تيانشان تورى - شينجياڭ گازەتىنىڭ حابارى (ءتىلشى چين پىڭ حابارلايدى) 3 - ايدىڭ 7 - كۇنى سەگىز ”مەيىربان انا“ مەن ەكى ”مەيىرىمدى اكە“ قۇمىل قالاسى باركول قازاق اۆتونوميالى اۋدانى سانتاڭحۋ قالاشىق ورتالىق مەكتەپكە كەلىپ، 13 وقۋشىعا مەيىر باعىشتاۋ ساۋعاسى مەن قامقورلىقتارىن جەتكىزدى.
3 - ايدىڭ 7 - كۇنى قۇمىل قالاسى باركول قازاق اۆتونوميالى اۋدانى سانتاڭحۋ قالاشىق ورتالىق مەكتەبىندە، ”مەيىربان انا“ چين يانفەي (سولدان ءۇشىنشى) اپەكەلى - سىڭلىلەرمەن بىرگە ۇيرەنۋ بۇيىمدارىن بالالارعا ۇسىندى. سۋرەتتى حى پىڭفي تۇسىرگەن
سول كۇنى باركول قازاق اۆتونوميالى اۋدانى سانتاڭحۋ قالاشىعىنداعى ”مەيىربان انا“ قىزمەت وتەۋ اترەتى قالاشىقتاعى ورتالىق مەكتەپكە تاعى كەلىپ، بالالارعا ۇيرەنۋ قۇرالدارى مەن وزدەرى توقىعان پوپايكالارىن بەردى ءارى شينجياڭ شەكارادان كىرىپ - شىعۋ شەكارا قورعانىسىن تەكسەرۋ باس پۋنكتى قۇمىل شەكارا باسقارۋ تارماق اترەتى سانتاڭحۋ شەكارالىق ساقشى بولىمشەسىندەگى ”مەيىرىمدى اكەلەرمەن“ بىرلەسىپ، بالالارعا سۋرەت سىزۋدى ۇيرەتىپ، اڭگىمە وقىپ بەرىپ، ولاردىڭ جاتاق ءىشىن جيناستىرۋىنا كومەكتەسىپ، كورپەلەرىن قاتتاپ بەردى.
3 - ايدىڭ 7 - كۇنى باركول قازاق اۆتونوميالى اۋدانى سانتاڭحۋ قالاشىق ورتالىق مەكتەبىندە، ”مەيىربان انا“ چين يانفەي مەن ”مەيىرىمدى اكە“ ياڭ چۇن بالالاردىڭ جاڭا پوپايكالارىن كيۋىنە كومەكتەسۋدە. سۋرەتتى حى پىڭفي تۇسىرگەن
”مەنىڭ ءۇيىم سانتاڭحۋ قالاشىعى ساقابۇلاق قىستاعىندا. مەكتەپتەن 55 كيلومەتر قاشىقتىقتا، ادەتتە مەن جانە ساباقتاستارىمىز مەكتەپتىڭ جاتاقحاناسىندا تۇرامىز، اپتاسىنا ءبىر رەت ۇيىمىزگە قايتامىز. چين شەشەيمەن تانىسقاننان بەرى، ول ءار رەت مەنى كورگەلى كەلگەندە كوپتەگەن جەيتىن نارسەلەر اكەلەدى، ماعان وقۋ قۇرالدارىن، بوقشا جانە جاڭا كيىم - كەشەك ساتىپ الىپ بەرەدى، مەنىڭ كيىمدەرىمدى جۋىپ بەرەدى، بىزگە وتە جاقسى قارايدى. چين شەشەي ۇزاق ۋاقىت كەلمەي قالعاندا، مەن ول كىسى قاتتى ساعىنامىن، ول كىسى كەلە قالسا ايىرىقشا قۋانامىن!“،- دەدى 3 - جىلدىقتىڭ وقۋشىسى ەربولات ادال چين شەشەيدىڭ بىلەگىن قۇشاقتاپ قۋانىشتى بەينەدە.
3 - ايدىڭ 7 - كۇنى باركول قازاق اۆتونوميالى اۋدانى سانتاڭحۋ قالاشىق ورتالىق مەكتەبىندە، ”مەيىربان انالار“ جاتاقتاعى بالالارعا كومەكتەسىپ توسەك ورىندارىن جيناستىرۋدا. سۋرەتتى حى پىڭفي تۇسىرگەن
”مەيىربان انالار“ قىزمەت وتەۋ اترەتىنىڭ باستىعى چين يانفيدىڭ تانىستىرۋىنا قاراعاندا، ”مەيىربان انالار“ قىزمەت وتەۋ اترەتى بيىل 3 - ايدىڭ 1 - كۇنى قۇرىلعان. بۇل 40 ”مەيىربان انا“ سانتاڭحۋ قالاشىعىنان كەلگەن بولىپ، جاسى ەڭ ۇلكەنى 62 جاستا، ەڭ جاسى 29 جاستا، سونىمەن قاتار، سانتاڭحۋ شەكارالىق ساقشى بولىمشەسىنەن كەلگەن ەكى ”مەيىرىمدى اكە“ بار، ولار الەۋمەتتىك يگىلىكتەن تىس، بالالارعا حاۋىپسىزدىك ءتالىم - تاربيە قىزمەتىن ىستەۋگە جاۋاپتى.
”ۇعىسۋىمىزشا سانتاڭحۋ قالاشىق ورتالىق مەكتەبىندەگى 13 وقۋشىنىڭ 9ى ۇيدە قالعان بالا بولىپ، ەڭ شالعايداعى بالانىڭ ءۇيى مەكتەپتەن 56 كيلومەتر الىستا، قالعان 4 بالا بالاباقشاداعى بالدىرعاندار ەكەن. ءبىز بۇل ۇيدە قالعان بالالاردىڭ كيىم - كەشەك، ازىق - تۇلىك، جاتار ورىندارى مەن ۇيرەنۋ، تۇرمىسىنا قارايلاسۋدى ۇيعاردىق. ءبىز اتالعان مەكتەپكە ەكى رەت بارىپ، بالاردىڭ كيىم - كەشەكتەرىن جۋىپ بەرىپ، ولارعا پوپايكا جانە 200 دانادان استام ۇيرەنۋ بۇيىمدارىن بەردىك. بۇدان كەيىن ءبىز جانە بالالاردىڭ ۇيرەنۋى مەن ءوسىپ - جەتىلۋىنە كوڭىل ءبولىپ تۇرامىز“،- دەيدى چين يانفەي.
