شيحۋ مەن يىڭكوۋدىڭ ”ەڭ ارداقتى وتباسىلارى“ دوستاستى
8 - ايدىڭ 27 - كۇنى شيحۋ قالالىق ايەلدەر بىرلەستىگى 7 ”ەڭ ارداقتى وتباسىن“ ۇيىمداستىرىپ، لياۋنيڭ ولكەسىنىڭ يىڭكوۋ قالاسىنا بارىپ، ”انار گۇلى. جەلەكتىلەر شينجياڭعا كومەكتەسۋ ارەكەتى“، ”ەڭ ارداقتى وتباسى“ ارالاسۋ، ىشتەسۋ، توعىسۋ قيمىلىن ورىستەتۋگە ۇيىمداستىردى.
اڭگىمە وتكىزۋ، پىكىر الماستىرۋ جيىنىندا، شيحۋ، يىڭكوۋ ەكى جەردەگى ”ەڭ ارداقتى وتباسى“ ۋاكىلدەرى قول الىسىپ، اڭگىمە شەرتىسىپ، ٴوزارا ساۋعا ۇسىنۋ، وتباسى سالتى جونىندە اڭگىمە دۇكەنىن قۇرۋ، وتباسىلىق ونەر كورسەتۋ، بىرگە ٴان ايتۋ، بىرگە ٴبي بيلەۋ، وتباسىلىق سۋرەتكە ءتۇسۋ قاتارلى تاسىلدەر ارقىلى، ەكى جەردىڭ جەر جايى مەن ەل جايىن، وتباسىنىڭ جاڭا بەينەسىن ايگىلەدى، كوپشىلىكتىڭ ەكى جەردىڭ مادەنيەتىنە بولعان تۇسىنىگىن تەرەڭدەتىپ، ۇلتتار ىنتىماعى سۇيىسپەنشىلىگىن بەكەمدەي ءتۇستى.
قيمىل كەزىندە، شيحۋ قالاسىنىڭ ”ەڭ ارداقتى وتباسىلارى“ تاعى لەي فىڭ مادەنيەت مۇراجايى، يىڭكوۋ بايىرعى كوشەسى جانە فۋيۇيچۋان رايونى سياقتىلاردى ەكسكۋرسيالاپ، لەي فىڭ مادەنيەتىنىڭ تارتىمدىلىعى مەن اعا بۋىن توڭكەرىسشىلەردىڭ قاجىماي ـ تالماي قاجىرلىلىقپەن كۇرەس جۇرگىزگەن توڭكەرىستىك رۋحىن تولىق ٴتۇسىنىپ، ٴبىلىم مەن شاتتىقتى وتباسى تاربيەسىمەن بىرگە توعىستىردى.
شيحۋ قالاسىنداعى ”ەڭ ارداقتى وتباسىنىڭ“ ۋاكىلى شىرىناي ستۋا بىلاي دەدى: ”ايەلدەر بىرلەستىگىنىڭ وسى رەتكى قيمىلدى ۇيىمداستىرعانىنا العىس ايتامىز، وتباسىمىزداعىلارمەن بىرگە ساپارعا شىعىپ، يىڭكوۋدىڭ تەرەڭ مادەنيەت قاتپارىن بىرگە سەزىنۋىمىزگە، كوپتەگەن وتباسى ٴمورال تاربيەسى بىلىمدەرىن ۇيرەنۋىمىزگە وراي بەردى، ٴبىز تاعى يىڭكوۋ قالاسىنىڭ ’ەڭ ارداقتى وتباسىلارىن‘ شيحۋعا قوناق بولۋعا ۇسىنىس ەتىپ، شينجياڭنىڭ كوركەم كورىنىسىن سەزىنۋگە شاقىردىق“.
يىڭكوۋ قالاسىنداعى ”ەڭ ارداقتى وتباسىنىڭ“ ۋاكىلى شا شۋنان بىلاي دەدى: ”سان مىڭ كيلومەترلىك ارالىق ەكى جەردىڭ دوستىعىن توسا المايدى، ٴبىز تاۋ-تەڭىزدەردى باسىپ ءوتىپ، ٴبىر - بىرىمىزگە قاراي جول تارتىپ، ۇلتتار ىنتىماعىنىڭ تاماشا داستانىن بىرگە جازامىز“.
شيحۋ قالالىق ايەلدەر بىرلەستىگى پارتيا باسشىلىق گرۋپپاسىنىڭ شۋجيى، ورىنباسار ٴتوراعاسى ٴپازيلا ماكەن بىلاي دەدى: ”شيحۋ قالالىق ايەلدەر بىرلەستىگى وسى رەتكى قيمىلدى وراي ەتىپ، ’ەڭ ارداقتى وتباسى‘ قىزمەتىن ۇزدىكسىز ويداعىداي يگەرىپ، فورماسىندا ۇزدىكسىز جاڭالىق اشىپ، ءتۇرىن بايىتىپ، ’ەڭ ارداقتى وتباسىلارىنىڭ‘ ارالاسۋ، ىشتەسۋ، توعىسۋ قيمىلىن ورىستەتىپ، يىڭكوۋ قالالىق ايەلدەر بىرلەستىگىمەن بىرگە ۇلتتار ىنتىماعىنىڭ كوركەم كارتيناسىن سالامىز“.
