مۇمكىندىك جاسادى.

ما يۇي كەزىندە سانجى گازەتى مەكەمەسىنىڭ قوعامدىق حالىق تۇرمىسى حابارلارىن جازاتىن ءتىلشىسى بولاتىن. سول جىلدارى گازەت مەكەمەسىنە ارىز - ارمان ايتقان بۇقارا كەلسە بولعانى، كوپشىلىك ءبىر اۋىزدان: ”ما يۇيدى ىزدەڭىز!“ دەيتىن. 10 نەشە جىلدىق تىلشىلىك ومىرىندە ءوزىنىڭ قانشا بۇقارانى قابىلداعاندىعىن ما يۇيدىڭ ءوزى دە انىق ايتىپ بەرە المايدى.

گازەت مەكەمەسىنەن كومەك تىلەگەن بۇقاراعا ما يۇي قاشاندا سۇيىسپەنشىلىگىمەن، ىزگى نيەتىمەن كومەك قولىن سوزاتىن، ءار ۇلت بۇقاراسى ونى ”حالىق تۇرمىسىنا ءمان بەرەتىن جاقسى ءتىلشى“ دەپ اتادى. ول ءوزىنىڭ قالامى ارقىلى كومەك قاجەت ەتكەن قيىنشىلىعى بار بۇقارانىڭ قوعامنىڭ نازار اۋدارۋىنا قول جەتكىزۋىنە كومەكتەستى ءارى قوعامنىڭ نەگىزگى ساتىسىنان كەلگەن تالاي - تالاي جاندى اڭگىمەنى گازەت بەتىنە شىعاردى. وسى جىلداردان بەرى، ول ءوزى مۇلدە تانىمايتىن كومەك سۇراۋشىلارعا ءۇن - ءتۇنسىز جىلۋ بەرىپ كەلەدى.

دىڭ حۋا سانجى قالاسىنداعى اياق كيىم جاماۋشى. 2008 - جىلدىڭ باسىندا دىڭ حۋانىڭ ۇلى دەر كەزىندە ەمدەلمەسە ومىرىنە حاۋىپ تونەتىن سالماقتى اۋرۋعا دۋشار بولادى. ءبىراق 40 مىڭ يۋاندىق وپەراتسيا اقىسىن دىڭ حۋا قايدان تابارىن بىلمەي باسى قاتادى. ما يۇي مەن قىزمەتتەستەرى بۇل ىستەن حابار تاپقاننان كەيىن وزدىكتەرىنەن جىلۋ اتايدى، ىلە - شالا كومەك سۇراۋ حابارىن جازادى، سونىمەن تەز ارادا 30 مىڭ يۋاننان استام جىلۋ اقشا جينالىپ، بالانىڭ وپەراتسياسى ءساتتى جاسالادى. بالا شيپاحانادان شىققاننان كەيىن، دىڭ حۋانىڭ ءۇيى قاراڭعى دا تار جەر استى بولمەسى ەكەندىگىن بىلەدى، ما يۇي دىڭ حۋاعا كومەكتەسىپ تومەنگى تۇرمىستى قامتاماسىز ەتۋ قاراجاتى مەن ارزان باعادا جالعا بەرىلەتىن ۇيگە ءوتىنىش ەتەدى. كەيىن دىڭ حۋانىڭ ۇلى ساۋىعىپ، داشۋەگە وقۋعا تۇسەدى.

