”شاكىرتتەرىمنىڭ بارلىعى قاجىرلى ەڭبەكشىل، ولاردىڭ كوبىرەك اقشا تابۋىنا مۇمكىندىك جاساپ، جاقسى تۇرمىسقا كەنەلتۋ مەنىڭ ەڭ ۇلكەن ارمانىم“، - دەدى 9 - ايدىڭ 29 - كۇنى قۇلجا اۋدانى ءۇشون حۇيزۋ اۋىلى توقۇشىيۇزى قىستاعىنداعى ۋيۋە شۇيمەي كيىم - كەشەك شەكتى سەرىكتەستىگىنىڭ جاۋاپتىسى گۋ شۇيمەي.
34 جىلدا گۋ شۇيمەي 3000نان استام ءار ۇلت شاكىرتتەرىنە تىگىنشىلىك تەحنيكاسىن تەگىن ۇيرەتىپ، ولارعا ماشينا تارتۋ ەتىپ، جۇمىس ورنىمەن قامداپ، ولاردىڭ شارۋاشىلىق قۇرۋىنا قولداۋ كورسەتتى. 1985 - جىلى گۋ شۇيمەي شەشەسىنەن ۇيرەنگەن تىگىنشىلىك تەحنيكاسىنا سۇيەنىپ، 40 شارشى مەترلىك شاعىن تىگىنشىلىك دۇكەنىن اشادى. تىنباي قۇلشىنۋ ارقىلى 2016 - جىلى ول دۇكەنىن اۋماعى 1400 شارشى مەترلىك ۇلكەن زاۆودقا كەڭەيتەدى.
توقۇشىيۇزى قىستاعى كوپ ۇلت قونىستانعان ۇلكەن شاڭىراق، بالا كەزىنەن ءار ۇلت ءبىرىن - ءبىرى قۇرمەتتەپ، ءبىرىن - ءبىرى ايالايتىن ورتادا تاربيە الىپ وسكەن گۋ شۇيمەي دە باۋىرمال، وزگەلەرگە كومەكتەسۋگە پەيىل بولادى.
بيىل 30 نەشە جاستاعى اسيگۇل تۇرسۇن 16 جاسىنان باستاپ گۋ شۇيمەيگە ىلەسىپ، تىگىنشىلىك تەحنيكاسىن ۇيرەنەدى. اسيگۇلدىڭ سول اياعى كەمتار بولعاندىقتان، گۋ شۇيمەي مەن كۇيەۋى ەكەۋى ول تۇرمىسقا شىققانعا دەيىنگى ارالىقتا 10 جىل بويى ونى اپارىپ - اكەلىپ تۇردى. بيىل گۋ شۇيمەي اسيگۇلدىڭ كونە تىگىن ماشيناسىن 2000 نەشە يۋاندىق ەلەكترلى تىگىن ماشيناسىنا اۋىستىرىپ بەرىپ، ونىڭ ۇيىندە بالاسىن باعا ءجۇرىپ، زاكازداردى ورىنداۋىنا مۇمكىندىك جاسادى.
ساڭىراۋ ءارى مىلقاۋ شاكىرتى سو چىڭنىڭ ەرتەرەك تەحنيكا ۇيرەنىپ، اقشا تابۋىنا مۇمكىندىك جاساۋ ءۇشىن گۋ شۇيمەي قول ءيشارات ءتىلىن ۇيرەنىپ، وعان تەحنيكانى باسپا - باس ۇيرەتەدى. قازىر سو چىڭ گۋ شۇيمەيدىڭ زاۆودىنداعى تەحنيكالىق تىرەكتىگە اينالدى.
جانار رامازان مەن كۇيەۋى ىلگەرىدە كەز كەلگەن جەردە ۇساق - تۇيەك شارۋا ىستەپ تۇرمىس كەشىرىپ، تۇراقتى باسپانالارى جوق بولاتىن. گۋ شۇيمەي جانارعا تەحنيكا ۇيرەتەدى، گۋ شۇيمەي تاعى قارجى شىعارىپ ونىڭ ءۇي مايلاۋىنا، جابدىق ساتىپ الۋىنا كومەكتەسىپ، تىگىنشىلىك دۇكەنىن اشتى. قازىر جانار وتباسى جاڭا ءۇي سالىپ، تۇرمىسىندا وراسان زور وزگەرىس بولدى. قازىر ول دا ۇستازى سەكىلدى تەگىن تەحنيكا ۇيرەتىپ، 60 نەشە ءار ۇلت شاكىرتىن تاربيەلەدى.
”ءبىز ىنتىماقتى دا مەيىرىمگە تولى ۇلكەن شاڭىراقتا تۇرمىس كەشىرىپ جاتىرمىز، تۇرمىسىمىز بالداي ءتاتتى“، - دەدى گۋ شۇيمەي.
تىگىلگەن كيىمدەردىڭ ساپاسى سەنىمدى بولعاندىقتان، گۋ شۇيمەيدىڭ زاۆودىنىڭ اتاعى بارعان سايىن اسپاندادى، بۇل وعان ءوز ماركاسىنداعى كيىم - كەشەك ءوندىرۋ ويىن سالادى.
”كيىم - كەشەكتەردى ۋاكىلاتان مانەرلەۋدەن تۇسەتىن كىرىس از، ءوز ماركامىز بولعاننان كەيىن، شاكىرتتەرىم دە كوپ اقشا تابادى“، - دەپ ويلادى گۋ شۇيمەي.
گۋ شۇيمەيدىڭ جايشىلىقتا زاۆودتى باسقارۋدان تىس ىستەيتىن قىرۋار جۇمىستارى بار، ءبىراق تا ول زاۆودتا بولماعان كۇننىڭ وزىندە دە زاۆودتىڭ بارلىق جۇمىستارى تارتىپپەن جۇرىلە بەرەدى، سەبەبى ونىڭ شاكىرتتەرى ءوزارا ىنتىماقتى ءارى مەيىرىمگە تولى.
زاۆودتاعى ءاربىر قىزمەتكەر گۋ شۇيمەيدى تۋعان اپەكەلەرىندەي كورەدى، گۋ شۇيمەي ءوز قىزمەتكەرلەرىن اۋىزعا العاندا، ولارعا دەگەن سۇيىسپەنشىلىگىن اڭعارتتى. ”بۇدان بىلاي مەن ماڭايىمداعى اعا - باۋىر، اپەكە - سىڭلىلەرمەن ءتىپتى دە ىنتىماقتاسىپ، ءتىپتى دە كوپ ادامدارعا كومەكتەسەمىن“، - دەدى گۋ شۇيمەي.
