ءومىر بويى ۇلتتار ىنتىماعى سۇيىسپەنشىلىگىن جەتكىزدى

− اۆتونوميالى رايوندىق 6 - كەزەكتى ءمورال ۇلگىسى سالىقجان يمىن جونىندە

日期:2019年07月12日
来源:新疆日报
【字体:

شاۋەشەك قالاسى شينچىڭ ءمالىسى قارا ءدوڭ الەۋمەتتىك اۋماعىنىڭ تۇرعىنى سالىقجان يمىن ۇلتتار ىنتىماعىن قورعاۋدى ءوزىنىڭ سەنىمى جانە تالپىنىسى ەتىپ، پارتيانى، وتاندى ءسۇيۋ سۇيىسپەنشىلىگىن ءىس جۇزىندىك ارەكەتى ارقىلى جەتكىزدى، ونىڭ اڭگىمەلەرى دە ەل اراسىندا كەڭىنەن تارالدى.

6 - ايدىڭ 28 - كۇنى بۇل جونىندە ءسوز قوزعالعاندا، بيىل 73 جاستاعى سالىقجان: ”اناردىڭ ءبىر تال ءدانى بولىپ، ءار ۇلت اعايىندارمەن تىعىز ۇيىسىپ، عۇمىر بويى ۇلتتار ىنتىماعى سۇيىسپەنشىلىگىن جەتكىزەمىن“ دەدى.

سالىقجان 1992 - جىلى ساۋدامەن شۇعىلدانىپ، سول جەردەگى ادام اينالىمى ەڭ كوپ بازاردا ”سەنىمدى ەت دۇكەنىن“ اشادى، ەشقاشان از بەرىپ، جارامسىزىن جاقسى دەپ ساتپايتىندىقتان، كوپتەگەن قالا تۇرعىنى ونىڭ ەت دۇكەنىنەن ەت ساتىپ الاتىن.

تۇرمىسى جاقسارعاننان كەيىن، سالىقجان ماڭىندا قونىستانعان سۇيەنىشسىز قارتتاردىڭ تۇرمىستاعى قولايسىزدىقتارىن كورىپ، ايەلىمەن بىرگە ۇنەمى قارتتارعا امانداسا بارىپ، ولارعا ءدامدى تاماقتار جاساپ، كيىم - كەشەكتەرىن جۋىپ بەرىپ ءجۇردى.

سالىقجان بۇل ىستەردى ىستەۋ بالا كەزىندەگى قىزىل تۇقىمنىڭ تامىر تارتىپ، وركەن جايعاندىعىنىڭ جەمىسى دەپ بىلەدى. 1950 - جىلى جۇڭگو حالىق ازاتتىق ارمياسىنىڭ بەلگىلى اسكەري ءبولىمىنىڭ كوماندير - جاۋىنگەرلەرى شاۋەشەك قالاسىنا كەلىپ، ۋاقىتشا جاتىن ورىن تابا المايدى. سالىقجاننىڭ اكە - شەشەسى بۇل ىستەن حابار تاپقاننان كەيىن 4 اۋىز ءۇيىن بوساتىپ، ازاتتىق ارميا جاۋىنگەرلەرىن ۇيىنە كوشىرىپ كەلەدى. 8 جىل ىشىندە سالىقجان وتباسى مەن جاۋىنگەرلەر ءبىر ءۇيدىڭ ادامدارىنداي تاتۋ - ءتاتتى وتەدى.

”سول كەزدەن باستاپ ءۇيىمىزدىڭ اۋلاسىندا قىزىل تۋ جەلبىرەپ تۇراتىن بولدى، بۇل كورىنىس تە مەنىڭ سانامدا تەرەڭىنەن تامىر تارتتى. ازاتتىق ارميا جاۋىنگەرلەرىنىڭ ىقپالىندا، مەن پارتيا مەن مەملەكەتكە، قوعامعا كوپتەپ ناقتى ىستەر، جاقسى ىستەر ىستەۋ سەنىمىمدى بەكەمدەي ءتۇستىم“، - دەيدى سالىقجان.

