”ءبىز ءبىر - بىرىنە قارايلاساتىن ءبىر ءۇيلى جاندارمىز“

日期:2019年05月28日
来源:新疆日报
【字体:

قوبىقسارى موڭعۇل اۆتونوميالى اۋدانى مەن قوبىقسارى قالاشىعى بايىنشىرگ الەۋمەتتىك اۋماعىندا 46 عيمارات بار، وندا 1385 وتباسى، 3815 ادام تۇرادى، حانزۋ، موڭعۇل قاتارلى 9 ۇلتتان قۇرام تاپقان. 5 - ايدىڭ 15 - كۇنى تۇستەن بۇرىن ءتىلشى وسىندا كەلگەندە، الەۋمەتتىك اۋماقتا ”وتاندى ءسۇيۋ. پارتياعا العىس ايتۋ. ۇلتتار ىنتىماعىنىڭ بەرەكەلى شاڭىراعى“ بىرلەسكەن دوستىق قيمىلىنىڭ نومىرلەرىن دايىنداپ جاتقانداردىڭ ۇستىنەن ءتۇستى. ”وسىندا تۇرعانىما 6 جىل بولدى، الەۋمەتتىك اۋماقتاعى ءار ۇلت كادر - بۇقارا سەن - مەن دەسپەي، جاراسىمدى وتەدى، ءبىز ءبىر - بىرىنە قارايلاساتىن ءبىر ءۇيلى جاندارمىز“، - دەدى نومىرگە جاتتىعىپ جاتقان الەۋمەتتىك اۋماقتىڭ تۇرعىنى جياڭ ۋىنيىڭ.

بايىنشىرگ الەۋمەتتىك اۋماعى پارتيا ياچەيكاسىنىڭ شۋجيى حۋاڭ ليپيڭ تىلشىگە بىلاي دەدى: بۇرىن بۇل ارا لاشىقتى ءوڭىر بولاتىن، ەسكى، كونە ۇيلەر، تام ۇيلەر كوپ ەدى. 2012 - جىلى اۋدان لاشىقتى ءوڭىردى وزگەرتىپ سالۋ ينجەنەرياسىن باستادى. 2013 - جىلى العاشقى توپتا 500 نەشە وتباسىنداعى تۇرعىندار الەۋمەتتىك اۋماققا كوشىپ كىرىپ، جاڭا تۇرمىستارىن باستادى.

تۇرعىنداردىڭ ءوزارا تۇسىنىگىن ارتتىرۋ ءۇشىن، الەۋمەتتىك اۋماق بىرلەسكەن دوستىق قيمىلدارىن ۇنەمى ورىستەتىپ تۇرادى. ”كوكتەم مەرەكەسىن وتكىزگەن كەزدە، الەۋمەتتىك اۋماقتاعى كادرلار تۇرعىنداردى تۇشپارا تۇيۋگە ۇيىمداستىرسا، قۇربان ايت مەرەكەسىندە كوپشىلىكتى بىرگە پالاۋ باسۋعا ۇيىمداستىرادى، سونداي - اق قىزىقتى مادەنيەت، دەنە تاربيە قيمىلدارىن ورىستەتىپ، ءار ۇلت تۇرعىندارىنىڭ دوستىعىن نىعايتتى“، - دەدى الەۋمەتتىك اۋماق كادرى جياميڭ ايوۋ.

2016 - جىلى 10 - ايدا اۆتونوميالى رايون ”ۇلتتار ىنتىماعىنىڭ بەرەكەلى شاڭىراعى“ قيمىلىن ورىستەتكەننەن كەيىن، قوبىقسارى موڭعۇل اۆتونوميالى اۋداندىق تۇرعىن ءۇي جانە قالا، اۋىل قۇرىلىسى مەكەمەسىنىڭ بايىنشىرگ الەۋمەتتىك اۋماعىندا تۇراتىن ”ۇعىسۋ، تيىمدىلىك جاساۋ، توعىستىرۋ“ قىزمەت اترەتى، الەۋمەتتىك اۋماقتاعى ءار ۇلت پارتيالى كادرلار الەۋمەتتىك اۋماق تۇرعىندارىمەن جۇپ قۇراپ، تۋىس بولدى، كوپشىلىكتىڭ جۇرەگى ونان ارى جاقىنداي ءتۇستى.

5 - ايدىڭ 15 - كۇنى تۇستە قىزمەت اترەتىنىڭ مۇشەسى ما حۇڭحۇڭ كەڭسەسىندە قاربالاستاپ جاتقان كەزدە، ونىمەن جۇپ قۇراپ، تۋىس بولعان ۋاڭ ميجۇن اس قالبىرىن الىپ كىرىپ كەلدى.

”اپەكە، نە قاربالاستىق؟ بىرنەشە كۇننەن بەرى سىزبەن كەزدەسە المادىم، تاماق دايىنداپ سىزگە الا كەلدىم!“، - دەپ ۋاڭ ميجۇن قىزۋ مەرەيمەن ما حۇڭحۇڭنىڭ قولىنان ۇستادى.