2008 - جىلى 3 - ايدىڭ ءبىر كۇنى ما يۇي قالا تۇرعىنى لي جيانپيڭنىڭ كومەك سۇراۋ تەلەفونىن قابىلدايدى، لي جيانپيڭ كۇيەۋى جاڭ شياۋميڭنىڭ اق قان اۋرۋىنا شالدىققانىن، قازىر سايكەس كەلەتىن قان تيبى تابىلسا دا وپەراتسيا جاساتۋعا اقشالارى بولماي تۇرعانىن ايتادى. تەلەفون ترۋپكاسىن قويا سالا، ما يۇي دەرەۋ بارىپ تىلشىلىك جاسايدى ءارى تۇندەلەتىپ «قولىڭنان جەتەكتەيىن» دەگەن حابار جازادى. قىسقا عانا بىرنەشە كۇندە جينالعان 100 مىڭ يۋاننان استام جىلۋ اقشا جاڭ شياۋميڭ وتباسىنىڭ ءۇمىت وتىن تۇتاتادى، دەسەدە وپەراتسيا اقىسىنا بۇل اقشا ءالى دە جەتپەيتىن. وسى كەزدە ءبىر ىزگى نيەتتى قالا تۇرعىنى ما يۇيگە ءوزىنىڭ ءانشى لاۋلاڭمەن سانجى قالاسىنا كەلىپ قايىرىمدىلىق كونسەرت قويىپ جىلۋ جيناۋعا بايلانىس جاساي الاتىنىن ايتادى. بۇل حاباردى ەستىسىمەن، ما يۇي تىزگىن ۇشىمەن بىرنەشە مەيىربان ەرىكتىلەرمەن بىرگە كولەمدى قايىرىمدىلىق كونسەرت قيمىلىنىڭ دايىندىق جۇمىسىنا كىرىسەدى. اقىرىندا، جەرگىلىكتى ۇكىمەتتىڭ قولداۋىندا، لاۋلاڭنىڭ سانجى قالاسىنداعى قايىرىمدىلىق كونسەرتىن وتكىزەدى.

2008 - جىلى 4 - ايدىڭ 20 - كۇنگى كەشتى ما يۇي ءومىر بويى ۇمىتا المايدى. جۇرگىزۋشىنىڭ قايىرىمدىلىق كونسەرتىندە جينالعان قامقورلىق اقشا 228 مىڭ يۋانعا جەتتى دەگەنىن ەستىگەندە، ما يۇي جىلاپ جىبەردى، لي جيانپيڭ دە كوزىنە جاس الدى... سول ساتتە ما يۇي شەكسىز ريزاشىلىق جانە ماقتانىش سەزىمىنە كەنەلدى: ءبىر ءتىلشى، ءبىر حابار ءبىر قالانىڭ ۇلى سۇيىسپەنشىلىگىن جۇمىلدىرا الادى، ونىڭ كاسىبى قانداي قاسيەتتى دەسەڭىزشى!

وسىدان كەيىن جاڭ شياۋميڭنىڭ توركىن كلەتكانى كوشىرۋ وپەراتسياسى ءساتتى جاسالىپ، جاڭا ومىرگە يە بولدى. سانجى قالاسىندا تۇڭعىش توپتا ۇيىمداسقان ولشەمدى ەرىكتىلەر قوسىنى دا قۇرىلدى. ”باسقالارعا كومەكتەسۋ ءوز كوڭىلىڭدى مەيىرگە بولەيدى“ دەيتىن ەرىكتى قىزمەت وتەۋ وسىدان باستاپ سانجى دالاسىندا تامىر تارتتى.

10 نەشە جىلدا ما يۇي تالاي رەتكى مەيىرىمدىلىك جەتكىزۋ ارەكەتى بارىسىندا عۇمىردىڭ ءمانىن تەرەڭ ءتۇسىندى، تالاي رەتكى قوعامدىق كومەك بارىسىندا ۇلى سۇيىسپەنشىلىكتىڭ كۇشىن سەزىندى، بۇل ونى الەۋمەتتىك يگىلىك جولىندا ۇزدىكسىز العا ىلگەرىلەۋگە شابىتتاندىردى.

ما يۇي باقباق سىندى ءتىلشى بولىپ، ءوزىنىڭ ىستىق ىنتاسىمەن ۇلتتار ىنتىماعى ۇلى سۇيىسپەنشىلىگىنىڭ تۇقىمىن ءار ۇلت بۇقاراسىنىڭ جۇرەگىنە سەپكىسى كەلەتىندىگىن ايتتى.