1962 - جىلى ىشكى ولكەدەن شاۋەشەككە جۇمىس ىستەي كەلگەن مىڭ گۋاڭجىنىڭ جاتىن ورىن تابا الماي قينالىپ تۇرعانىن كورگەن سالىقجان وتباسى مىڭ گۋاڭجى وتباسىنداعىلارعا ءبىر اۋىز ءۇيىن بوساتىپ بەرەدى، سونىمەن ولار وسى ارادا تابانى كۇرەكتەي 20 نەشە جىل تۇرادى، ەكەۋى دە اعايىندارداي سۇيىسپەنشىلىك ورناتادى. 1985 - جىلى مىڭ گۋاڭجى وتباسى عيماراتقا كوشىپ كىرسە دە، ەكى ءۇيدىڭ ادامدارى تىعىز بارىس - كەلىس ساقتاپ كەلدى. 1997 - جىلى مىڭ گۋاڭجى باۋىر راگىنان قايتىس بولعاندا، سالىقجان وعان ارناپ ازا ءبىلدىرۋ جينالىسىن وتكىزەدى.

ىنتىماق، ورنىقتىلىق − قۇت، بولشەكتەۋشىلىك، بىلىقپالىق − جۇت دەگەن قيسىندى سالىقجان قانىق بىلەدى. 2009 - جىلى سالىقجان ءۇيىنىڭ اۋلاسىندا مەملەكەت تۋىن شىعارۋ سالتىن وتكىزۋگە بەكيدى. ۇيىندەگىلەردىڭ كومەگىندە، سول جىلى 10 - ايدىڭ 1 - كۇنى مەملەكەت تۋى اۋلاسىنىڭ كەڭىستىگىندە جەلبىرەيدى.

وسىدان كەيىن ءار رەتكى ماڭىزدى مەرەكەلەردە سالىقجان ءۇيىنىڭ اۋلاسىندا مەملەكەت تۋىن شىعارۋ سالتىن وتكىزەدى، تۋىس - تۋعان، دوس - جاراندارىنىڭ، ماڭىنداعى كورشىلەرىنىڭ بارلىعى تۋ شىعارۋ سالتىنا وزدىگىنەن قاتىناسادى. قاتىناسقان ادامداردىڭ بارعان سايىن كوبەيگەندىگىن كورگەن سالىقجان وسى ورايدان پايدالانىپ، تيپتەردىڭ ىزگى ىستەرىن ۇگىتتەپ - ءناسيحاتتاپ، ءوزىنىڭ ءتول سەزىمىن ايتپاقشى بولادى.

”ءبىز قازىر ىشەر استان، كيەر كيىمنەن تارىقپايتىن بولدىق، اۋرۋ كورسەتسەك ەمدەۋ قامسىزداندىرۋى بار، قيىنشىلىعى بار وتباسىلار تاعى ەڭ تومەنگى تۇرمىستى قامتاماسىزداندىرۋ قاراجاتىن الادى... بۇنىڭ ءبارى پارتيانىڭ بىزگە دەگەن قامقورلىعى، پارتيامىز بەن وتانىمىزعا العىس ايتپاۋعا قانداي سەبەبىمىز بار؟ ۇلتتار ىنتىماعىن قورعاماۋعا قانداي سەبەبىمىز بار؟“، - دەيدى سالىقجان ۇنەمى ۇگىت - لەكسيا جاساعان كەزدە.

2017 - جىلى سالىقجان تاعى ءار دۇيسەنبى كۇنى ۇيىندە مەملەكەت تۋىن شىعارۋ سالتىن وتكىزۋ بەكىمىنە كەلەدى، سودان باستاپ ونىڭ ءۇيىنىڭ اۋلاسى ءار دۇيسەنبى كۇنى ادامعا لىق تولادى.

قازىر سالىقجان ءۇيىنىڭ اۋلاسى شاۋەشەك قالالىق ۇلتتار ىنتىماعى تاربيەسى بازاسىنا، جاستار مەن ورەندەردىڭ وتانشىلدىق تاربيە بازاسىنا اينالدى. ول كەلگەن ادامنىڭ اربىرىنە بىردەن كىشكەنە مەملەكەت تۋىن ۇسىنىپ، قازىرگە دەيىن 60 مىڭنان استامىن تاراتىپ بولدى، ونىڭ ۇگىت - لەكسياسىن تىڭداعان كادر - بۇقارا 150 مىڭ ادام - رەتتەن استى.

قازىر سالىقجان مەملەكەت تۋىن شىعارۋدىڭ جانە ۇگىت - لەكسيا جاساۋدىڭ اۋىر مىندەتىن بالاسىنا وتكىزىپ بەرمەكشى، ول: ”بۇدان كەيىن مەنىڭ شامام جەتپەي قالسا، ۇلىم جالعاستىرادى، ۇلىمنىڭ شاماسى كەلمەي قالعان كەزىندە نەمەرەلەرىم ۇتىلامالى تاياقشانى وتكىزىپ الادى“ دەدى.