”مەنىمەن ءبىراز ۋاقىتقا دەيىن كەزدەسە الماسا نەمەسە ۇيدە الدەقانداي ءدامدى تاماق جاساسا، ءسىڭلىم تۇگەلدەي ماعان اكەلىپ، جولشىباي كەڭسەدە كەڭەس قۇرىپ كەتەدى، ءسىڭلىمنىڭ ىستەگەن تاماعى ءدامدى، قاتتى ءسۇيسىنىپ جەيمىن“، - دەدى ما حۇڭحۇڭ.

ما حۇڭحۇڭ ۋاڭ ميجۇننىڭ ۇيىنە تۇڭعىش رەت حال - جاعداي ۇعىسا بارعانىندا، ونىڭ كۇيەۋىنىڭ ەلەكتر جابدىقتارىن رەمونتتاۋ دۇكەنىن اشقاندىعىن، تيجاراتى جاقسى بولماي، زيان تارتىپ، ۇيىندەگىلەردىڭ كوڭىل كۇيلەرى جابىرقاڭقى ەكەندىگىن بىلەدى. ما حۇڭحۇڭ ونىمەن ىرىقتىلىقپەن تۋىس بولادى. ول كەزدە جۇمىستانۋ تۋرالى جاڭا حابار بولا قالسا نەمەسە الەۋمەتتىك اۋماقتا شەبەرلىك كۋرسى اشىلا قالسا، ول بارىندە الدىمەن ۋاڭ ميجۇنگە ايتاتىن. كەيدە ما حۇڭحۇڭ ۋاقىت شىعارىپ ۋاڭ ميجۇنگە سەرىك بولىپ، اۋداندا ۇيىمداستىرىلعان جۇمىستانۋ شەبەرلىك كۋرسىنا قاتىناسىپ، ءسىڭلىسىن الەۋمەتتىك اۋماقتاعى ويىن - ساۋىق قيمىلدارىنا بىرگە قاتىناسۋعا ۇسىنىس ەتىپ، ەرلى - زايىپتى ەكەۋىنىڭ جابىرقاۋ كوڭىل كۇيدەن تەز ارادا ارىلۋىنا جاردەمدەستى.

ما حۇڭحۇڭنىڭ كومەگىندە ۋاڭ ميجۇن مەن كۇيەۋى سەنىمدەرىن قايتا تاۋىپ، قول تەلەفون دۇكەنىن اشتى. ”كىرىسىمىز بۇرىنعى ەلەكتر جابدىقتارىن رەمونتتاۋ دۇكەنىنە قاراعاندا كوپ جاقساردى“، - دەدى ۋاڭ ميجۇن قۋانىشپەن.

4 جىلدىڭ الدىندا موڭعۇل تۇرعىن پۇربا بۇلعۇن الەۋمەتتىك اۋماققا كوشىپ كىردى. كۇيەۋىنىڭ دەنساۋلىعى جاقسى ەمەس، بالاسى اۋرۋ بولعاندىقتان، ول ءار كۇنى قاتتى شارشايتىن.

قىزمەت اترەتىنىڭ مۇشەسى يۇي ۋىنچيان بۇل جاعدايلاردى بىلگەننەن كەيىن، پۇربا بۇلعۇن وتباسىمەن جۇپ قۇراپ، تۋىس بولدى. بارىس - كەلىس جاساي كەلە، پۇربا بۇلعۇننىڭ اق جارقىن، ادال مىنەزىنەن يۇي ۋىنچۋان مەن ايەلى، قىزى تۇگەل اسەرلەندى.

”مەنىڭشە، جۇپ قۇراعان تۋىستار اراسىنداعى ەڭ ماڭىزدى نارسە شىن نيەتپەن سىرلاسىپ، ءبىر - ءبىرىن ناعىز تۋىس، ناعىز جان اشىر رەتىندە كورىپ مامىلە جاساۋ. قازىر مەن قولىم بوساي قالسا ولارعا كومەكتەسىپ كوبىرەك جۇمىستار ىستەپ، ۋاقىت شىعارىپ ولارمەن بىرگە بولامىن، قاريانىڭ بالاسى بولۋعا وتە رازىمىن!“ - دەدى يۇي ۋىنچيان.

ءتىلشى قابات ۇيلەر اراسىندا جۇرگەنىندە، ارلى - بەرلى قايشالىسقان ءار ۇلت تۇرعىندارىنىڭ قىزۋ مەرەيمەن ءبىر - بىرىمەن امانداسقاندىعىن، ءار ۇلت بالالارىنىڭ بىرگە اسىر سالىپ ويناپ جۇرگەندىگىن كوردى... ”الەۋمەتتىك اۋماعىمىز ءبىر ۇلكەن وتباسى، ءار ۇلت كادر - بۇقاراسى وسى ۇلكەن وتباسىندا شات - شادىمان قىزمەت ىستەپ، تۇرمىس كەشىرىپ، ارالاسىپ، ىشتەسىپ، توعىسادى، كوپشىلىكتىڭ سۇيىسپەنشىلىگى بارعان سايىن تەرەڭدەۋدە“، - دەدى حۋاڭ ليپيڭ.