قيزاتوللا: ”ۇلتتاردىڭ ۇلى ىنتىماعىن اسقاقتاتا شىرقايمىن“
9 - ايدىڭ 23 - كۇنى ”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ بولعان قيزاتوللا ءانۋار بەيجيڭگە بارىپ ماداقتاپ - سيلاۋدى قابىلداۋدىڭ الدىندا، قۇلجا قالاسى ليۋشيڭ كوشەسى ەرەكشە كوشە رايونىنداعى ءبىر رەتكى كونسەرتكە قاتىناستى. قۇلجا قالاسى ليۋشيڭ كوشەسى ۇلتتار ىنتىماعى گارمون وركەسترىنىڭ مۇشەسى بولعان قيزاتوللا ساحنادا تاتار ۇلتىنىڭ «ساعىنىش» اتتى حالىق ءانىن تەرەڭ سۇيىسپەنشىلىكپەن شىرقادى. ”ءان اۋەنى مەن گارمون ءۇنى قازىر مەنىڭ ءار ۇلتتىڭ الۋان ءتۇرلى مادەنيەتىن تاراتاتىن قاناتىم ىسىپەتتى، مەن ءار رەتكى كونسەرتتى بارىنشا قادىرلەيمىن“. قيزاتوللا بىلاي دەدى: ”ءبىزدىڭ كونسەرتىمىزدى تاماشالاعان ادامداردىڭ شاتتىقتى سەزىنە الۋىن ءۇمىت ەتەمىن، ونان دا ماڭىزدىسى، كوپشىلىكتىڭ ءبىزدىڭ ويىن نومىرلەرىمىز ارقىلى ءار ۇلت مادەنيەتى جونىندەگى تۇسىنىگىن تەرەڭدەتۋىن ءۇمىت ەتەمىن“.
2009 - جىلى زەينەتكە شىعۋدان بۇرىن، قيزاتوللا ىلە قازاق اۆتونوميالى وبلىستىق پارتكوم پارتيا مەكتەبىنىڭ كادرى بولاتىن، نەگىزىنەن ۇلتتار ءتىل اۋدارماسى، ساباق ءوتۋ سياقتى قىزمەتتەرمەن شۇعىلدانىپ، ىلگەرىندى - كەيىندى ىلە وبلىستىق پارتكوم پارتيا مەكتەبى ءتىل وقىتۋىن زەرتتەۋ كەڭسەسىنىڭ ورىنباسار مەڭگەرۋشىسى، اكىمشىلىك باسقارماسىنىڭ ورىنباسار باستىعى، كەڭسە مەڭگەرۋشىسى سياقتى مىندەتتەردى اتقارعان. ونىڭ ساباعى جاندى دە قىزىقتى بولعاندىقتان، وقۋشىلاردىڭ قىزۋ قارسى الۋىنا يە بولعان. سونىمەن بىرگە، وقۋ - اعارتۋ، وقىتۋ شەبىندەگى ساقا تاربيەشى بولعان ول ۇيرەتۋ، كومەكتەسۋ، جەتەكتەۋ رولىن ساۋلەلەندىرىپ، ءار ۇلت جاس وقىتۋشىلارعا تاجىريبەسىن ۇيرەتىپ، ولاردىڭ وقۋ - اعارتۋ، وقىتۋ قىزمەتىندە جولىققان قيىن ماسەلەلەردى شەشۋىنە بەلسەنە، ىرىقتىلىقپەن كومەك كورسەتتى.
”مەن پارتيا مەكتەبىنىڭ كادرىمىن، ۇلتتار ىنتىماعى ءبىزدىڭ اسا ماڭىزدى ءبىر قىزمەتىمىز. مەن قاي - قاشان دا باستاماشىلدىقپەن ۇلتتار ىنتىماعى تۋرالى ءسوز سويلەپ، ۇلتتار ىنتىماعى تۋرالى ىستەردى ىستەيمىن“، - دەدى قيزاتوللا.
ىلە − كوپ نەگىزدى مادەنيەت شوعىرلانعان جەر، ءار ۇلتتىڭ تاڭداۋلى ءداستۇرلى مادەنيەتىن جالعاستىرۋ جانە قورعاۋ دا ۇلتتار ىنتىماعىن جەبەۋدەگى ماڭىزدى قىزمەتتەردىڭ ءبىرى. 20 نەشە جىلدان بەرى، قيزاتوللا جۇڭحۋانىڭ تاڭداۋلى ءداستۇرلى مادەنيەتىن اسقاقتاتىپ، ءار ۇلت اراسىنداعى ءوزارا ءتۇسىنىسۋدى ارتتىرۋ ءۇشىن، ىلگەرىندى - كەيىندى «مادەنيەتتى قورعاۋدىڭ ماڭىزدى ءمانى»، «تاتار ۇلتىنىڭ تاياۋ زامانعى شينجياڭنىڭ وقۋ - اعارتۋ ىستەرىنە قوسقان ۇلەسى جانە ونىڭ ىقپالى جونىندە» سياقتى 70 نەشە ماقالا جاريالاپ، جۇڭحۋا ۇلتىنىڭ مادەنيەت اسىل قازىناسىن بايىتۋعا ءوزىنىڭ ءبىر كىسىلىك ۇلەسىن قوستى.
قيزاتوللا تاتار ۇلتىنان، قارشادايىنان 3 تە 4 تىلدە سويلەي ءبىلدى. ءان ايتىپ، ءبي بيلەۋگە شەبەر مادەنيەت رايىنىڭ ىقپالىندا، ول قارشادايىنان مادەنيەت - كوركەمونەرگە قىزىققان، گارمون تارتۋعا شەبەر ەدى.
2018 - جىلى قيزاتوللا جاڭا ءومىر ساحناسىن تابادى، ول ۇقساماعان ۇلتتاعى 7 دوسىمەن بىرگە ليۋشيڭ كوشەسى ۇلتتار ىنتىماعى گارمون انسامبىلىن قۇرادى. بۇل ساحنا قيزاتوللانىڭ ءان اۋەنى مەن گارمون ءۇنى ارقىلى ءار ۇلت اراسىنداعى دوستىقتى بارىنشا جىرلاۋىنا مۇمكىندىك جاسادى.
ءبىر جىلدان استام ۋاقىتتان بەرى، انسامبىل 30 نەشە رەت ءتۇرلى كونسەرت قويدى. ”بۇرىن مەن گارمون اۋەسكەرى عانا بولاتىنمىن، قازىر ۇلتتاردىڭ ۇلى ىنتىماعىن اسقاقتاتا شىرقايمىن“، - دەدى قيزاتوللا.”مەملەكەتتىك ۇلتتار ىنتىماعى، العاباسارلىعىنداعى ۇلگىلى جەكە“ داڭق اتاعىنا يە بولىپ، بەيجيڭگە بارىپ ماداقتاپ - سيلاۋدى قابىلداۋ قيزاتوللانى بارىنشا جىگەرلەندىردى: ”وتانىمىز كۇن سايىن قۇدىرەتتەنىپ كەلەدى، ءبىز اناعۇرلىم باتىل تۇردە پارتياعا العىس ايتىپ، پارتيانىڭ ۇنىنە قۇلاق اسىپ، پارتياعا ىلەسىپ، ۇلتتار ىنتىماعى ءۇشىن ءوزىمىزدىڭ كۇش - قۋاتىمىزدى ۇزدىكسىز ارناۋىمىز كەرەك“.
